Ntiyiso Mayelanu Ni Mfumu Wa Xikwembu Nkulukumba
Yesu a dondzrise valandzreli vakwe ku khongota hi ndlela leyi: ‘Tatana wezru lwa nga matilweni. A vito dzraku a dzri hlawuliwe. A wu te Mfumu waku. A ku zrandzra kwaku a ku yentxiwe a misaveni, swanga hi le tilweni.’ (Mattheo 6:9, 10) Xana i yini Mfumu wa Xikwembu Nkulukumba? Xana wu ta yentxa yini? Nakone ha yini hi fanela ku khongota leswaku wu ta?
Yesu i Hosi ya Mfumu wa Xikwembu Nkulukumba.
Luka 1:31-33: ‘U ta mu txhula vito dzra Yesu. Lweyo a ta va nkulu, a ta hlayiwa N’wana wa Lwa nga Henhla-Henhla; Hosi Xikwembu Nkulukumba a ta mu nyika xitsrhamu xa vuhosi xa Davida tatana wakwe; a ta fuma yindlu ya Yakob hi minkama hinkwayu; a vuhosi byakwe byi nga vi na vugamu.’
Mfumu a ku li mhaka nkulu ya Yesu loko a txhumayela.
Mattheo 9:35: ‘Yesu afa a tifambela hi miti hinkwayu ni mitana na a dondzrisa masinagogeni, a hlaya evhangeli dzra Mfumu, a hanyisa vuvabyi byini ni byini ni minkazralo yini ni yini.’
Akuva a pfuna vadondzrisiwa vakwe ku tiva nkama lowu Mfumu a wu ta buya ha wone, Yesu a khanele hi mintxhumu leyi a yi ta yentxeka ku sungula.
Mattheo 24:7: ‘Hikuva a dzrin’we tiko dzri ta pfukela dzrin’wana tiko, ni mfumu mun’we wu ta pfukela mfumu mun’wana a ntamu; ku ta va ni tindlala ni swimbeta ku min’wana mimbangu.’
Vadondzrisiwa va Yesu namunhla va txhumayela hi Mfumu a misaveni hinkwayu.
Mattheo 24:14: ‘Kutani evhangeli ledzri dzra Mfumu dzri ta zrezriwa misaveni hinkwayu, byi va vumboni ku hinkwawu matiko: Hi kone kutani ku taka ta vugamu.’