‘A Hi Heli Timbilu’

4:16-18

Yanakanya mindangu yibidzri leyi tsrhamaka ka tiyindlu leti hlakaliki. Ndangu wun’we wu xukuvalile. Lexi hlamalisaka, ndangu lowumbeni wu nyonxile. Ha yini? Hikusa wu ta zruzrela ka yindlu yimpswha ni leyi xongiki.

Nambi leswi ‘a swivumbiwa hinkwaswu swi konyaka ingi swa lun’wa ni swoswi’, malandzra ya Xikwembu Nkulukumba ma ni dumbo ledzri ma tiyisaka. (Ro 8:22) Ha swi tiva leswaku a ku xaniseka loku hi nga na kone swoswi, nambi loko ku hi tsrhuvata ku dzringana malembe ya ku tala, ka ‘vevuka’ mfuzri i ka ‘nkamanyana’ loko ku dzringanisiwa ni wutomi lebyi nga helikiki ka misava leyimpswha ya Xikwembu Nkulukumba. Ku beka tihlo dzrezru ka matovoko lama taka ya Mfumu swi ta hi pfuna leswaku hi va ni ku nyonxa lokukulu hi tlhela hi nga heli timbilu.