Kombisa Lizrandzru A Ndangwini

A lizrandzru dzri ni ntamu, dzri yentxa leswaku ndangu wu va ni wumun’we. Loko ku nge na lizrandzru a ndangwini, swi ta kazrata ku va ni wumun’we ni ntizrisanu. Xana vanuna, vasati ni vapswele va nga kombisa lizrandzru a ndangwini hi ndlela yini?

Nuna lwa nga ni lizrandzru a ta yanakanyela swivileleko swa nsati, mavonela ni matitwela yake. (Ef 5:28, 29) A ta hlayisa ndangu wake hi tlhelo dzra nyama ni dzra moya, ku patsra ni ku va ni wugandzreli bya ndangu vhiki ni vhiki. (1Tm 5:8) Nsati lwa nga ni lizrandzru a ta titsrongahata ka nuna wake ni ku mu kombisa ‘xitxhavo’ lexi yentiki. (Ef 5:22, 33; 1Pe 3:1-6) Hawubidzri byavu va fanela ku tiyimisela ku dzrivalelana hi ku ntsrhunxeka. (Ef 4:32) Vapswele lava nga ni lizrandzru va zron’wekela vanavu ha mun’we mun’we ni ku va dondzrisa ku zrandzra Yehovha. (Dt 6:6, 7; Ef 6:4) Hi yini mindzringo leyi vanavu va kumanaka na yone xikole? Xana va nga swi kota ku hlula kuntxetelo wa vanghanu? Loko ku ni lizrandzru a ndangwini, hinkwavu va ta titwa na va sizrelelekile.

HLALELANI VÍDEO LEDZRI LIKI KOMBISA LIZRANDZRU LEDZRI NGA HELIKIKI A NDANGWINI WAKU, MI GAMA MI HLAMULA SWIVUTISO LESWI LANDZRELAKA:

• 

  Xana nuna lwa nga ni lizrandzru a nga bekisa ni ku zron’wekela nsati wake hi ndlela yini?

• 

  Xana nsati lwa nga ni lizrandzru a nga kombisa xitxhavu lexi yentiki ka nuna wake hi ndlela yini?

• 

  Xana vapswele lava nga ni lizrandzru va nga dondzrisa vanavu mayelanu na Xikwembu Nkulukumba hi ndlela yini?