BIBLIYOTEKA Dzra Watchtower Ka Internet
Dzra Watchtower Ka Internet
BIBLIYOTEKA
Xironga
  • BIBELE
  • SWIPALUXIWA
  • MINTLHANGANU
  • mwbr21 Novhembru matl. 1-11
  • Mintlhamuxelo Ya Xibukwana Xa Ntlhanganu Wa Wutomi Ni Wutizreli Byezru

A ku na video ka leswi u swi hlawuliki

Dzrivalelo, ku ni leswi hoxekiki akuva video dzri txhaya.

  • Mintlhamuxelo Ya Xibukwana Xa Ntlhanganu Wa Wutomi Ni Wutizreli Byezru
  • Mintlhamuxelo Ya Xibukwana Xa Ntlhanganu Wa Wutomi Ni Wutizreli Byezru (2021)
  • Swinhlokwanamhaka
  • 1-7 KA NOVHEMBRU
  • WUKOSI BYI NGA BIBELENI | YEHOŠUA 18-19
  • “Ndlela Ya Wutlhazri Leyi Yehovha A Yaviki Tiko Dzra Xidumbiso Ha Yone”
  • Tindzralama Ta Moya
  • 8-14 KA NOVHEMBRU
  • WUKOSI BYI NGA BIBELENI | YEHOŠUA 20-22
  • “Hi Nga Dondzra Yini Ka Leswi Humeleliki Vana Va Israyele?”
  • Tindzralama Ta Moya
  • 15-21 KA NOVHEMBRU
  • WUKOSI BYI NGA BIBELENI | JEHOŠUA 23-24
  • “Xitsratsriyo Xa Wugamu Lexi Yoxuwa A Xi Nyikiki Vana Va Israyele”
  • Tindzralama Ta Moya
  • 22-28 KA NOVHEMBRU
  • WUKOSI BYI NGA BIBELENI | ABAṬEMI 1-3
  • “Matimu Ya Xixixi Ni Ku Dumbeka Ka Yehovha”
  • Sentinela 15/03/2004 p. 30 §§ 1-3
  • Tindzralama Ta Moya
  • 29 KA NOVHEMBRU–5 KA DEZEMBRU
  • WUKOSI BYI NGA BIBELENI | ABAṬEMI 4-5
  • “Yehovha A Tizrise Vavasati Vabidzri Kuva A Huluxa Vhanu Vake”
  • ‘Ndzri Pfuka Mine Swanga Mpswele Ka Israyele’
  • Tindzralama Ta Moya
  • 6-12 KA DEZEMBRU
  • WUKOSI BYI NGA BIBELENI | ABAṬEMI 6-7
  • “Famba Hi Ntamu Waku”
  • Tindzralama Ta Moya
  • Nkatsrakanyu Wa Buku Dzra Abaṭemi
  • 13-19 KA DEZEMBRU
  • WUKOSI BYI NGA BIBELENI | ABAṬEMI 8-9
  • “Swa Yampswa Ku Titsrongahata Ku Tlula Ku Titlakuxa”
  • Tindzralama Ta Moya
  • 20-26 KA DEZEMBRU
  • WUKOSI BYI NGA BIBELENI | ABAṬEMI 10-12
  • “Yefta—Wanuna Wa Wumoya”
  • Tindzralama Ta Moya
  • 27 KA DEZEMBRU–2 KA JANERU
  • WUKOSI BYI NGA BIBELENI | ABAṬEMI 13-14
  • “Vapswele Va Nga Dondzra Yini Ka Manowa Ni Nsati Wake?”
  • Tindzralama Ta Moya
Mintlhamuxelo Ya Xibukwana Xa Ntlhanganu Wa Wutomi Ni Wutizreli Byezru (2021)
mwbr21 Novhembru matl. 1-11

Mintlhamuxelo Ya Xibukwana Xa Ntlhanganu Wa Wutomi Ni Wutizreli Byezru

1-7 KA NOVHEMBRU

WUKOSI BYI NGA BIBELENI | YEHOŠUA 18-19

“Ndlela Ya Wutlhazri Leyi Yehovha A Yaviki Tiko Dzra Xidumbiso Ha Yone”

Perspicaz vol-2 p. 1108 § 8

Ndzrilakanu

Swi tikomba ku ve ni swivangelo swibidzri swa ku yava tiko hi ku ya hi tinxaka: Ku yava tiko hi mpswhampswha ni hi ku ya hi ku kula ka lixaka. Swi nga yentxeka mpswhampswha a yi komba mbangu lowu lixaka a dzri ta wu kuma swanga pfindla, leswi a swi ta komba lomu mindzrilakanu ya pfindla a yi gama kone, ka ku fana ni le wuxeni, mpeladambu, n’walungu ni nyingitimu, a ku suhi ni timbale kumbe a tinhaveni. Xiboho lexi a xi tekiwa hi ku ya hi mpswhampswha a xi pfa hi ka Yehovha, leswi a swi ta yentxa leswaku tinxaka ti nga holovi nambi ku kweletana. (Pr 16:33) Xileswo, Xikwembu Nkulukumba a a kongomisa mintxhumu akuva va fambisana ni mazritu lawa Yakobe a ma hlayiki ka Genesis 49:1-33 loko a li kusuhi ni ku fa.

