Ku Seketela Xilayu Xa Yehovha I Xikombiso Xa Lizrandzru

Ku susa mhunu a bandleni swi sizrelela bandla nakone i xilayu ka mudohi lwa nga tisolikikiki. (1Ko 5:6, 11) Loko hi seketela xilayu lexi pfaka ka Yehovha, hi va na hi kombisa lizrandzru. Kutani, ha yini ku susa mhunu a bandleni ku li xikombiso xa lizrandzru na kasi swa vavisa, ku nga li ka maxaka ntsena, kambe ni le xihubyana xa ku yavanyisa?

Tlhantakubidzri, loko hi seketela swilayu swa Yehovha hi va na hi kombisa lizrandzru ka vito dzrakwe ni ka vonela dzrakwe mayelanu ni leswa ku xwenga. (1Pe 1:14-16) Nakone, hi tlhela hi kombisa lizrandzru ka mhunu lwa susiwiki bandleni. Ku layiwa swa vavisa, kambe ku nga ha pswala ‘mhandzru wa ku zrula, wa ku lulama’. (Hb 12:5, 6, 11) Loko hi tipatsra ni vhanu lava susiwiki bandleni kumbe lava titsravuxiki ni bandla, hi va na hi lwisana ni xilayu xa Yehovha. Dzrimuka leswi, Yehovha a laya vhanu vakwe ‘hi ku lulama’. (Yr 30:11) Loko hi seketela ku laya ka Yehovha ni ku va hi tsrhama na hi khomekile hi mintizro ya moya, hi va na hi nyika mhunu lwa susiwiki mukhandlu wa kuva a tlhelela ka Yehovha, Tatana wa lilondzro.​—Eza 1:16-18; 55:7.

HLALELANI VÍDEO LEDZRI LIKI HLAYISA WUDUMBEKI HI MBILU HINKWAYU, MI GAMA MI HLAMULA SWIVUTISO LESWI LANDZRELAKA:

• 

  Xana vapswele va titwisa kuyini loko vana va tsrhika Yehovha?

• 

  Xana bandla dzri nga wu seketelisa kuyini ndangu lowu nga ka xiyimu lexo?

• 

  Hi xini xikombiso xa le Bibeleni lexi kombisaka leswaku hi fanela ku va lava dumbekiki ngopfu ka Yehovha ku tlula ku dumbeka ka maxaka yezru?

• 

  Hi nga va lava dumbekiki ka Yehovha ku tlula ka maxaka yezru hi ndlela yini?