U Nga Yentxa Xa Kukazri Akuva Ndangu Waku Wu Va Lowu Nyonxiki

Yehovha a djula leswaku mindangu yi nyonxa (Ps 127:3-5; Ekl 9:9; 11:9) Nambitanu hi nga ha heleliwa hi ku nyonxa kwezru hi kola ka swikazrato swa misava leyi kun’we ni swihoxo leswi swi nga ha vangiwaka hi swizru swa ndangu. I yini leswi xizro xin’wana ni xin’wana xa ndangu xi nga swi yentxaka akuva ku va ni ku nyonxa a ndangwini?

Wanuna a fanela ku kombisa xitxhavu ka nsati wake. (1Pe 3:7) Tinyiki nkama wa kuva nayene. Kombisa leswaku wa swi tlangela hinkwaswu leswi a ku yentxelaka swone ni hinkwaswu leswi a swi yentxelaka va ndangu. (Kl 3:15) Mu byeli leswaku wa mu zrandzra nakone mu kulungeli.—Pr 31:28, 31.

Wansati a fanela ku djuletela tindlela ta ku seketela nuna wake. (Pr 31:12) Wansati a fanela ku tibeka hansi ka nuna wake ni ku tlhela va tizrisana. (Kl 3:18) A fanela ku vulavula ha hombe hi nuna wake.—Pr 31:26.

Vapswali, mi fanela ku heta nkama ni vanenu. (Dt 6:6, 7) Byelani vana venu leswaku ma va zrandzra. (Mt 3:17) Loko swi vilela kuva mi va laya, swi yentxani hi ndlela leyi kombisaka lizrandzru ni wutlhazri.—Ef 6:4.

Vana, kombisani xitxhavu ka vapwali venu ni ku tlhela mi va yingiseta. (Pr 23:22) Byelani vapswali venu mayelanu ni matitwela yenu ni leswi mi swi yanakanyaka. Pfumelani swilayu swavu ni ku va komba xitxhavu.—Pr 19:20.

HLALELANI VHIDIYU DZRA DRAMA LEDZRI LIKI YENTXANI LESWAKU MINDANGU YENU YI NYONXA MI GAMA MI HLAMULA XIVUTISO LEXI LANDZRELAKA:

• I yini leswi mun’wana ni mun’wa a nga swi yentxaka akuva a txutxela ku nyonxa a ndangwini?