KU HAMBA TIMPINDA
DONDZRO 7
Ku Tiyisela
Nsinya wa nawu: “A va nga tsrhiki ku dondzrisa ni ku twalisa madzrungula lamanene.”—Mint. 5:42.
Leswi Pawulo A Swi Yentxiki
1. Hlalela VHIDIYU, kumbe u dondzra Mintizro 19:8-10, u gama u hlamula swivutiso leswi landzrelaka:
A matsrhan’wini ya kuva a godola loko a kanetiwa, xana Pawulo a tame a tiyisela ni ku pfuna lava a va nyonxela hi ndlela yini?
Pawulo a va phindhelele kangani lava a va nyonxela kuva a ya va dondzrisa nakone a swi yentxe ku dzringana nkama muni?
Hi Dondzra Yini Ka Xikombiso Xa Pawulo?
2. Hi fanela ku tizrisa nkama ni ntamu wezru akuva hi yentxa timpinda hi tlhela hi sungula swidondzro swa Bibele.
Yetisela Pawulo
3. Tiyimisele ku txintxa xiyimiso xaku akuva u kota ku yendzrela lweyi a nyonxelaka hi siku ledzri yene a nga ni nkama. Tivutise: ‘A talisa ku va ni nkama hi masiku wani? A nga va kwini ni hi nkama muni lani swi nga mu nabyalelaka ku bula na mine?’ Tiyimisele ku mu yendzrela nambiloko nkama lowu a wu bekiki wu nga ku nabyaleli.
4. Beka siku ledzri u taka tlhela u mu yendzrela ha dzrone. Minkama hinkwayu loko mi gama ku bula, zama ku beka siku ni nkama lowu mi taka tlhela mi ya mahlweni ni mabulu. Tikazrateli ku hetisisa leswi u swi dumbisiki.
5. U nga godoli. U nga tsrutsrumeli ku pimisa leswaku a nga nyonxeli, ntsena hi kuva swi kazrataka ku mu kuma kaya, kumbe hi kuva a tsrhama na a khomekile. (1 Kor. 13:4, 7) Kutani dzringanisela, tama u tiyisela kambe na u tizrisa a nkama hi ndlela ya wutlhazri.—1 Kor. 9:26.