Mintlhamuxelo Ya Xibukwana Xa Wutomi Ni Wutizreli Byezru
4-10 KA NOVHEMBRU
WUKOSI BYI NGA BIBELENI | 1 YOHAN 1-5
“N’wi Nga Zrandzreni Misava Nambi Swa Ku Va Leswi Nga Misaveni”
Sentinela 01/01/2005 p. 10 § 13
Khomelela Ntila Lowu Bekiwiki Ha Yesu
Van’we va nga ha tibyela leswaku a hi hinkwaswu misaveni swi bihiki. Nambitasu, hi ku nabyala misava ni swinavetiso swa yone swi nga hi hingeleta ku tizrela Yehovha. Phela ka, a ku na ntxhumu lowu misava yi nga hi nyikaka lowu nga hi pfunaka ku tsrhindzrekela ka Nkulukumba. Kutani, loko hi txutxela ku zrandzra misava ni leswi nga ka yone, ku patsra ni leswi swi tikombaka swi nga bihanga, hi ta va hi tipeta khombyeni. (1 Timoteo 6:9, 10) Ntlhantakubidzri, ntalu wa leswi nga misaveni swi bihile nakone swi nga hi hona. Loko hi hlalela mafilmi kumbe minongonoko ya televhisawu leyi kutxaka madzolonga, ku zrandzra mintxhumu leyi vonekaka, kumbe ku tikhoma hi ndlela ya ku biha hi swa tinkuku, leswi hi nga gama hi swi vona swi nga bihanga. Loko hi tipatsra ni vhanu lava hisekelaka swinene ku humelela a wuton’wini, hi ku famba ka nkama na hine hi nga gama hi swi zrandzra.—Mattheo 6:24; 1 Ba-le-Korinte 15:33.
Sentinela 15/08/2013 p. 27 § 18
Yanakanya Hi Muxaka Wa Mhunu Lwe U Fanelaka Ku Va Yene
Ntxhumu wumbeni lowu hi pfunaka ku lwisana ni ‘swa la misaveni’ i ku yanakanya hi mazritu ya Yohani lama huhutiwiki lama liki: ‘A misava ma hundzra, ni ku navela ka yone; kambe lwa yentxaka ku zrandzra ka Xikwembu Nkulukumba, a tsrhama hi la ku nga helikikiki.’ (1 Yohan 2:17) Misava leyi ya Sathana yi tikomba ingiki yi ta tsrhama hi la ku nga helikikiki. Kambe, siku dzrimbeni yi ta hela. A ku na ntxhumu wa Sathana wu taka tsrhama hi la ku nga helikiki. Ku dzrimuka leswo swi ta hi pfuna ku va hi nga wongiwi hi swinavetiso swa Diyavulosi.
Djulisisa Tindzralama Ta Moya
Sentinela 15/09/2013 p. 10 § 14
Swidzrimuxo Swa Yehovha Swa Dumbeka
Matsralwa ya wukriste ya xigriki ma ni swidzrimuxo swinyingi swi hi kutxaka ku zrandzranana. Yesu a hlaye leswaku a xileleto xa wubidzri lexikulu hi lexi liki: ‘zrandzra wa li kwenu swanga hi loko u ti zrandzra’. (Mt 22:39) Hi la ku fanaka, Yakobe makwavu wa Yesu a hlaya leswaku a lizrandzru i ‘nawu lo yi nga hosi.’ (Yk 2:8) Mupostola Yohani a tsrale a ku: ‘vazrandzriwa, a ndzri n’wi tsraleli leleto ledzrimpswha, kambe dzra kuva leleto ledzra khale, ledzro afaka a na n’wi nadzru ni le ku sunguleni’. (1 Yohan 2:7, 8) Kambe dzri ve dzrimpswha hi leswi dzri kutxiki a lizrandzru dzra ku tinyiketela, ledzri vapostola afaka va ta dzri vilela loko va kumana ni swiyimu swimpswha. Swanga vadondzrisiwa va Kriste ha swi tlangela swidzrimuxo leswi hi pfunaka ku tisizrelela ka moya lowu mfani lowu tolovelikiki a misaveni leyi lowu nga holisaka lizrandzru dzrezru ka wa li kwezru.
