“Mindzringo Hinkwayu Yi Ta Hela Hi Siku Dzra Yone”

Mindzringo yi nga ha hi heta ntamu, ngopfungopfu loko yi teka nkama wa ku leha. Davhida a a swi tiva leswaku ndzringo wake lowu a wu patsra hosi Sawulo hi wugamu a wu ta hela ni leswaku a a ta va hosi hi lani Yehovha a a dumbise ha kone. (1Sa 16:13) Lipfumelo dzra Davhida dzri mu yentxi ku va a tiyisela a tlhela a yimela kuva Yehovha a va yene a yentxaka xa kukazri.

Loko hi kumana ni ndzringo hi nga ha tizrisa wutlhazri byezru, wutivi ni wuswikoti byezru akuva hi txintxa xiyimu. (1Sa 21:12-14; Pr 1:4) Kambe, swikazratu swimbeni swi nga ha phikelela nambi loko hi yentxi minzamu hinkwayu ya ku swi tlhantlha hi ku tizrisa minsinya ya milawu ya Bibele. Ka swiyimu swa ku tanu, hi fanela ku tama hi lehisa mbilu hi swi tsrhikela Yehovha. Ku nga li khale Yehovha a ta helisa ku xaniseka hinkwaku a va a sula minyembeti hinkwayu a matihlweni yezru. (Mpf 21:4) Swi nge na mhaka leswaku ndzringo wa kukazri wu helisiwa hi Yehovha kumbe hi xivangelo ximbeni, ha tiyiseka ka leswaku: Mindzringo hinkwayu yi ta hela hi siku dzra kone. Ku tiva leswo swi nga ha hi zrulisa miyanakanyu.

HLALELANI VÍDEO LEDZRI LIKI VHANU LAVA NGA NI WUMUNʼWE A MISAVENI LEYI NGA NI XIHLAWUHLAWU, MI GAMA MI HLAMULA SWIVUTISO LESWI LANDZRELAKA:

• He swini swikazratu leswi van’we va vamakwezru va le nyingitimu wa Estados Unidos va kumaniki na swone?

• Xana va ku kombisise kuyini ku lehisa mbilu ni lizrandzru?

• Xana va swi kotise kuyini ku tama va tiyimisela ku ‘hlawula leswa ku lulama’ kumbe ku yentxa leswi nga swa lisima ngopfu?—Ba-le-Filipi 1:10