Leswi Hi Swi Dondzraka Ka Wutomi Bya Samuwele

Samuwele a tsrhami na a dumbekile ka Yehovha wutomi byake hinkwabyu. Swanga djaha, a nga pfumelanga ku kutxeteliwa ku yentxa mintxhumu ya ku biha ku fana ni vana va Eli, Hofini na Finiyasi. (1Sa 2:22-26) Samuwele a a tama a kula nakone Yehovha a a tama a va na yene. (1Sa 3:19) Nambi loko a duwhalile, a tame a famba a tindleleni ta Yehovha nambi leswi vanake va kalaka va nga famba ha tone.—1Sa 8:1-5.

Hi nga dondzra yini ka xikombiso xa Samuwele? Loko ku li leswaku wa ha li mumpswha, tiyiseka leswaku Yehovha awa swi vona swikazratu leswi u kumanaka na swone nakone awa ma tiva matitwela yaku. A nga ku pfuna ku va ni xixixi. (Eza 41:10, 13) Loko u li mupswali lweyi u nga ni vana lava nga mu tizreliki Yehovha, ku tiva leswaku Samuwele a nga va sindzrisanga vanake lava kuliki akuva va tsrhama na va dumbekile ka milawu ya Yehovha swi nga ku txhavelela. A tsrhike hinkwaswu a mavokweni ya Yehovha, a tama a dumbeka ni ku nyonxisa Papayi wake, Yehovha. Swi nga yentxeka leswaku xikombiso xaku lexinene xi nga susumetela vanaku kuva va tlhelela ka Yehovha.

HLALELANI VÍDEO LEDZRI LIKI DONDZRA KA XIKOMBISO XAVU—SAMUWELE, MI GAMA MI HLAMULA SWIVUTISO LESWI LANDZRELAKA:

• 

  Xana Samuwele a xi kombisise kuyini xixixi nambi leswi a a li ntsrongo?

• 

  Xana Daniel a xi kombisise kuyini xixixi?

• 

  Xana Samuwele a ve xikombiso lexinene nambi leswi a a li mhunu lweyi a a kulile hi ntanga hi ndlela yini?

• 

  Xana vapswele va Daniel va ve xikombiso lexinene hi ndlela yini?