Perspicaz vol-3 p. 243 § 3
Lidzrivalelo
I swinene ku khongotela vambeni akuva va dzrivaleliwa, nambi ko va bandla hinkwadzru. Muxe a swi yentxile ka tiko dzra Israel, hi ku paluxa xidoho xa tiko ni ku dzri kombelela lidzrivalelo, nakone Yehovha a xi yamukelile xikhongoto xakwe. (Tin 14:19, 20) Na yene Salomoni, a ku nyiketeliweni ka tampele, a khongotele kuva Yehovha a dzrivalela vhanu vakwe lava n’wi doheliki nakone va tisoliki wubihini byavu. (1Th 8:30, 33-40, 46-52) Ezra a yimele vayuda hi ku va kombelela ku dzrivaleliwa livaleni. Xikhongoto xa le mbilwini ni xitsratsriyo xakwe xi yentxe leswaku vhanu va teka magwansu kuva va kuma ku dzrivaleliwa. (Ezr 9:13–10:4, 10-19, 44) Yakobe a kutxe lava afaka va vabya hi tlhelo dzra moya kuva va vitana vakulu bandleni kuva va va khongotela ‘nambi nha ve ku yentxa swihono, a va ta dzrivaleliwa’. (Yk 5:14-16) Nambitasu, ku ni ‘swihono leswi yisaka a ku feni’ ku dohela moya wa ku xwenga a swi na lidzrivalelo. Vakriste a va nge mu khongoteli lwa dohiki hi ndlela leyi.—1Yh 5:16; Mt 12:31; Hb 10:26, 27; vona ESPÍRITO; PECADO.
11-17 KA NOVHEMBRU
WUKOSI BYI NGA BIBELENI | 2 YOHAN 1–YUDA
“Hi Fanela Ku Lwa Akuva Hi Tama Hi Va Xihlayelamfuzrini”
Sentinela 15/09/2004 pp. 11-12 §§ 8-9
“Yanani Mahlweni N’wi Tiyisiwa A Hosini”
A hi kohli hi mazrengu ya Sathana hikusa a matsralwa ma hi tlhamuxela ha wone. (2 Ba-le-Korinte 2:11) Ku lwa na Yob, wanuna wa ku lulama, Diavulosi a tizrisi wusweti, lifu dzra vazrandzriwa vakwe, ku lwisiwa hi va ndangu, swivavu swa le nyameni, ni ku pfukeliwa hi lava afaka va tikomba va li vanghanu vakwe. Yob a titwe a nga pfuni ntxhumu nakone na tsrikiwi ha Nkulukumba. (Yob 10:1, 2) Nambi leswi Sathana a taka a nga hi vangeli swikazratu leswo hi ku kongoma, swikazratu leswi swi hlasela vakriste vanyingi namunhla, nakone Sathana a nga ha swi tizrisa ku tinyonxisa.
Makhombo ya moya ma tinyika ntamu masiku lawa ya wugamu. Hi hanya misaveni leyi vhanu va zrangisaka mintxhumu lemi vonekaka mahlweni ka swa wukhongoti. Misava yi yentxa vhanu va kholwa leswaku a swihungatiso swa tinkuku leswi nga liki nawini swi nga va tisela ku nyonxa matsrhan’wini ya ku kazrateka. Nakone vanyingi va ndzruluke ‘lava zrandzraka ku titsrhavisa va nga zrandzri Xikwembu Nkulukumba’. (2 Timoteo 3:1-5) Mayanakanyela lawo ma nga beka wumoya bzrezru khombyeni loko hi nga ‘tiyisi hi lwela ku pfumela’.—Yuda 3.
Djulisisa Tindzralama Ta Moya
Perspicaz vol-1 p. 62 § 1
Mafesta Ya Ku Kombisa Lizrandzru
A Bibele a dzri tlhamuxeli mafesta lawa ya lizrandzru kumbe ku hlaya lomu a pfaka ma yentxeliwa kone. (Yuda 12) A mazanga ma leletiwa ha Hosi Yesu Kriste kumbe vapostola vakwe, nakone swi le livaleni leswaku a ma fanelanga ku tekiwa swanga xileleto. Van’we va li a ku li minkama leyi vakriste lava fuwiki a va hamba mafesta lawa ku wone afaka va zramba vapfumeli-kulobye lava a va li wusiwanini. Ka mafesta lawa, swizrombe, mafelwa, swipfundzri, ni lava nga liki naswone afa va tsrhama kun’we swanga vamakwavu.