Perspicaz vol-1 p. 1142 § 1

Ndzrilakanu

Tiko ledzri nga pfindla. A vana va Israyele va nyikiwe pfindla hi Yehovha, lani a tsremeliki Moxe a mu komba ndzrilakanu wa tiko. (Tin 34:1-12; Yš 1:4) A vana va Gadi, vana va Rubeni ni hamfu ya vana va Manasi va kume yavelo dzravu ha Moxe. (Tin 32:33; Yš 14:3) A tinxaka letin’wana ti kume pfindla dzra tone hi mpswhampswha, na ti kongomisiwa ha Yoxuwa na Eliyazari. (Yš 14:1, 2) Hi ku ya hi wuprofeta bya Yakobe, ka Genesis 49:5, 7, Simoni na Levhi a va kumanga xiyenge xa muganga swanga pfindla. A muganga wa Simiyoni a wu ni mbangu (kun’we ni madoropa lawa ku tsrhamaka vhanu va tinxaka ta ku hambanahambana) ndzreni ka muganga wa Yuda (Yš 19:1-9), lakakuva Levhi a nyikiwe 48 wa madoropa a mugangeni hinkwawu wa Israyele. Leswi Valevhi va kumiki xiyavelo xa ku hamba ntizro wa ku hlawuleka a mbangwini wa ku xwenga, a ku hlayiwa leswaku Yehovha i pfindla dzravu. A va yamukela swa wukhume swanga xiyenge xavu hi kola ka ntizro lowu a va wu hamba. (Tin 18:20, 21; 35:6, 7) A mindangu yi yamukele swiyavelo ndzreni ka muganga wa lixaka dzra yone. Nkama lowu mindangu a yi ya yi kula a vana a va kuma pfindla, nakone a tiko a dzri ya dzri yaviwa hi swiyenge switsrongo.

Perspicaz vol-2 p. 1109 § 1

Ndzrilakanu

Ntsrhaku ka loko mpswhampswha yi kombe mbangu lowu lixaka dzra kukazri a dzri ta va kone, a ku tizrisiwa xivangelo xa wubidzri akuva ku kombisiwa mindzrilakanu: ku kula ka lixaka. ‘U ta yavanyisa tiko hi mpswhampswha hi mindangu yenu, lava taliki n’wi ta va nyika pfindla ledzrikulu, lava nga talangakikiki n’wi ta va nyika pfindla ledzritsrongo; a mun’wana ni mun’wana a ta yamukela leswi a yaveliwiki swone hi mpswhampswha.’ (Tin 33:54) A xiboho lexi a xi tekiwa hi ku ya hi mpswhampswha a xi tiyisekisiwa, kambe a swa ha koteka ku yentxa ku txintxa ka kukazri hi ku ya hi ku kula ka pfindla. Xileswo, loko ku voniwe leswaku a muganga wa Yuda a wu li wukulu ngopfu, a xiyenge xa pfindla dzrake xi pumbiwile, xi nyikiwa lixaka dzra Simiyoni.—Yš 19:9.

Tindzralama Ta Moya

Perspicaz vol-2 p. 1109 § 4

Ndzrilakanu

A mhaka leyi vulavulaka hi ku yaviwa ka tiko a mpeladambu wa Yordani yi komba leswaku ku sungula ku hambiwe mpswhampswha ka Yuda (Yš 15:1-63), Yosefa (Efrayimi) (Yš 16:1-10), ni hamfu ya lixaka dzra Manasi Ledzri tsrhamiki a mpeladambu wa Yordani (Yš 17:1-13), lani ku bekiwiki mindzrilakanu ku tlhela ku nkontiwa madoropa yavu. Ntsrhaku ka leswo, swi tikomba na ku tsremelisiwe ku yaveliwa ka tiko, hikusa a nxaxa wa Israyele a wu tikomba na wu txintxiwile a Gilgal wu ya Xilo. (Yš 14:6; 18:1) A ku boxiwi nkama hinkwawu lowu khalutiki, kambe Yoxuwa, hi wugamu, a kawuke tinxaka leti ta 7 hi ku hlwela ku ya tsrhama ka mimbangu leyi ti yaveliwiki yone. (Yš 18:2, 3) Ku humelela mintlhamuxelo yinyingi ya leswaku ha yini tinxaka leti ti hlweli ku yentxa leswo, swidondzri swinyingi swi hlaya leswaku mintxhumu yinyingi leyi va yi kumiki loko va hlula valala vavu, ni kuva tinxaka leti ti vona leswaku ti nge hlaseliwe hi Vakanana, swi nga yentxeka ku li leswi yentxiki tinxaka leti ti nga voni xihantla xa ku ya ka mimbangu leyi ti yaveliwiki yone. Akuva va nga djuli ku lwisana ni valala vavu va ntamu, nakone swi nga yentxeka ku li leswi swi va yentxiki ku hlwela ku ya tsrhama ka mbangu luwani. (Yš 13:1-7) Handle ka leswo, a tinxaka leti a ti nga wutivi ha hombe mbangu luwani wa tiko dzra xidumbiso ku fana ni mbangu lowu ti zrangiki ti yaveliwa wone.

