Ku Lwela Ku Khumba Timbilu

Amaproverbia 3:1

NKATSRAKANYU: Pfuna vayingiseti vaku ku twisisa lisima dzra leswi va swi dondzraka ni ku tlhela va yentxa xantxhumu ha swone.

MAYENTXELA YA KONE:

• Pfuna vayingiseti vaku ku tikambela. Hamba swivutiso leswi nga djulikiki nhlamulo akuva u pfuna vayingiseti ku kambela matitwela yavu.

• Kutxa vayingiseti leswaku va va ni nsusumeto lowunene. Kutxa vayingiseti akuva va kambisisa leswaku ha yini va yentxa mintizro leyinene. Va pfune ku kulisa ku navela ka ku yentxa mintxhumu hi mhaka ya swivangelo leswinene​—ku zrandzra Yehovha, vhanu ni tindondzro ta Bibele. Vonisana ni vayingiseti hi leswi Bibele dzri swi hlayaka; u nga va khwavele. A matsrhan’wini ya ku va danisa, va yentxe va titwa na va kutxekile ntsrhaku ka wukaneli byaku, va susumeteleka ku yentxa hinkwaswu leswi va nga swi kotaka.

• Kokela vayingiseti ka Yehovha. Tlakuxa ndlela leyi tindondzro ta Bibele, minsinya ya milawu ni swileleto leswi nga ka dzrone swi kombisaka ha yone wumhunu bya Xikwembu Nkulukumba ni ndlela leyi a hi zrandzraka ha yone. Byala timbilwini ta vayingiseti vaku a moya wa ku pimisa hi leswi Yehovha a titwisaka xiswone ni wa ku djula ku mu nyonxisa.