Khongota U Tlhela U Yamukela Xipfunu Lexi Pfaka Ka Yehovha

Hi Yehovha lweyi a yentxaka mbewu ya ntiyiso yi mila ni ku kula a mbilwini ya mhunu. (1Ko 3:6-9) Xileswo, akuva hi humelela nsin’wini hi fanela ku khongota ka Yehovha hi kombela leswaku a hi pfuna a tlhela a pfuna ni swidondzrana swezru.

Kombela kuva Yehovha a pfuna swidondzrana swaku akuva swi lwisana ni nkaneto wa vhanu vambeni kun’we ni swikazratu swa siku ni siku. (Flp 1:9, 10) Loko u khongota kongoma mhaka. Khongota u kombela moya wa ku xwenga akuva wu kongomisa miyanakanyu ni swiyentxo swaku. (Lk 11:13) Dondzrisa ni ku kutxa xidondzrana xaku ku khongota. Khongota na yene u tlhela u mu khongotelela. Loko u khongota hlaya vito dzra xidondzrana ka xikhongoto.

HLALELANI VÍDEO LEDZRI LIKI TSRHAVISIWA HI KU YENTXA VADONDZRISIWA—YAMUKELA XIPFUNU LEXI PFAKA KA YEHOVHA—XIKHONGOTO, MI GAMA MI HLAMULA SWIVUTISO LESWI LANDZRELAKA:

• Hi xini xikazratu lexi Anita a viki na xone ni xidondzrana xake Judite?

• Xana a buku dzra 1 Ba-le-Korinte 3:6 dzri mu pfunise kuyini Anita?

• Xana Anita a swi kotise kuyini ku hlula xikazratu xakwe?