Perspicaz vol-3 p. 456 § 6
Mabatabata
Zrito dzra xigrika, spi·lasʹ, dzri thlamuxela a mabatabata [zribye ledzrikulu] lama tumbeliki hansi ka mati. Yuda a ma tizrisi kuva a vulavula hi vhanu lava afaka va titsravuxile ni bandla dzra wukriste hi swivangelo swa ku biha. A hlaye leswi ha vone: ‘Lavo i mabatabata mafesteni yenu ya lizrandzru, va da na n’wine, va nga txhavi va tixuzrisa; i matlavi lama ngeke na mati.’—Yuda 12.
Sentinela para Público no 1 2017 p. 12 § 1
“A Nyonxise Xikwembu Nkulukumba”
Afa byi li byini wuprofeta bya Enoki? Byi ve hi ndlela leyi: ‘Lavisa, Hosi ya ta ni madzana ya madzana ya vaxwengi va yone; ya ta yavukanyisa hinkwavu, ni ku kholwisa hinkwavu lava ku ka wukhongoti hi mintizro yavu hinkwayu leya ku ka wukhongoti, leyi va mi tizriki, ni hi swifingeto hinkwaswu, leswi va nga yi fingeta ha swone, vadohi lava ku ka wukhongoti.’ (Yuda 14, 15) Xiya leswaku Enoki a vulavula swanga hi loko Nkulukumba a byi hetisisile wuprofeta lebyi. Ledzri i yentxela ledzri vaprofeta vanyingi va gamiki va dzri tizrisa. Muprofeta a vulavula hi mintxhumu leyi ku hetiseka ka yone ku tiyiki lakakuva ku nga vulavuliwa ha yone swanga lemi yentxekiki.—Ezaya 46:10.
Sentinela para Público no 1 2017 p. 12 § 3
“A Nyonxise Xikwembu Nkulukumba”
Lipfumelo dzra Enoki dzri nga hi susumeta ku tivutisa leswaku xana hi vona misava hi la Yehovha a mi vonaka ha kone. A yavanyiso ledzri hi xixixi Enoki a dzri huweleliki dzra ha tizra ni ka misava hi hanyaka ka yone namuntha ku fana ni nkameni wa Enoki. Hi ku fambisana ni wuyavanyisi bya Enoki, Yehovha a tise ndhambi leyikulu akuva a suvisa misava ya nkameni wa Nowa ya ku pfumala wukhongoti. Kambe ku suvisiwa loko i xikombiso xa nsuviso lowu taka va kone a mkameni lowu taka. (Mattheo 24:38, 39; 2 Petros 2:4-6) Hi la ku fanaka, Xikwembu Nkulukumba ni tintsrumi takwe ta madzana-dzana va tiyimiselile ku suvisa hinkwavu lava ku pfumala wukhongoti. Mun’wana ni mun’wana wezru a fanela ku zrezra dzrungula dzra nsuviso ledzri huweleliwiki hi Enoki. Vanghanu ni maxaka va nga tihambanisa na hine. Hi nga ha va ni xivundzra. Kambe Yehovha a nga zanga a tsrhika Enoki, hi la ku fanaka ni namunhla Yehovha a nge txhuki a tsrika malandzra yakwe ya ku dumbeka.
18-24 KA NOVEMBRU
WUKOSI BYI NGA BIBELENI | APFULETELO 1-3
“Ndzri Tiva Mintizro Yaku”
Sentinela 15/10/2012 p. 14 § 8
Hi Wini Moya Lowu U Wu Kombisaka?
