Xana ku xaniseka ku ta hela siku dzrin’wana?

LESWI BIBELE DZRI SWI HLAYAKA

‘Xikwembu Nkulukumba a ta hlangula minyembeti hinkwayu a mahlweni yavu; ni ku fa ku nga ha vi kone; ku nga ha vi na nkosi, ni ku bongosa, ni ku vaviseka.’—Apfuletelo 21:3, 4.

NDLELA LEYI SWOSWO SWI NGA KU PFUNAKA HA YONE

Ku tiva leswo swi ta ku nyika . . .

xitiyisekiso xa leswaku Xikwembu Nkulukumba a hi yene a hi vangelaka swikazratu.—Yakob 1:13.

ntxhavelelo wa ku tiva leswaku Xikwembu Nkulukumba awa hi twela wusiwana loko hi xaniseka.—Zekariya 2:8.

ku lavisela ka leswaku ku xaniseka hinkwaku ku ta hela.—Amapsalma 37:9-11.

XANA HAKUNENE HI NGA SWI KHOLWA LESWI BIBELE DZRI SWI HLAYAKA?

Ina, hi kola ka swivangelo swibidzri:

• Xikwembu Nkulukumba awa ku venga ku xaniseka ni wusomboloki. Yanakanya leswi Yehovha Xikwembu Nkulukumba a titwisiki xiswone loko vhanu vakwe va khomiwi hi tihanyi a minkameni ya Bibele. Bibele dzri li a hlomuleki mbilu hi mhaka ya ‘lava va va xanisaka’.—Abaṭemi 2:18.

  Xikwembu Nkulukumba awa va venga swinene lava yentxelaka van’wana wubihi. Hi xikombiso, Bibele dzri hlaya leswaku ‘mavoko lama halataka ngati leyi ngeke na nandzru’ ma nyenyentsa a mahlweni kwakwe.—Amaproverbia 6:16, 17.

• Xikwembu Nkulukumba awa zron’weka hi mun’wana ni mun’wana 2A hi mhunu mun’wana ni mun’wana ntsena lweyi a tivaka ‘ntungu wakwe ni ku vaviseka kwakwe’, kambe na ye Yehovha awa swi tiva!—2 Makronika 6:29, 30.

  Hi ku tizrisa Mfumu wakwe, Yehovha a ta hatla a helisa ku xaniseka ka mun’wana ni mun’wana. (Matewu 6:9, 10) Kambe swoswi, Yehovha a txhavelela hi lizrandzru hinkwavu lava mu djulaka hi mbilu hinkwayu.—Amintiṛo 17:27; 2 Ba-le-Korinte 1:3, 4.