Pfuna Lava U Va Dondzrisaka Bibele Akuva Va Txutxela Wuxaka Bya Le Kusuhi Na Yehovha

Yehovha a djula leswaku hi mu tizrela hikusa ha mu zrandzra. (Mt 22:37, 38) A lizrandzru ledzri lava hi dondzraka navu Bibele va nga na dzrone ha Yehovha dzri ta va nyika ntamu wa ku yentxa ku txintxa loku vilelekaka ni kuva va tama va tiya nambi va langutana ni mindzringo. (1Yh 5:3) Lizrandzru dzravu ha Yehovha dzri ta va susumetela ku va va babatisiwa.

Pfuna lava u dondzraka navu Bibele akuva va vona leswaku Yehovha awa va zrandzra. Hamba swivutiso swa ku fana ni leswi: “leswi swi ku dondzrisa yini ha Yehovha?” Kumbe “leswi swi kombisisa kuyini leswaku Yehovha awa ku zrandzra?” Va pfune ku xiya ndlela leyi Yehovha a va pfunaka ha yone hi ku kongoma. (2Mk 16:9) Va buleli ndlela leyi Yehovha a hlamuliki swikhongoto swaku ha yone, u tlhela u va kutxa ku xiya ndlela leyi Yehovha a hlamulaka swikhongoto swavu ha yone. Hi nyonxa ngopfu swinene loko hi vona lava hi dondzraka na vone Bibele va titwa na va zrandzriwa ha Yehovha, va kombisa leswaku va mu zrandzra ni leswaku va djula ku va vanghanu vake.

HLALELANI VÍDEO LEDZRI LIKI PFUNA LAVA U VA DONDZRISAKA BIBELE AKUVA VA TXUTXELA WUXAKA BYA LE KUSUHI NA YEHOVHA, MI GAMA MI HLAMULA SWIVUTISO LESWI LANDZRELAKA:

• 

  He xini xihinga lexi Judite a kumaniki na xone?

• 

  Xana Anita a mu pfunise kuyini Judite?

• 

  Xana Judite a swi kotise kuyini ku hlula xihinga lexo?