Xana Ntizro Wa Timboni Ta Yehovha Wu Seketelisiwa Kuyini Hi Timali?

Ntizro wezru wa misava hinkwayu, ku sungula wu seketeliwa hi minyikelo leyi yentxiwaka hi vhanu lava nga Timboni ta Yehovha.a Mabokisi ya swihanano ma kumeka lomu hi tlhanganaka kone akuva hi gandzrela nakone mayentxela man’wana ya ku nyikela swihanano ya kumeka ka pajina dzra donate.jw.org. Ku ni tindlela tinyingi ta ku nyikela swihanano leswi nga tizrisiwaka akuva ku seketeliwa ntizro wa misava hinkwayu, madixpeza ya bandla kumbe swiyenge ha swibidzri.

Timboni ta Yehovha a ti hakeli swa wukhume nakone a ti humesa ntsrengo wa kukazri lowu hlayiwiki ka muholo wa tone. (2 Ba-le-Korinte 9:7) A mintlhanganwini yezru a ku fambisiwi xiparatwana xa minhlengo nakone ku ngheniwa mahala. Vatizreli vezru a a va hakelisani mali loko va babatisa vhanu, loko va li swilahlwini, mitxhatwini kumbe loko va hamba mintizro yin’wana ya wukhongoti. A hi hlengeleteli mali hi ku xavisa swakuda, hi ku kombela swihanano ka vhanu kumbe hi ku tizrisa mayentxela man’wana ya ku fana ni wolawu. A ku hlayiwi mavito ya lava nyikelaka swihanano. (Matewu 6:2-4) Mapajina yezru ya internet a ma na swinavetisi leswi yentxaka ku nghena mali hi kola ka swone.

Bandla dzrin’wana ni dzrin’wana dzra Timboni ta Yehovha dzri byela swizro swa dzrone leswaku i mali muni leyi tizrisiwiki ni leswaku yi tizriseliwe ka yini. Marejixtu ya bandla dzrin’wana ni dzrin’wana ma kambeliwa nkama ni nkama akuva ku tiyisekiwa leswaku mali leyi nyikeliwaka yi tizrisiwa ha hombe.—2 Ba-le-Korinte 8:20, 21.

Tindlela Ta Ku Nyikela

• Mabokisi ya swihanano: U nga nyikela hi mali yinene kumbe hi xeke ka mabokisi ya swihanano a Tindlwini ta Wugandzreli, a Tindlwini ta Tinhlengeletanu kumbe mbangwini wini na wini lani mintlhanganu yi khomeliwaka kone.

• Ku hi ku tizrisa Internet: A matikweni manyingi, u nga ha tizrisa pajina ledzri liki “Nyikela Swihanano Ka Timboni Ta Yehovha” akuva u nyikela hi ku tizrisa cartão de crédito, carãto de débito, ku zrumela mali hi ku tizrisa banku ni tindlela timbeni ta eletroniku ta ku nyikela ha tone.b Timboni tin’wana ti tsrimba ku ‘tibekela leswi ti swi hlengeletiki’ hi ku tizrisa mayentxela lama hlayiwiki lani henhla hweti ni hweti, akuva mali mali yi susiwa banku leswaku ti nyikela ha yone.—1 Ba-le-Korinte 16:2.

  

• Ku nyikela loku kunguhatiwiki : Manyikelela man’wana ya swihanano ma djula leswaku ku kunguhatiwa na ka ha li mahlweni kumbe ku kuma swidzrimuxo swa le nawini. Ndlela leyo ya ku kunguhata yi nga ha yentxa leswaku u pumbeliwa ntsrengo wa tinemba hi ndlela ya kukazri a tikweni dzraku. Vanyingi va pfunekile hi ku tiva yentxela dzra ku nyikela hi mintxhumu ya kukazri loko va hanya kumbe leyi sungulaka ku tizra loko va file. Siza u khanela ni Filiyali dzra Timboni ta Yehovha a tikweni dzraku akuva u tiva leswi yengetelekiki mayelana, loko u djula ku nyikela hi ku tizrisa a:

  • tikonta ta banku

  • maseguru kumbe mali ya reforma

  • tiyindlu

  • ma-ações ni ma-obrigações

  • matextamentu

Akuva u kuma leswi yengetelekiki mayelana ni tindlela ta ku nyikela swihanano lomu u tsrhamaka kone, yana ka pajina ledzri liki “Nyikela Swihanano Ka Timboni Ta Yehovha.”