Akuva hi tingawula moya lowu, hi nga dzrimuka leswaku a Bibeleni Yesu a tlhamuxeliwa swanga lwa ‘a tameliki ntlhanu wa tinyeleti na tinyeleti tibidzri a vokweni dzra kwe dzra xinene’. ‘A tinyeleti’ ti yimela valanguteli lava totiwiki nakone hi ku yengesela ku nga ha tlhamuxeliwa valanguteli hinkwavu va nga mabandleni. Yesu a nga kongomisa ‘tinyeleti’ leti nga vokweni dzrakwe hi ndlela leyi a yi vonaka yi fanelile. (Mpf 1:16, 20) Leswi a nga nhloko ya Bandla dzra wukriste, Yesu a vonelela hi ndlela leyikulu swihubyana swa vakulu. Loko nkulu wa ku kazri a djula ku lulamisiwa hakunene, Yesu lweyi ‘malhu yakwe’ ma nga ‘swanga hi langavi dzra dzrilo’ a ta swi yentxa hi nkama wa kone ni hi ndlela ya kone. (Mpf. 1:14) Kutani swoswi a hi bekeleni xitxhavu ka lava bekiwiki hi moya wa ku xwenga, hi lani Pawulo a tsraliki ha kone a ku: ‘Yingisetani vafambisi venu, n’wi tibeka hansi kwavu, hikusa vone va hitekela mahika yenu, swanga hi leswi va taka vutisiwa wone; akuva va swi tizra hi ku tsrava, na vanga konyi, hikusa afa swi nga ti n’wi pfuna leswo.’—Hb 13:17.
Sentinela 15/04/2012 p. 29 § 11
Yehovha A Hi Bekisela Huluku
Ka xivoniso lexi tsraliwiki ka Apfuletelo tindzrima 2 na 3, Yesu lwa vangamisiwiki a vonelela 7 wa mabandla ya Ásia Menor. A xivoniso xi tlhamuxela leswaku Kriste a nga voneleli mintxhumu hinkwayu kambe a vonelela swa kukazri ntsena. Ka makhambi mambeni a phate vhanu hi mavito, nakone ka khambi dzrin’wana, a va kulungele ni ku va nyika swilayu leswi djulekaka. Swi tlhamuxela yini leswi? A ku hetisekeni ka xivoniso, a mabandla lawa ya 7 ma yimela vakriste lava totiwiki ku sukela hi 1914, nakone a swilayu leswi nyikiwiki mabandla lawa swa tizra ka mabandla hinkwawu ya vhanu va Xikwembu Nkulukumba namunhla a misaveni hinkwayu. Kutani, swa twala ku tlhasela wugamu bya leswaku Yehovha a zrangela vhanu vakwe hi ku tizrisa n’wanakwe. Xana hi nga buyeliwa hi ndlela yini hi swilayu leswo?
Sentinela 15/01/2001 pp. 20-21 § 20
Longoloka Ni Nhlengeletanu Ya Yehovha
Akuva hi longoloka ni nhlengeletanu ya Yehovha leyi nga ku fambeni swi djula hi pfumela Yesu Kriste swanga ‘nhloko ya kezreke’ [bandla], leyi bekiwiki hi Xikwembu Nkulukumba. (Ba-le-Efesa 5:22, 23) Xiya, Ezaya 55:4, lani hi byeliwaka leswi: ‘Lavisa, [mine Yehovha] ndzri mu bekile a va mboni ku matiko, hosana ni muleleti wa matiko.” Hakunene Yesu a wa yi tiva ndlela yaku zrangela. Awa ti tiva tihamba takwe ni swivileleko swa tone. Hileswo ke, loko a kambele a mabandla ya 7 ya Asia Minor ku dzringana ntlhanu wa makambhi a te: ‘Ndzri tiva mintizro yaku.’ (Apfuletelo 2:2, 19; 3:1, 8, 15) Hi la Tatana wakwe Yehovha a hi tivaka ha kone na yene Yesu awa swi tiva swivileleko swezru. Na a nga si na nyikela xikhongoto xa xikombiso,Yesu a te: ‘Hikusa [Xikwembu Nkulukumba] Tatana wenu a wa swi tiva leswi n’wi swi pfumalaka, na n’wi nga si kombela ku yene.’—Mattheo 6:8-13.
