Pfuneka Hi Ku Tizrisa Mareferensiya Ya Le Matlhelweni

Mareferensiya ya le matlhelweni ya Wundzruluteli Bya Misava Leyimpshwa Bya Matsralwa Ya Ku Xwenga ma kombisa ku twanana loku Bibele dzri nga na kone, ma tlhanganisa matsralwa lawa ma nga ni wutsrhokotsrhoko lebyi yengetelekiki. A mareferensiya ya le matlhelweni, ma kombisiwa hi ku tizrisa xiletrana lexi kumekaka a tlhelweni ka zritu dzra kukazri. Ka Bibele dzra ku imprimiriwa, ka kuluna ledzri nga makazri ka pajina, djuletela a xiletrana lexi fanaka ni lexi nga tlhelweni ka ndzrimana leyi u yi dondzraka akuva u kuma matsralwa lawa ma yelanaka. Ka jw.org kumbe ka aplikativhu dzra JW Library^®, deketa ka xiletrana lexo akuva u vona mareferensiya ya le matlhelweni.

Mareferensiya ya le matlhelweni ma nga ku yisa ka tinhla leti landzrelaka:

Timhaka Leti Ti Yelanaka: A referensiya dzra le tlhelweni dzri kombisa xiyentxakalu lexi yelanaka ni leswi u swi dondzraka. Hi xikombiso, vona 2 Samuel 24:1 ni 1 Makronika 21:1.

Ku Tsrhaha: Referensiya dzra le tlhelweni dzri kombisa lomu zritu dzra kukazri kumbe mhaka leyi u yi dondzraka yi sukelaka kone. Hi xikombiso, vona Matewu 4:4 ni Deteronoma 8:3.

Ku Hetiseka Ka Wuprofeta: A referensiya dzra le tlhelweni dzri yisa ka dzrungula ledzri kombisaka ku hetiseka ka wuprofeta lebyi u byi dondzraka. Hi xikombiso, vona Matewu 21:5 ni Zakariya 9:9.