I Yini Lexi Nga Ku Pfunaka Ku Susa Londzrovoto Ledzrikulu Ka Xibukwana Lexi Liki Ku Kambisisa Matsalwa Siku Ni Siku?

Xana u ni xihena xa ku dondzra ndzrimana ya siku ni ntlhamuxelo wa yone ka xibukwana lexi liki Ku Kambisisa Matsalwa Siku Ni Siku? Loko u nga si na sungula, swi ngo yini u sungula ku swi yentxa siku ni siku? Vhanu vanyingi va dondzra tsralwa dzra siku ni mixo, xileswo va nga swi kota ku yanakanyisisa hi leswi va swi dondzriki loko va tiyentxela mintizro yavu ya siku. (Yš 1:8; Ps 119:97) I yini lexi nga ku pfunaka ku susa londzrovoto ledzrikulu ka leswi tsralwa dzra siku dzri swi dondzrisaka? Dondzra mongo wa tsralwa. Leswo swa pfuna akuva u twisisa dzrungula ha hombe. Ntxhumu wumbeni lowu u nga wu yentxaka i ku pimisa hi xikombiso xa kukazri xa le Bibeleni lexi yelanaka ni tsralwa dzra siku. Ntsrhaku ka leswo, tizrisa leswi u swi dondzriki a wuton’wini byaku. Loko u yanakanyisisa hi leswi Bibele dzri swi dondzrisaka nkama lowu u djulaka ku teka swiboho, u nga tiyiseka leswaku mintxhumu yi ta ku fambela ha hombe.​—Ps 119:105.

Mindangu ya Betele a misaveni hinkwayu yi dondzra tsralwa dzra siku ni mixo loko yi kwheva txana. Ka malembe lawa, wugandzreli byinyingi bya ni mixo bya Betele bya kombisiwa ka Wuhaxi Bya JW, ka xiyenge Swipaluxiwa>Mavhidiyu>MINONGONOKO NI SWIYENTXAKALU. Hi dzrini khambi dzra wugamu u nga hlalela byin’we bya wugandzreli lebyo? Swi nga yentxeka byin’we bya kone byi khanela hi mhaka leyi u yi vilelaka. Hi xikombiso, i yini leswi u nga swi dondzraka ka xikombiso xa Loti loko u teka swiboho?

HLALELA VÍDEO LEDZRI LIKI MI NGA ZRANDZRENI MISAVA (1YH 2:15), MI GAMA MI HLAMULA SWIVUTISO LESWI LANDZRELAKA:

• Xana Wugandzreli Bya Ni Mixo lebyi kombisiwiki byi seketeliwi ka nsinya wini wa nawu?

• I yini leswi hi swi dondzraka ka dzrungula ledzri khanelaka hi Loti mayelanu ni kuva hi nga zrandzri misava ni leswi nga misaveni?​—Gn 13:12; 14:12; 19:3, 12, 13, 24-26

• Xana hi nga swi kombisa hi ndlela yini leswaku hi zrandzra Yehovha a matsrhan’wini ya misava ni leswi nga misaveni?