Swidzrimuxo Leswi Yaka Ka Lava Hlalelaka Kongresu Ledzri

BABATISO Loko ku nga kombisiwanga kumbeni, switsrhamu swa lava va yaka ku babatisiweni swi ta bekiwa a ndzreni ka yindlu-nkulu a phambeni ka palku. Lava va yaka ku babatisiweni va fanela ku tsrhama kone na wukaneli bya babatiso byi nga si na sungula hi Mugqivela ni mixo. Mun’wana ni mun’wana a fanela ku tibuyela ni thawula kun’we ni mpahla ya ku pela ha yone leyi nga khomisiki tingana.

LESWI LAHLEKIKI NI KU KUMIWA Hinkwaswu leswi lahlekiki swi fanela ku yisiwa ka Ndzrawulo Ya Leswi Lahlekiki Ni Ku Kumiwa. Loko u lahlekeliwe hi xa kukazri, yana ka ndzrawulo leyi u ya kamba. Vatsrongwana lava va lahlekelaniki ni vapswele, na vone va fanela ku yisiwa ka ndzrawulo leyi. Nambitanu, akuva u nga kayakayeki na swi nga fanelanga, siza u hlayisa vanaku, u tsrhama na vone.

MBANGU WA KU TSRHAMA KA WONE Hi kombela u zron’weka hi vambeni. Dzrimuka, a mbangu wu nga bekeliwa ntsena maxaka ya le kusuhi, lava u yendzraka na vone a movheni, lava u tsrhamaka na vone a kaya, kumbe lava u dondzraka Bibele na vone swoswi. Akuva vambeni va nga hlupheki hi ku djula mbangu wa ku tsrhama ka wone, hi kombela u nga beketeli mintxhumu ka switsrhamu leswi u kalaka u nga swi bekelanga mhunu.

NTIZRO WA KU TIZRANDZRELA Loko u navela ku pfunisa hi mintizro leyi djulekaka ka xiyentxakalu lexi, hi kombela u byela Ndzrawulo Ya Nkongomiso Ni Ntizro Wa Ku Tizrandzrela.

SWIHANANO Swi koxe timali ta ku tala leswaku ku lulamiseliwa mbangu lowunene wa ku tsrhama, mpfumawulo, switizrisiwa swa vhidiyu, kun’we ni mintizro mimbeni lemi yentxaka swi nyonxisa ku hlalela kongresu ni ku hi pfuna ku tsrhindzrekela kusuhi na Yehovha. Swihanano swaku swi pfuneta ku hakelela swikoxo leswo ni ku seketela ntizro wa misava hinkwayu. Akuva swi ku nabyalela, a matlhelweni ku bekiwe mabokisi ya swihanano. U nga nyikela ni hi ku tizrisa internet ka Swihanano. Swihanano hinkwaswu swi tlangeliwa hi mbilu hinkwayu. Huvo leyi Zrangelaka ya mi khensa hi leswi mi hananaka akuva mi seketela swivileleko swa Mfumu.

SWILAMULELA-MHANGU Siza u dzrimuka leswaku a swilamulela-mhangu swi tizrela ntsena lava djulaka ku tsrutsrumeliwa.

VAKONGOMISI Vakongomisi va yimiseliwe ku ku pfuna, siza u tizrisana na vone hi mbilu ya ku ntsrhunxeka hi ku yingiseta nkongomiso wavu mayelanu ni ka ku beka mimovha, ku kongomisiwa ka vhanu, ku beka mbangu wa ku tsrhama ni swimbeni.