Djulisisa Tindzralama Ta Moya
O Reino de Deus já Governa p. 226 § 10
Mfumu Wa Nkulukumba Wu Helisa Valala Va Wone
Ku huweleliwa ka wuyavanyisi: Valala hinkwavu va Mfumu wa Xikwembu Nkulukumba va ta sindzriseka ku vona xiyentxakalu lexi taka va yengesela ku xaniseka. Yesu a te: ‘Va ta vona n’wana wa munhu, a ta hi matlavi hi ntamu lowukulu ni ku phatima.’ (Marka 13:26) Xiyentxakalu lexo xa ntamu lexi ngeke xa ntumbuluku xi ta kombekisa leswaku Yesu awa buya a ta huwelela yavanyiso. Ka xiyenge ximbeni xa wuprofeta lebyi fanaka mayelanu ni masiku ya wugamu, Yesu a nyikela wutsrhokotsrhoko byimbeni mayelanu ni wuyavanyisi lebyi a taka byi huwelela hi nkama wolowo. Hi kuma wudzrunguli lebyo ka xifananiso xa tihamba ni timbuti. (Dondzra Mattheo 25:31-33, 46.) Lava taka seketela Mfumu wa Xikwembu Nkulukumba hi ku dumbeka va ta yavanyisiwa swanga ‘tihamba’ nakone va ta ‘tlakuxa tinhloko tavu’ va vona leswaku ‘ku tizruliwa [kwavu] ku kusuhi’. (Luka 21:28) Kasi, lava lwaka ni Mfumu wa Nkulukumba va ta yavanyisiswa swanga ‘timbuti’ nakone va ta ‘tiba swifuva’ va vona swaku va ya ‘ku biweni loku nga helikiki’ loku va zrindzreliki.—Mt 24:30; Mpf 1:7.
Sentinela 15/01/2009 p. 31 § 1
Nkatsrakanyu Wa Buku Dzra Mpfuletelo—I
2:7—I Yini ‘Paradeyisi Dzra Xikwembu Nkulukumba’? Swanga heswi mazritu lawa ma tsraleliwiki vakriste lava totiwiki, swi nga yentxeka paradeyisi ledzri ku hlayiwa paradeyisi dzra le matilweni—hi ku kongoma a wutsrhamo bya Xikwembu Nkulukumba. Vatotiwa va ku dumbeka va ta hakeliwa hi ku da ‘ka muzri wa wutomi’. Va ta yamukela ku nga fi.—1Ko 15:53.
25 KA NOVHEMBRU–1 KA DEZEMBRU
WUKOSI BYI NGA BIBELENI | APFULETELO 4-6
“Vakhandzriyi Va Mune Va Mahantxhi”
Sentinela para Público no 3 2017 p. 4 § 3
Hi Vamani Vakhandzriyi Va Mune Wa Mahantxhi?
Hi mani mukhandzriyi wa hantxhi dzra ku basa? Nhlamulo ya xivutiso lexi yi kumeka ka buku dzra Apfuletelo, ledzri tlhamuxelaka mukhandzriyi lweyi wa le matilweni swanga ‘Zritu dzra Xikwembu Nkulukumba’. (Apfuletelo 19:11-13) Vitanela ledzri liki, Zritu, dzri kombetela ka Yesu Kriste, hikusa i muvulavuleli wa Xikwembu Nkulukumba. (Yohan 1:1, 14) Ntlhantakubidzri, a vitaniwa ‘Hosi ya tihosi ni Mufumi wa vafumi’ nakone a tlhela a tlhamuxeliwa swanga mufumi lwa ‘Dumbekaka ni wa Xihlayelamfuzri’. (Apfuletelo 19:16) Nakunene, i nhenha ya yimpi nakone a nga tizrisi ntamu wakwe hi ndlela ya ku biha. Nambitasu, ku nga ha va ni swivutiso swin’wana.
Sentinela para Público no 3 2017 p. 4 § 5
Hi Vamani Vakhandzriyi Va Mune Wa Mahantxhi?
Hi dzrini lani vakhandzriye va mahantxhi va sunguliki ku tsrutsruma? Xiya leswaku mukhandzriye wa ku sungula, Yesu, a sungule ku tsrutsruma ha dzrone loko a nyikiwe ngiyana. (Apfuletelo 6:2) Hi dzrini lani Yesu a bekiwiki swanga Hosi a matilweni? A ku vanga tsrhaku ka ku pfuxiwa kwakwe loko a tlhelela matilweni. Bibele dzri hlaya leswaku ntsrhaku ka loko a tlhelele matilweni a zrindzrile. (Ba-Heberu 10:12, 13) Yesu a byele valandzreli vakwe mintxhumu leyi a yi ta va pfuna ku tiva leswaku ku zrindzra kwakwe a ku ta hela dzrini ni nkama lowu afa a ta sungula ha wone ku fuma matilweni. A va byele leswaku loko a sungula ku fuma, swiyimo swa misava a swi ta biha ngopfu swinene. A ku ta va ni tiyimpi, tindlala ni mintungu. (Mattheo 24:3, 7; Luka 21:10, 11) Ntsrhakunyana ka loko ku sungule Yimpi Ya Misava hi 1914, swi ve livaleni leswaku vhanu kutani a va hanya nkameni wololo wa swikazratu, lowu Bibele dzri wu vitanaka ‘masiku ya wugamu’.—2 Timoteo 3:1-5.
