Ku Lwisana Ni Ku Bindzra Ka Wutomi

A wutomi a masikwini lawa ya wugamu byi tale hi swikazratu. Leswi hi yaka hi tsrindzekela a wugan’wini bya xiyimu xa misava leyi, nakunene swikazratu swi ta ya swi yandzra. Minkama yimbeni hi nga ha kiyeleliwa hi mintxhumu ya kukazri. (Hab 3:16-18) I yini lexi nga hi pfunaka ku tiyiselela ku bindzra ka wutomi? Hi fanela ku tama hi dumba Xikwembu Nkulukumba wezru Yehovha. A dumbise ku hlayisa malandzra yake, nakone a nga hi nyika leswi hi swi vilelaka ka xiyimu xin’wana ni xin’wana lexi hi nga ha vaka na hi li ka xone.—Ps 37:18, 19; Hb 13:5, 6.

U nga yentxa yini?

• Kombela Yehovha leswaku a ku kongomisa, a ku nyika wutlhazri ni ku ku seketela.—Ps 62:8

• Tiyimisele ku yentxa ntizro lowu kumbexana a wu ngi ngi sama u wu yentxa.—Xalamuka! 01/2010 Bokisi pp. 8-9.

• Vana ni xiyimiso lexinene xa moya, ku patsra ni ku dondzra Bibele siku ni siku, ku hlalela mintlghanganu ya bandla ni ku va kone a nsin’wini hi xitalu

HLALELANI VHIDIYU LEDZRI LIKI VANA NI NDANGU LOWU TIYIKI—“YANELISEKA HI LESWI U NGA NA SWONE”, MI GAMA MI HLAMULA SWIVUTISO LESWI LANDZRELAKA:

• He swini swikazratu leswi mindangu yin’wana yi kumaniki na swone?

• He wini ntxhumu lowu faneliki kuva wa lisima a wuton’wini?

• Hi nga va pfunisa kuyini lava bindzreliwaka hi wutomi?