Vavasati Lava Kuliki A Va Ve Swanga Vamamana Vaku, Kasi Lavampswha Swanga Vamakwenu

Bibele dzri hi byela leswaku hi fanela ku vona vamakwezru lava kuliki hi ntanga swanga vapswele, kasi lavampswha swanga vamakwezru. (Dondzra 1 Timoteo 5:1, 2.) Ngopfungopfu vamakwezru va xinuna a mabandleni va fanela ku kombisa vamakwezru va xisati xitxhavu ni lisima.

Makwezru wa xinuna a nga fanelanga a khomisa makwezru wa xisati tingana kumbe ku mu yentxa a nga titwi na a ntsrhunxekile loko a li kusuhi na yene. (Yb 31:1) Makwezru wa xinuna lwa kalaka a nga si na txhata a nga fanelanga ku kanganyisa makwezru wa xisati, a yentxa ingiki awa mu djula nakasi a nga mu djuli.

Swi li yini loko hi xitxhavu makwezru wa xisati a vutisa swa ku kazri kumbe ku beka mavonela ka nkulu wa bandla mayelanu ni ntxhumu lowu n’waninkama wu djulaka ku lulamisiwa a bandleni? Vakulu va fanela ku mu yingiseta va va va ma nyika lisima mavonela yake. Va fanela ku zron’wekela ngopfu vamakwezru va xisati lava kalaka va nge na vanuna lava a va ta va sizrelela.​—Rt 2:8, 9.

HLALELANI VÍDEO LEDZRI LIKI KOMBISA LIZRANDZRU LEDZRI NGA HELIKIKI A BANDLENI​—KA VAFELWA NI SWIZROMBE, MI GAMA MI HLAMULA SWIVUTISO LESWI LANDZRELAKA:

• 

  Xana bandla dzri dzri kombisise kuyini lizrandzru ka makwezru Su Su?

• 

  Xana lizrandzru ledzri bandla dzri dzri kombisiki Su Su dzri va khumbise kuyini vhanu va le mugangeni wake?

• 

  Xana lizrandzru ledzri bandla dzri dzri kombisiki Su Su dzri va khumbise kuyini vanake?

I yini leswi u nga swi yentxaka kuva u kombisa leswaku wa zron’weka hi vamakwezru va xisati va le bandleni dzraku?