Sentinela para Público no 3 2017 p. 5 § 2
Hi Vamani Vakhandzriyi Va Mune Wa Mahantxhi?
Mukhandzriye wa hantxhi ledzri a yimela yimpi. Xiya leswaku a nga susi ku zrula a matikweni ya kukazri ntsena, kambe a misaveni hinkwayu. Hi 1914 ku ve ni yimpi ya ku sungula ya misava. Yi landzriwe hi yimpi ya wubidzri ya misava, leyi honiki ku tlula ya ku sungula. Van’wana va dzringanyeta leswaku ku fe vhanu va ku tlula 100 wa ma-milhões hi yimpi ku sukela hi 1914! Ntlhantakubidzri, ku ni nhlayu leyikulu ya vhanu lava vavisiwiki swinene.
Sentinela para Público no 3 2017 p. 5 §§ 4-5
Hi Vamani Vakhandzriyi Va Mune Wa Mahantxhi?
‘Ndzri lavisa: ka ku voneka hantxi ledzra ntima; lwa dzri khandzriyiki afa a ni xikalu xa ku pima vokweni dzrakwe. Ndzra ku yingela swanga hi zritu a makazri ka swivumbiwa leswa mune, dzri ku: A mpimu mun’we wa tizriko i denari mun’we; na mimpimo mizrazru ya sevada i denari mun’we; u nga vi hona mafuzra ni wuvhinya.’—Apfuletelo 6:5, 6.
Mukhandzriye wa hantxhi ledzri a yimela ndlala. Swakuda swa kala lakakuva a mpimo wa kolomu ka mune wa swikopitana (0,7 wa makilograma) swa tizriko swi dula denari dzriwe, ku nga mali leyi mhunu afa a hola hi siku a dzraneni dzra ku sungula! (Mattheo 20:2) Mali yoleyo a yi kota ku xava kolomu ka 12 wa swikopitana (2,1 wa makilograma) swa sevada ku nga mapa lawa a ma nga li na lisima loko ma pimanisiwa ni tizriko. Xana ndangu lowu nga wukulu a wu ta yaneliseka hi mpimo wa swakuda leswo? Vhanu va dzrimuxiwa ku nga tlangi hi swakuda nambi ku li swa siku ni siku, swa ku fana ni mafuzra ni wuvhinya leswi a swi tolovelekile ngopfu minkameni yoleyo.
Sentinela para Público no 3 2017 p. 5 §§ 8-10
Hi Vamani Vakhandzriyi Va Mune Wa Mahantxhi?
Mukhandzriyi wa wumune a yimela lifu hi nkonta ya mintungu ni swin’wana. Ntsrhakunyana ka 1914, mukhuhlwana a tikweni dzra Xipanya wu dlaye vhanu va ntrsandzra-vahlayi. Kumbexana wu tlulele vhanu va kolomu ka 500 wa ma-milhões. Leswi liki makazri ka vhanu vazrazru mun’we afa a tluleliwe hi mavabyi lawa.
Kambe mukhuhlwana lowu a ku li masungulu ntsena. A tintlhazri ti dzringanyeta leswaku mavabyi va liki i virola ma dlaye makhulu-khulu ya vhanu a dzaneni dzra wu-20. Namunhla, masiku ya ku hanya ya vhanu vanyingi ma pumbiwa hi mavabyi ya SIDA, nkonhlola ni malariya, nambi leswi ku hambiwaka wusetxhisisi byinyingi bya wudahu.
Vhanu va ya mahlweni va fa hi tiyimpi, tindlala kumbe mintungu. Kutani a masizra ma mita vhanu volavo hi ku helela.
