3-9 KA NOVHEMBRU

ALISIMU LA TINSIMU 1-2

Lisimu 132 Ni Xikhongoto | Mazritu Ya Ku Pfula (1 min.)

WUKOSI BYI NGA BIBELENI

1. Lizrandzru Dzra Hakakunene

(10 min.)

[Txhaya VHIDIYU ledzri liki Nkatsrakanyu Wa Buku Dzra Alisimu la Tinsimu.]

Solomoni a kulungele n’hwanyana wa Muxulami a tlhela a mu dumbisa ku mu nyika mintxhumu yinyingi ya lisima (Lis 1:9-11)

Leswi n’hwanyana wa Muxulami a a ni lizrandzru ledzrikulu hi djaha ledzri a dzri li mubyisi, a tame a kombisa leswaku awa dumbeka ka dzrone (Lis 2:16-17; Sentinela 15/01/2015 pp. 30-31 §§ 9-10)

N’hwanyana wa Muxulami a yalaka xizrambu xa Hosi Solomoni xa ku ya tendeni dzrake, a mu kombaka nhlana a tlhela a khondla mavoko. Malandzra mazrazru ya Solomoni ma yime mahlweni ka tende na ma tamele thawula, basiya ni jaru.

LESWI U NGA SWI YENTXAKA: Loko u dondzra buku dzra Alisimu la Tinsimu, tizrisa “Nkatsrakanyu Wa Buku” ka Wundzruluteli Bya Misava Leyimpswha akuva u tiva leswaku i mani lweyi a khanelaka.

2. Tindzralama Ta Moya

(10 min.)

Lis 2:7—Ha yini n’hwanyana wa Muxulami a li xikombiso lexinene ka vakriste lava kalaka va nga si na txhata? (Sentinela 15/01/2015 p. 31 § 11)

Nhlamulo
He tini tindzralama ta moya leti u ti kumiki a ku dondzreni ka Bibele ka vhiki ledzri?

Nhlamulo

3. Ku Dondzra Ka Bibele

(4 min.) Lis 2:1-17 (Tihite dondzro 12)

TIHITE A NTIZRWENI WA NSIMU

4. Ku Sungula Mabulu

(3 min.) HI MUTI NI MUTI. Byela mhunu ntiyiso wa kukazri lowu nga ka xiyengetelo A ka xibukwana lexi liki Zrandzra Vhanu. (Zrandzra Vhanu dondzro 1 mhaka 3)

5. Ku Hamba Timpinda

(4 min.) HI MUTI NI MUTI. Byela mhunu ntiyiso wa kukazri lowu nga ka xiyengetelo A ka xibukwana lexi liki Zrandzra Vhanu. (Zrandzra Vhanu dondzro 9 mhaka 3)

6. Ku Yentxa Vadondzrisiwa

(5 min.) Hanya Hi Ku Nyonxa! xidondzro 18 xingheniso ni yinhla 1-3. (Tihite dondzro 8)

KU HANYA SWANGA VAKRISTE

Lisimu 46

7. Mhunu Lweyi A Hananaka A Ta Kateka

(15 min.) Wukaneli lebyi taka nyikeliwa hi nkulu wa bandla.

Loko hi nyikela hi ku swi zrandzra hi ku tizrisa nkama wezru ni leswi hi nga na swone akuva hi pfuna van’wana, hi ta hakeliwa hi ku va hi tovokisiwa. Nakone lweyi a yamukelaka a va a tlangela xihanano xezru, a nyonxa ngopfu swinene. Kambe na hine hi hananaka hi ta nyonxa. (Pr 22:9) Hi ta titwa na hi nyonxile hikusa hi ta va na hi yetisela Yehovha nakone a ta hi yamukela.—Pr 19:17; Yk 1:17.

Xin’hwanyatana xa kukazri xi petaka munyikelo a kaxeni dzra swihanano.

Makwezru wa kukazri a hambaka munyikelo hi ku tizrisa interneti.

Txhaya VHIDIYU ledzri liki Ku Hanana Swi Tisa Ku Nyonxa. U gama u hamba swivutiso leswi landzrelaka ka vayingiseti:

Xana vamakwezru lava hi va voniki ka vhidiyu va kume ku nyonxa hi ndlela yini hi leswi vamakwezru va misava hinkwayu va va hananiki swone?

Nhlamulo
Vone ke, xana va kume ku nyonxa hi ndlela yini hi leswi va kotiki ku hanana van’wana?

Nhlamulo

8. Dondzro Ya Bibele Ya Bandla

(30 min.) Dondzra Hi Vhanu Va Le Bibeleni tidondzro 32-33