Ntlhamuxelo wa le hansi

c A tintivi ti hlaya leswaku vavanuna lavayani va hambe xihlambanyu xa ku va Vanaziri. (Atinhl. 6:1-21) I ntiyiso leswaku Nawu wa Moxe, lowu xipfumelelanu lexo a xi hambiwe ku wone, a wu nga ha tizri. Nambitanu, swi nga yentxeka Pawulo a hlaye leswaku a swi ta va swi nga hoxanga kuva vavanuna lavayani va hetisisa xihlambanyu lexi va xi yentxeliki Yehovha. Kutani a swi ta va swi nga hoxanga kuva Pawulo a hakelela swivileleko swavu a tlhela a va heketa. A hi swi tivi hi ku kongoma leswaku he xini xipfumelelanu lexi a va xi hambile, kambe swi nge na mhaka leswaku i yini leswi a swi patsreka ka xipfumelelanu xavu, Pawulo a a nge ti pfumela ku seketela ku yentxiwa ka magandzrelo ya swihazri (hi lani Vanaziri a va yentxa ha kone) na va yanakanya leswaku hi ku yentxa leswo a va ta dzrivaleliwa swidoho swavu. A gandzrelo ledzri hetisekiki dzra Kriste dzri helise magandzrelo hinkwawu lawa vhanu a va ma yentxa akuva va kombela ku dzrivaleliwa swidoho swavu. Swi nge na mhaka leswaku i mpswini leswi Pawulo a swi yentxiki, hi nga tiyiseka leswaku a a nge ti pfumela ku yentxa ntxhumu ni wun’we lowu a wu ta lwisana ni lipfalu dzrake.