Byela Vambeni Leswi U Swi Dondzriki

A xidondzro xa ximhunu xi nga hi tiyisa. Kambe hi nga titwa na hi tiyisiwa ngopfu swinene loko hi byela vambeni tindzralama ta moya leti hi ti kumaka. Amaproverbia 11:25 yi li: ‘Lwa txheletelaka a ta txheleteliwa na yene.’

Hi ntolovelo loko hi byela van’wana leswi hi swi dondzriki, hi ya hi ti twisisa ku yampswa tinhla leti hi ti dondzraka nakone swi nabyala ngopfu kuva hi nga ti dzrivali. Handle ka leswo, ku byela van’wana tindzralama ta moya swi hi yentxa hi nyonxa hikusa ha swi tiva leswaku a tindzralama leto ti nga va pfuna.—Mint. 20:35.

Dzringisa leswi: Ka vhiki ledzri taka, tizrisa mikhandlu leyi ku pfulekelaka akuva u byela mhunu leswi u swi dondzriki. A nga ha va wa ndangu waku, makwezru wa le bandleni, lweyi u tizraka na yene, lweyi u dondzraka na yene a xikole, muyakelani kumbe lweyi u taka mu kuma a ku zrezreni. Dzringisa ku mu byela leswi u swi dondzriki hi ndlela ya ku nabyala na u nga ha langusi lomu u swi kumiki kone.

Dzrimuka leswi: Nkongometo waku loko u byela van’wana leswi u swi dondzriki i ku va kutxa, a nge ku va vonela hansi.—1 Kor. 8:1.