Vapswele, Dondzrisani Vanenu Ku Tivhikela

Hi hanya ka misava leyi djulaka hi vona swa ku biha swi li swinene. (Eza 5:20) Lexi vavisaka, hi leswaku vhanu va hamba mintxhumu leyi Yehovha a yi nyenyaka, leyi patsraka mahanyela ya ku biha makazri ka vhanu va limbewu ledzri fanaka. Vadondzri kulobye va nga ha hlohlotela vampswha vezru lava zrandzrekaka akuva va landzra mahanyela yavu. Kutani ke, u nga va lulamiselisa kuyini vanaku akuva va hlula mindzringo leyi kumbe leyi fanaka na yone hi ndlela leyinene?

Hlomisani vanenu hi wutivi ni minsinya ya milawu ya Yehovha. (Lv 18:3) Bula ni vanaku hi leswi Bibele dzri swi hlayaka mayelanu ni limbewu hi ku ya hi ntanga yavu. (Dt 6:7) Tivutise leswi: ‘Xana ni va dondzrisile vananga mayelanu ni ndlela leyinene ya ku kombisa matitwela yavu, lisima dzra ku yambala hi ndlela leyinene, ni lisima dzra ku va vambeni va va hlonipha? Xana vananga va swi tiva leswaku va ta yentxa yini loko va djula ku va komba pornografiya kumbe loko va sindzrisiwa ku yentxa ntxhumu lowu bihiki mahlweni ka Yehovha?’ Ku zranga u va dondzrisa swi ta va pfuna akuva va nga humeleliwe hi nghozi. (Pr 27:12; Ekl 7:12) Loko u dondzrisa vanaku ku tivhikela, u va na u kombisa lizrandzru ka pfindla ledzri pfaka ka Yehovha.​—Ps 127:3.

HLALELANI VÍDEO LEDZRI LIKI VANA NI NDANGU LOWU TIYIKI​—SIZRELELA VANAKU KA “LESWA KU BIHA”, MI GAMA MI HLAMULA SWIVUTISO LESWI LANDZRELAKA:

• 

  Ha yini vapswele vambeni va ganaganeka ku bula ni vanavu mayelanu ni limbewu?

• 

  Ha yini vapswele va fanela ku dondzrisa vanavu hi ‘makhatela ni madondzrisela’ ya Yehovha?​—Ef 6:4

• 

  Hi swini switizro leswi nhlengeletanu ya Yehovha yi swi nyikaka vapswele akuva swi va pfuna ku dondzrisa vanavu mayelanu ni limbewu?​—Xihondzro Xa Ku Zrindzra 05/2019 p. 12, bokisi

• Ha yini swi li swinene ku zranga u bulisana ni vanaku, ku tlula ku yimela kuva ku humelela nghozi a li kone u bulisanaka navu?