Djulisisa Tindzralama Ta Moya
Clímax de Revelação pp. 76-77 § 8
Wukulu Bya Xiluvelo Xa Yehovha Bya Le Tilweni
Yohani afa a swi tiva leswaku vaprista afa va bekeliwe ku tizra ka tabernakela dzra khale. Kutani a nga ha va a hlamalile loko a vona leswi a swi tlhamuxelaka: ‘A matlhelweni ya xiluvelo afa ku ni makume mabidzri ya swiluvelo na mune; a swiluvelweni ku tsrhami makume mabidzri ya vakulu na mune, va yambali swiyambalo leswa ntlhohe; a tinlhokweni tavu, afa ku ni tingiyana ta gole.’ (Apfuletelo 4:4) Handle ka vaprista, ku ni 24 wa vakulu ,lava totiwiki ni ku qgoviwa wuhosi. I vamani vakulu lavo? A hi vambeni loko ku nge lava totiwiki a bandleni dzra wukriste, lava pfuxiwiki nakone va nyikiwiki mbangu lowu Yehovha a va dumbisiki matilweni. Hi swi tivisa kuyini?
Clímax de Revelação p. 80 § 19
Wukulu Bya Xiluvelo Xa Yehovha Xa Le Tilweni
Swivumbiwa leswi swi yimela yini? Muprofeta Ezekiyele a vulavula hi xivonekiso ximbeni xi hi pfunaka ku kuma yangulu ya xivutiso lexi. A vone wutsrhamu bya Yehovha ka movha wa le tilweni, lani ku wone a ku ni swivumbiwa leswi hanyaka swa tsrhamela dzra nge hi dzra leswi voniwiki ha Yohani. (Ezekiel 1:5-11, 22-28) Ntsrhaku, Ezekiyele a tlhele a byi vona wutsrhamu bya movha ni swivumbiwa leswi hanyaka. Kambe ka khambe ledzri, swivumbiwa leswi a swi vintane makerubime. (Ezekiel 10:9-15) Swivumbiwa swa mune leswi hanyaka leswi voniwiki hi Yohani swi yimela makerubime ya Nkulukumba, a nga swivumbiwa swa xiyimu lexi tlakukiki ka hlengeletanu yakwe ya moya. Afa swi nga ta mu hlamalisa Yohani ku vona makerubime kusuhi na Yehovha ha byakwe, hikusa ka tabernakela dzra khale makerubime mabidzri ya gole afa ma yimisiwa ka xipfalu xa areka dzra ntwananu. Wone afa ma yimela wutrshamu bya Yehovha. A xikazri ka makerubime lawa a ku twala zritu dzra Yehovha na dzri leleta matiko.—Eksoda 25:22; Amapsalma 80:1.
Venha Ser Meu Seguidor p. 36 5-6
Lavisa! A Ndzrawu Ya Lixaka La Yuda
Makhambi manyingi ku vulavula hi ndzrawu i ku vulavula hi xixixi. U same u lavisana hi mombo ni ndzrawu leyikulu? Loko nhlamulo a li ina a swi ganaganisi leswaku afa u yime ka mbangu lowu sizrelelekiki, kumbexana afa u li handle ka xib’ala xa yone. Nambitasu a swa ha tama swi txhavisa. Loko u li kazri u lavisa wusu bya xihazri lexikulu xi nga ni ntamu, na xone xi li kazri xi lavitisa wene, phela a wu na ku xi yanakanya na xi li kazri xi zruzrumela hi ku ku txhava. A Bibele dzri vulavula hi ‘ndzrawu yi nga nhenha makazri ka swi vandzra hinkwaswu, yinga txhavikiki ntxhumu.’ (Amaproverbia 30:30) Lexo i xixixi xa Kriste.
A hi buleni hi tindlela tizrazru leti ha tone Yesu a kombisiki xixixi xa ndzrawu: ku yimela xinhlayelamfuzri, ku khomelela wululami, ni ku lwisana ni nkaneto. Hi ta tlhela hi vona leswaku hinkwezru hi nga swi kota ku yetisela Yesu hi ku kombisa xixixi swi nge na mhaka kumbe hi ntumbuluku hi ni xixixi kumbe im-him.