U Nga Yamukela Matovoko Ya Hi Lani Ku Nga Helikiki Ya Xikwembu Lexi Nga Ni Lizrandzru

• Xana u nga nyonxela ku hanya ka misava leyi ngeke na tiyimpi, madzolonga ni timholova?

• Wa ke u tivona na u hanya na u nge na mavabyi, ku xaniseka ni ku fa?

• A wu swi voni na swi nyonxisa ku hanya na u nge na swikazratu ni ku hlatiyela?

• Xana u nga nyonxela ku hanya a misaveni leyi ngeke na timhangu ta ntumbuluku?

Xikwembu Nkulukumba wezru wa lizrandzru, Muvumbi wa misava leyi ya ku xonga, a dumbise ku hi nyika matovoko ya ku va hi hanya hi ku zrula ni hi ku tsrhava hi lani ku nga helikiki. Phela leswo a ko va nozro.

Ka tinhloko-mhaka leti landzrelaka hi ku zramba akuva u kambisisa leswi:

• Xana Xikwembu Nkulukumba a titwisa kuyini hi vhanu?

• Hi dzrini dzrungula dzra Xikwembu Nkulukumba ka hine?

• I yini leswi vaprofeta va Xikwembu Nkulukumba va swi hlayiki mayelanu ni matovoko lawa yene a ma dumbisiki?

• I yini leswi hi fanelaka ku swi yentxa akuva hi nyonxa swoswi ni ku yamukela matovoko lawa Xikwembu Nkulukumba a dumbisaka ku hi nyika wone ka nkama lowu taka?

A hi sungule hi ku vona mintxhumu ya kukazri leyi Muvumbi wezru a yi yentxaka akuva a hi komba leswaku awa hi zrandzra.