KU HANYA SWANGA VAKRISTE
Xana U Ni Mayanakanyela Ya Yehovha?
Hi djula ku nyonxisa Yehovha ka hinkwaswu leswi hi swi yentxaka. (Pr 27:11) Kutani hi fanela ku titekela swiboho leswi kombisaka leswaku hi ni vonela dzra Yehovha nambi ku nge na nawu lowu kongomiki akuva wu hi kongomisa. I yini lexi taka hi pfuna?
Dondzra Bibele siku ni siku. Loko hi dondzra Bibele swi fana ni loko hi heta nkama na hi bula na Yehovha. Ndlela yin’wana ya ku tiva mayanakanyela ya Yehovha i ku dondzra hi ndlela leyi a va khomiki ha yone vhanu vake nkameni lowu khalutiki. Ndlela yin’wana i ku kambisisa swikombiso swa vhanu lava yentxiki mintxhumu leyinene kumbe leyi bihiki mahlweni ka Yehovha. Hi ndlela leyo, loko swi djula kuva hi teka xiboho xa kukazri, a moya lowa ku xwenga wu ta hi pfuna ku dzrimuka minsinya ya milawu leyi hi yi dondzriki.—Yh 14:26.
Hamba wusetxhi. Loko swi djula kuva u teka xiboho xa kukazri tivutise leswi: ‘He yini ndzrimana kumbe mfambu wa kukazri wa le Bibeleni lowu nga ni pfunaka ku twisisa mayanakanyela ya Yehovha a mhakeni leyi?’ Khongota ka Yehovha u va u hamba wusetxhi ka switizro leswi kumekaka hi lidzrimi dzraku akuva u kuma ni ku tizrisa minsinya ya milawu ya Bibele leyi nga ku pfunaka ku teka xiboho lexinene.—Ps 25:4.
HLALELANI VHIDIYU LEDZRI LIKI HI FANELA KU ‘TSRUTSRUMA HI KU TIYISELA’—DANA SWAKUDA LESWI NYIKANAKA LIHANYU DZRINENE, MI GAMA MI HLAMULA SWIVUTISO LESWI LANDZRELAKA:
I yini leswi mumpswha lwe hi mu voniki ka vhidiyu a a sindzrisiwa ku swi yentxa?
Xana switizro leswi hi nga na swone swa ku hamba wusetxhi swi nga ku pfuna hi ndlela muni ku hlula swihinga leswi fanaka ni swa mumpswha lwa nga ka vhidiyu?
Ha yini swi li swa lisima ku hamba wusetxhi ni ku va ni dondzro ya ximhunu leswi nga hi pfunaka ku teka swiboho leswinene?—Hb 5:13, 14