KU HANYA SWANGA VAKRISTE

Yehovha A Sizrelela Vhanu Vakwe

Tatana wa mu-Israyele ni n’wana wakwe va totaka ngati a swizrimbeni swa yindlu ya kaya kwavu.

A Paska dzra ku sungula dzri ve xiyentxakalu xa lisima. Hi wusiku lebyo, loko Faro a gungule leswaku mativula hinkwawu ya va-Egipta ma file, a byele Moxe a ku: ‘Sekelekani n’wi huma vhanwini vanga, n’wine ni vana va-Israyele; n’wi famba n’wi ya tizrela Yehovha, swoswi n’wi hlayisiki xiswone.’ (Eks 12:31) Hi ku yentxa leswo, Yehovha a kombise leswaku wa ma sizrelela malandzra yakwe.

Loko hi lavisa mfambu wa vhanu va Yehovha a masikwini yezru, swi le livaleni leswaku a tama a ma kongomisa ni ku ma sizrelela. Leswo swi tikomba ka xiyenge xa muzewu dzra ntsindzra wa misava hinkwayu dzri nga ni nhlokomhaka leyi liki: “Vhanu Lava Yimelaka Vito Dzra Yehovha”.

HLALELANI VÍDEO LEDZRI LIKI KU VALANGA A MUZEWU DZRA WARWICK: “VHANU LAVA YIMELAKA VITO DZRA YEHOVHA”, MI GAMA MI HLAMULA SWIVUTISO LESWI LANDZRELAKA:

Hi xini xitizro lexi Swidondzri Swa Bibele swi sunguliki ku xi tizrisa hi 1914 akuva swi tiyisa lipfumelo, nakone swi ve ni bindzru muni?
Hi wini ndzringo va viki nawone hi 1916 ni 1918, nakone i yini xi kombisaka leswaku Yehovha a a kongomisa nhlengeletanu?
Xana vhanu va Yehovha va tame va tiyile a lipfumelweni nambi loko va kanetiwa hi ndlela yini?
Hi wani matwisisela mampswha lawa vhanu va Yehovha va viki nawone hi 1935, nakone ma va khumbise kuyini?
Loko a li leswaku u valangile ka muzewu ledzri, i yini leswi u swi voniki leswi tiyisiki lipfumelo dzraku ka leswaku Yehovha a kongomisa ni ku sizrelela vhanu vakwe?