Hi Nga Dondzra Yini Ka Tinsimu Leta Ha Ku Humaka?

Hi tini tinsimu leta ha ku humaka leti u ti zrandzraka? Ha yini u ti zrandzra? Xana u yanakanya leswaku swiyenge swa ma-vídeo ya tone swi kombisa mintxhumu leyi hakunene yi yentxekaka siku ni siku? Hi ni tinsimu ta vhanu hinkwavu, leti nga ni tinhloko-mhaka tinyingi ni minxaka ya ku siyana-siyana. Nambitanu, tinsimu leta ha ku humaka ni ma-vídeo ya tone a ti tizri ntsena ku hi hungatisa.

Tinsimu leta ha ku humaka ti hi nyika tindondzro leti hi nga ti tizrisaka a wuton’wini byezru ni le ku zrezreni. Tin’we ta tone ti vulavula hi malwandla, wumun’we, wunghanu, xixixi, lizrandzru ni lipfumelo. Timbeni ti vulavula hi ku tlhelela ka Yehovha, ku dzrivalela, ku yentxa leswi nga swinene masiku hinkwawu ni ku lwela ku tlhaselela makungu ya moya. Nakone hi ni lisimu ledzri vulavulaka hi ndlela leyinene ya ku tizrisa selulari. Hi swini swin’wana leswi u swi dondzriki ka tinsimu leta ha ku humaka?

HLALELA VÍDEO DZRA LISIMU LEDZRI LIKI PARADEYISI DZRI KOLA KUSUHI, KUTANI U HLAMULA SWIVUTISO LESWI LANDZRELAKA:

• Hi xini xidumbiso lexi vatekani lava kuliki va xi yanakanyaka?​—Gn 12:3

• Hi nga tiyisa lipfumelo dzrezru ka leswaku Yehovha a ta hetisisa hinkwaswu leswi a swi dumbisiki hi ndlela yini?

• I ku tlhangana ka muxaka muni loku nyonxisaka ku nga kola kusuhi?

• Xana dumbo ledzri hi nga na dzrone ka Mfumu wa Nkulukumba dzri hi pfuna hi ndlela yini ku tiyiselela swikazratu swezru?​—Ro 8:25