Yoxuwa
12 A tihosi ta tiko leti a Vaisrayele va ti hluliki nakone va tekiki mimbangu ya tone ka tlhelo dzra le wuxeni bya Yordani, ku sukela a Nambyeni wa Arnoni ku ya tlhasa a Nhaveni ya Hermoni, ni mbangu hinkwawu wa le wuxeni ka Araba, hi leti: 2 Sihoni, hosi ya Vaamori, lweyi a a tsrhama a Hexiboni nakone a a fuma ku sukela a Aroweri, lani a ku kumeka a nkingeni wa Nambu wa Arnoni, ku sukela a xikazri ka nambu ku ya tlhasa a Nambyeni wa Yaboki, lani a ku tlhela ku va ndzrelekanu wa mbangu wa Vaamoni. A a tlhela a fuma ni hamfu ya Giliyadi. 3 Sihoni a a fuma ni le Araba ku ya tlhasa a wuxeni bya Lwandle dzra Kinereti,* a mfumu wake a wu tlhela wu famba wu khaluta a Beti-yeximoni lani a ku li kusuhi ni Lwandle dzra Munyu,* ni ku ya tlhasa a masungulweni ya maganga* ya Pisga a nyingitimu.
4 Va tlhele va teka mbangu wa Ogi, hosi ya Baxani, lweyi a a li mun’we wa Varefayimi lava a va ha li kone, lweyi a a tsrhama Axitaroti ni le Edreyi, 5 nakone a a fuma Nhaveni ya Hermoni, a Saleka ni le Baxani hinkwaku, ku ya tlhasa ndzrelekanwini wa mbangu wa Vagexuri ni Vamakati, ku patsra ni hamfu ya Giliyadi, ku ya tlhasa ndzrelekanwini wa Sihoni, hosi ya Hexiboni.
6 Va hluliwe ha Moxe nandzra wa Yehovha ni hi Vaisrayele. Ntsrhaku ka leswo, Moxe nandzra wa Yehovha a nyikele tiko dzravu ka Varubeni, Vagadi ni ka hamfu ya lixaka dzra Manasi akuva dzri va mbangu wavu.
7 Leti i tihosi ta tiko leti Yoxuwa ni Vaisrayele va ti hluliki a mpeladambu wa Yordani, ku sukela a Bali-gadi a Nkoveni wa Lebanoni ku ya tlhasa a Nhaveni ya Halaki leyi nga kusuhi ni Seyiri, ku nga tiko ledzri Yoxuwa a gamiki a yavela tinxaka ta Israyele akuva dzri va mbangu wa tone. 8 A mimbangu ya kone i muganga wa tinhava, Xefela, Araba, a magangeni, a mananga ni le Negebu, ku nga tiko dzra Vaheti, dzra Vaamori, dzra Vakanana, dzra Vaperezi, dzra Vahivi ni dzra Vayebusi.
9 A tihosi ta kone a ve leti: hosi ya Yeriko, hosi ya Ayi, lani a ku kumeka tlhelweni ka Betele,
10 hosi ya Yerusalema, hosi ya Hebroni,
11 hosi ya Yarmuti, hosi ya Lakixi,
12 hosi ya Egloni, hosi ya Gezeri,
13 hosi ya Debiri, hosi ya Gedere,
14 hosi ya Horma, hosi ya Aradi,
15 hosi ya Libna, hosi ya Adulamu,
16 hosi ya Makeda, hosi ya Betele,
17 hosi ya Tapuwa, hosi ya Heferi,
18 hosi ya Afeki, hosi ya Laxaroni,
19 hosi ya Madoni, hosi ya Hazori,
20 hosi ya Ximironi-meroni, hosi ya Akaxafi,
21 hosi ya Tanaki, hosi ya Megido,
22 hosi ya Kedexi, hosi ya Yokineyamu a Karmeli,
23 hosi ya Dori a magangeni ya Dori, hosi ya Goyimu a Giligala,
24 ni hosi ya Tiriza, hinkwatu a ve 31 wa tone.