U Nga Zrezra U Tlhela U Dondzrisa!

A ku sunguleni Moxe afa a ganaganeka leswaku kumbe a ta swi kota ku hetisisa xiyavelo xa Yehovha kumbe im-him. (Eks 4:10, 13) Xana u sama u titwisa xileswo? Xana u dondzra Bibele ni Timboni ta Yehovha kambe wa ganaganeka leswaku u nga swi kota ku zrezra hi muti ni muti? Kumbe u mumpswha lwa txhavaka ku zrezra xikole. Kumbe u txhava ku zrezra ka mbangu wa mani na mani kumbe hi selulari. Khongota ka Yehovha u mu kombela a ku nyika ntamu hi moya wakwe. (1Pe 4:11) Kholwiseka leswaku a ta ku pfuna ku va u hetisisa xiyavelo xin’wana ni xin’wana.​—Eks 4:11, 12.

HLALELANI VÍDEO LEDZRI LIKI VANA NI XIXIXI . . . MUZREZRI, MI GAMA MI HLAMULA SWIVUTISO LESWI LANDZRELAKA:

• Hi swini swikazratu leswi makwezru Aoyama a kumaniki na swone?

• A wu kume kwini ntamu ni xixixi? (Yr 20:7-9)

• He wani mabindzru a viki na wone hi ku yentxa leswi yengetelekiki ntizrweni wa Yehovha?

• I swikazratu muni leswi Yehovha a nga hi pfunaka ku swi hlula nsin’wini?