Hi Lulamele Ku Zrezrela Vhanu Hinkwavu

Swanga hi leswi Yehovha a hleliki va-Israyele, ni namunhla a hlela vhanu vakwe akuva va kota ku hetisisa ku zrandzra kwakwe. A misaveni, mazrwavi, swifundzra, mabandla ni mintlawa hinkwayu ya nsimu yi tizra kun’we a ku zrezreni ka madzrungula lamanene. Hi zrezrela hinkwavu, ku patsra ni lava khanelaka tindzrimi timbeni.​—Mpf 14:6, 7.

Xana u same u yanakanya hi ku dondzra lidzrimi dzrimbeni akuva u pfuna vhanu va lidzrimi ledzro ku tiva ntiyiso? Nambi loko u nga li na nkama wa ku dondzra lidzrimi dzrimbeni, u nga tizrisa aplicativo dzra JW Language akuva u dondzra ku sungula bulu a nsin’wini. Ntsrhaku ka loko u tizrise mayentxela lawa a nsin’wini, u nga va ni ku nyonxa loku fanaka ni ka vakriste va dzaneni dzra ku sungula va viki na kone loko vhanu va matiko mambeni va hlamalile hi ku twa ‘timhaka letikulu ta Xikwembu Nkulukumba’ hi lidzrimi dzravu.​—Min 2:7-11.

HLALELANI VÍDEO LEDZRI LIKI VANA MUNGHANU WA YEHOVHA​—KU ZREZRA HI LIDZRIMI DZRIMBENI, MI GAMA MI HLAMULA SWIVUTISO LESWI LANDZRELAKA:

• 

  Hi dzrini lani u nga tizrisaka aplicativo dzra JW Language?

• 

  I yini leswi u taka swi kuma ndzreni ka dzrone?

• 

  Hi tini tindzrimi tin’wana leti vulavuliwaka hi vhanu va ka nsimu yaku?

• U nga yentxa yini loko mhunu lwe u mu zrezrelaka a kombisa ku nyonxela, kambe a khanela lidzrimi dzrimbeni?​—Hi Hleleliwe pp. 100-101 §§ 39-41