Xana Wa Byi Xiya Wumhunu Bya Xikwembu Nkulukumba Lebyi Nga Vonekikiki?

Loko u langusa xiluva xa mivalavala, tinyeleti leti tiki tlwee a matilweni, kumbe mati lama dzrumaka na ma wa hi le nhaveni, xana wa dzri vona voko dzra Mutumbuluxi? Ntumbuluku lowu hi wu vonaka wu byi kombekisa hi ku khanya wumhunu bya Yehovha lebyi nga vonekikiki. (Ro 1:20) Loko hi yimanyana hi yanakanyisisa hi leswi hi swi vonaka hi matihlu, hi xiya ntamu, lizrandzru, wutlhazri, ni wululami bya Xikwembu Nkulukumba, ku patsra ni ku hanana kwakwe.​—Ps 104:24.

Hi yini min’wana ya mintizro ya Yehovha leyi u yi vonaka siku ni siku? Nambi loko u hanya doropeni, u nga yi vona minsinya kumbe tinyanyana. Ku langusisa swivumbiwa swa Yehovha hi wunyaminyami swi nga hi pfuna ku pumba ku hlatiyela, ku vona swikazratu swezru hi ndlela leyinene, ni ku yengesela a lipfumelo dzrezru ka wuswikoti bya Yehovha bya ku seketela vhanu vakwe hi la ku nga helikikiki. (Mt 6:25-32) Loko u li ni vatsrongwana, va pfune ku xiya wumhunu bya Yehovha lebyi nga dzringanisiwikiki na ntxhumu. Loko hi ya hi nyonxela ntumbuluku lowu hi zrendzreliki, hi ta ya hi kokeka, hi va kusuhi ni Mutumbuluxi.​—Ps 8:3, 4.

HLALELA VHIDIYU LEDZRI LIKI SWIHLAMALISO SWA NTUMBULUKU SWI KOMBEKISA KU PHATIMA KA XIKWEMBU NKULUKUMBA​—LIVANINGU NI MUVALA, KUTANI U HLAMULA SWIVUTISO LESWI LANDZRELAKA:

• Xana mapigimentu ma hi pfunisa kuyini ku vona mivala?

• I yini xi yentxaka ingiki mivala yo txintxa-txintxa?

• Ha yini hi vona mivala ya ku hambana-hambana a matilweni?

• A kusuhi ni le kaya kwaku, i mivala muni ya ntumbuluku, ya ku xonga, leyi u yi vonaka?

• Ha yini hi fanela ku tinyika nkama wa ku zronyolelisisa ntumbuluku?