KU HANYA SWANGA VAKRISTE

Xana U Lulamele Ku Lavisana Ni Ku Wa Ka Ekonomiya?

A hi hlamali loko hi vona ku wa ka ekonomiya a misaveni. Hi mhaka muni? Hikusa hi hanya a wugan’wini bya masiku ya wugamu nakone Bibele dzri hi tsratsriya kuva hi nga dumbi ‘wukosi lebyi nga tiyikikiki’. (1Tm 6:17; 2Tm 3:1) Xana xikombiso xa hosi Yehoxafati xi nga hi pfuna ku lavisana ni ku wa ka ekonomiya hi ndlela yini?

Loko Yehoxafati a txhaviseliwa hi valala a dumbe Yehovha. (2Mk 20:9-12) Yehoxafati a nga tsrhamanga hi mavoko kambe a yentxe xa kukazri akuva a lulamisela tiko na ke he nkama, a tiyise madoropa ni ku lulamisela masotxha. (2Mk 17:1, 2, 12, 13) Ku fana na Yehoxafati, i swinene kuva hi dumba Yehovha ni kuva hi tilulamisela na ke he nkama akuva hi lavisana ni swiyimu swa ku kazrata.

HI NGA TILULAMISELA HI NDLELA YINI AKUVA HI LAVISANA NI KU WA KA EKONOMIYA?

Tilulamiseli hi tlhelo dzra moya: Dondzra ku yaneliseka hi leswi u nga na swone, nakone tiyiseka leswaku Yehovha a ni wuswikoti bya ku ku pfuna akuva u kuma swa ku tihanyisa. (Mt 6:26; 1Tm 6:8) Tiyimiseli kuva u nga tluli milawu ya Bibele hi ku djula ku yanelisa swivileleko swaku. (Ro 2:21) Pimisa hi ndlela leyi ha yone u nga tamaka u tidisa hi tlhelo dzra moya nambiloko ku nge na magezi kumbe internet. Tsrhama na u ni mabuku lama gandlisiwiki nakone loko swi koteka u nga ma xixa ka telefone kumbe tablet dzraku na ke he nkama.

Tilulamiseli hi tlhelo dzra nyama: Pumba swikweneti ni ku xavaxava mintxhumu na yi nga vileleki. (Pr 22:7) Loko swi koteka xava swakuda leswi kalaka swi nga boli ni mintxhumu yin’wana leyi u nga ha yi vilelaka na yi li yinyingi. Van’wana va vona swi yampswa ku byalabyala mintxhumu makaya akuva va popara mali.

HLALELANI VHIDIYU LEDZRI LIKI U TILULAMISELILE KU LAVISANA NI MHANGU? MI GAMA MI HLAMULA SWIVUTISO LESWI LANDZRELAKA:

Swiyenge swa vhidiyu ledzri liki “Xana U Tilulamiselile Ku Lavisana Ni Mhangu Ya Ntumbuluku?” Xi kombisa Bibele. Pasta dzra xilamulela mhangu, telefone ni vapfunisi.

I yini leswi mun’wana ni mun’wana wezru a nga swi yentxaka akuva a tilulamisela ku lavisana ni mhangu?

Your answer

Swiyenge swa vhidiyu ledzri liki “Xana U Tilulamiselile Ku Lavisana Ni Mhangu Ya Ntumbuluku?” Vamakwezru va pfunisaka ka ku yaka ni xixelela leswi swi nga ka kamiyawu.

Hi nga tilulamisela hi ndlela yini akuva hi pfuna van’wana?

Your answer