Lulamisela Mbilu Yaku

Loko hi dondzra Bibele hi djula leswaku leswi hi swi dondzraka mayelanu na Yehovha swi khumba mbilu yezru. Ezra a hi siyele xikombiso lexinene xa leswi hi fanelaka ku swi yentxa leswaku hi ‘lulamisela mbilu yezru akuva hi kambisisa Nawu wa Yehovha’. (Ezr. 7:10) Hi nga yi lulamiselisa kuyini mbilu yezru?

Khongota. Na u nga si na sungula ku dondzra hamba xikhongoto. Kombela Yehovha leswaku a ku pfuna ku twisisa ni ku tizrisa leswi u swi dondzraka.—Amaps. 119:18, 34.

Titsrongahati. Xikwembu Nkulukumba a fihlela mintiyiso ya Bibele vhanu lava tikulisaka nakone va yanakanyaka leswaku a va vileli mpfunu wake akuva va twisisa Bibele. (Luk. 10:21) A hi djuli ku dondzra ni ku hamba wusetxhi ntsena hi ku djula ku komba vambeni leswaku ha tiva. Loko hi dondzra ntxhumu wa kukazri lowu hi fanelaka ku wu yampswisa a wuton’wini byezru, hi ta titsrongahata hi va hi hamba ku txintxa loku vilelekaka.

Yingiseta wunanga bya nhlengeletanu. A wunanga byi ni ntamu wa ku khumba mbilu yezru ni ku hi lulamisela ku gandzrela Yehovha. Ku yingiseta lisimu na u nga si na sungula ku dondzra swi nga ha ku pfuna ku lulamisela miyanakanyu akuva leswi u taka swi dondzra swi khumba mbilu yaku.