XIYENGE 2

Hi Mani Xikwembu Nkulukumba Wa Xihlayelanfurhi?

Yehovha a sizrela swivumbiwa swakwe swa matilweni ni misaveni na a li xiluvelweni xakwe matilweni

Ku ni Xikwembu Nkulukumba mun’we ntsena wa xihlayelanfurhi. Vito drakwe hi Yehovha. (Psalma 83:18) Yene i Moya; a hi nge mu voni. Awa hi rhandra furhi a djula leswaku na hine hi mu rhandra. Nangweso, a djula leswaku hi rhandra vhanu van’wana. (Mattheo 22:35-40) Hi yene Lwa Nga Henhla-Henhla, Mutumbuluxi wa mintxhumu hinkwayu.

Xivumbiwa xa ku sungula xa Xikwembu Nkulukumba afa a li ntrumi ya ntamu leyi antrhaku yi tiviwiki swanga Yesu Kriste. Yehovha nangweso a tumbuluxi tintrumi.

Yehovha a tumbuluxi mintxhumu hinkwayu atilweni . . . ni le misaveni. Apfuletelo 4:11

Yehovha Xikwembu Nkulukumba a tumbuluxi tinyeleti, misava ni hinkwaswu leswi nga ku yone.—Genesis 1:1.

A vumbi mhunu wa ku sungula, Adamu, hi ntrhurhi wa misava.—Genesis 2:7.