Tsima Dzra Ku Hlawuleka Dzra Ku Sungula Swidondzro Swa Bibele Hi Setembru

Hi Setembru, hi ta tizra hi nkhinkhi akuva hi sungula xidondzro xa Bibele ka mun’wana ni mun’wana hi ku tizrisa xibukwana lexi liki Hanya Hi Ku Nyonxa! A vazrezri va nga ha hlawula ku teka wuphayona bya ku pfunisa va nyikela 30 wa mawora. Hi nga hlengemelisa kuyini ka tsima ledzri?

• Ka Liyendzro Dzra Ku Sungula: Tizrisa tluka dzra wugamu dzra xibukwana akuva u pfuna mhunu leswaku a nyonxela, nakone dzringisa ku mu komba leswaku xidondzro xa Bibele xi yentxisiwa kuyini. Dzrimuka lava samiki va kombisa ku nyonxela ku patsra ni timpinda. Nambi loko va same va yala xidondzro xa Bibele masiku ntsrhaku, swi nga yentxeka va nyonxela ku dondzra hi xibukwana leximpshwa. A swibukwana leswi a swi fanelanga ku siyiwa ka mimiti leyi ku kalaka ku nge na mhunu kumbe ku zrumela ni makarta ka vhanu lava kalaka va nga kombisanga ku nyonxela. A xihubyana xa ntizro xa bandla xi nga ha hamba malulamiselo ya mintlhanganu yin’wana ya nsimu hi hweti leyi.

• Mikhandlu Yin’wana: Loko bandla dzraku dzri tizrisa xikarinyana xa mabuku beka xibukwana lexi liki Hanya Hi Ku Nyonxa! hi ndlela leyi vonekaka. Byela lava kombisaka ku nyonxela leswaku a xibukwana lexi xi tizriseliwa ku fambisa xidondzro xa Bibele xa mahala. Hi ku gomisa, kombisa leswaku xi yentxisiwa kuyini xidondzro xa Bibele, kumbe u kunguhata ku yentxa leswo hi nkama wumbeni. A mulaviseli wa ntizro a nga ha hlawula vazrezri lava fanelekaka akuva va ya mabazara ni ma-empreza ya nsimu yavu akuva va ya sungula swidondzro swa Bibele. Nakone u nga ha sungula xidondzro xa Bibele ni lava u tizraka na vone kumbe lava u samiki u va zrezrela.

Yesu a hi lelete leswaku hi “ya dondzrisa vhanu . . . va va vadondzrisiwa, ni ku “va dondzrisa”. (Mt 28:19, 20) Ingiki tsima ledzri dzri nga hi pfuna ku tlhasela nkongometo lowo hi ku tizrisa xibukwana lexi liki Hanya Hi Ku Nyonxa!