‘A Wu Te Mfumu Waku’—Xikhongoto Lexi Yentxiwaka Hi Vhanu Vanyingi
Xana u sama u khongota u kombela leswaku a Mfumu wa Xikwembu Nkulukumba wu ta? Hi madzana ya malembe, vhanu vanyingi va phindhaphindha mazritu lama liki: ‘A wu te Mfumu waku.’ Ha yini va ma phindhaphindha? Hikusa Yesu a byele valandzreli vakwe leswaku va kombela Mfumu wa Xikwembu Nkulukumba.
A ku sunguleni, a valandzreli va Yesu a va nga swi twisisi hinkwaswu leswi a swi hlayiki mayelanu ni Mfumu. Khambi dzrimbeni va mu vutise leswi: ‘Hosi, xana u ta pfuxela Israyele a Mfumu hi nkama lowu?’ Swi nga yentxeka va hlamalile hi mhaka ya kuva Yesu a nga va nyikanga nhlamulo ya ku kongoma. (Amintiṛo 1:6, 7) Xana swi djula ku hlaya leswaku a hi nge swi tivi leswaku a Mfumu wa Xikwembu Nkulukumba i yini ni leswaku wu ta ta dzrini? A swi tanu!
A revhixta ledzri dzra Xihondzro Xa Ku Zrindzra, dzri ta ku pfuna ku kuma tinhlamulo ta swivutiso leswi landzrelaka:
Ha yini hi vilela Mfumu wa Xikwembu Nkulukumba?
I mani Hosi ya Mfumu wa Xikwembu Nkulukumba?
Xana Mfumu wa Xikwembu Nkulukumba wu ta sungula dzrini ku fuma misava?
I yini leswi Mfumu wa Xikwembu Nkulukumba wu taka swi yentxa?
Ha yini hi fanela ku hlawula ku seketela Mfumu wa Xikwembu Nkulukumba swoswi?
I yini Mfumu wa Xikwembu Nkulukumba?