“A Misava Hinkwayu Afa Mi Na Lidzrimi Lin’we”

11:1-4, 6-9

Yehovha a hambanise lidzrimi dzra vhanu va ku kala ku yingiseta a Babele a va hangalasa misaveni hinkwayu. Namunhla a hlengeleta xitsrhungu lexikulu xa vhanu va matiko ni tindzrimi hinkwatu. A nyika vhanu lava “lidzrimi dzra ku tenga” akuva hinkwavu “va ta vitana a vito dzra Yehovha, va mu tizrela hi mbilu yin’we.” (Tsf 3:9, NM; Mpf 7:9) A “lidzrimi dzra ku tenga” i ntiyiso mayelanu na Yehovha ni minkongometo yakwe leyi hi yi kumaka Bibeleni.

Ku dondzra lidzrimi dzrimpswha a hi ku tiva mazritu mampswha ntsena. U fanela ku dondzra ni ku yanakanya hi ndlela leyi hambaniki. Hi la ku fanaka, akuva hi dondzra lidzrimi dzra ku tenga dzra xihlayelamfuzri, hi fanela ku ntxintxa mayanakanyela yezru. (Ro 12:2) Leswi a swo suketana swi tiyentxekela; hi fanela ku ya mahlweni hi swi txutxela. Xileswo, vhanu va Yehovha va ta ya mahlweni ni ku va ni wumun’we.​—1Ko 1:1.