8-14 KA NOVHEMBRU

WUKOSI BYI NGA BIBELENI | YEHOŠUA 20-22

“Hi Nga Dondzra Yini Ka Leswi Humeleliki Vana Va Israyele?”

Sentinela 15/04/2006 p. 5 § 3

Ndlela Ya Ku Vulavulisana Ni Nkataku

Ku vulavulisana lokunene ku nga ha yentxa leswaku hi nga vi na timholova ni ku hi pfuna kuva hi nga tlhaseli wugamu lebyi hoxekiki. A ku sunguleni ka matimu ya va-Israyele, a lixaka dzra ka Rubeni, dzra Gadi ni hamfu ya lixaka dzra Manasi, leti a ti tsrhama a wuxeni bya Yordani ‘a ti yake alitari ledzrikulu’ a tlhelweni dzra Yordani. A tinxaka letimbeni a ti xi vona hi ndlela yin’wana xiyentxo lexo. Leswi a ti yanakanya leswaku vamakwavu lava a va li ka tlhelo ledzrimbeni dzra Yordani a va xandzrukile, a tinxaka leti nga mpeladambu ti tilulamiseli ku ya lwa na vone na ti yanakanya leswaku i vaxandzruki. Kambe a tinxaka leti nga mpeladambu ti zrumeli vhanu leswaku va ya vulavulisana ni tinxaka leti nga wuxeni na ti nga si lwa navu, lexo ku xi ve xiboho xa wutlhazri. Va kume leswaku a alitari ledzro a dzri nge dzra ku hamba switlhavelo kumbe ku hamba magandzrelo lawa ma nga liki nawini. Matsrhan’wini ya leswo, a tinxaka ta le wuxeni a ti txhava leswaku a nkameni lowu taka a tinxaka letin’wana a ti taku: ‘A n’wi na yavelo ku Yehovha’. A alitari ledzro a dzri ta va wumboni bya leswaku na vone a va li va gandzreli va Yehovha. (Yehošua 22:10-29) A alitari ledzri va dzri nyike vito ledzri liki wumboni, swi nga yentxeka leswaku a ku li wumboni kwavu leswaku Yehovha i Xikwembu Nkulukumba wa ntiyiso.—Yehošua 22:34.

Sentinela 15/11/2008 p. 18 § 5

“Lavisisa Mintxhumu Leyi Hambaka Ku Zrula”

Swi nga yentxeka leswaku va-Israyele van’wana a va vona leswaku ingiki a ku ni wumboni lebyi yaneliki bya leswaku va yentxi xidoho, nakone loko a vo va hlasela na va nga swi zrindzrelanga a ku ta dlayiwa vhanu vanyingi swinene. Nambitanu, a matsrhan’wini ya ku gigisekela ku teka xiboho, tinxaka ti nga mpeladambu wa Yordani ti zrumele vhanu kuva va ya bula hi mhaka leyi ni vamakwavu. Va va vutisile va ku: ‘I nandzru muni lowu mi wu yentxiki ka Xikwembu Nkulukumba wa Israyele, hi ku tlhelela ntsrhaku namunhla n’wi nga landzri Yehovha leswi n’wi tiyakeliki alitari?’ Nakunene tinxaka letin’wana a ti nga xandzrukanga. Kambe a ti ta ku yini hi xihehlo lexo? Xana a ti ta zruketela lava va tihehlaka kumbe ti yala ku vulavula navu? Tinxaka leti hehliwiki ti kombise moya wa ku zrula, ti swi kombise ha hombe leswaku swiyentxo swa tone a swi susumetiwa hi ku navela ka tone ka ku tizrela Yehovha. A moya wa ku zrula lowu ti wu kombisiki wu sizrelele wuxaka bya tone na Xikwembu Nkulukumba wu tlhela wu huluxa wutomi bya vhanu vanyingi. Ku vulavula hi moya wa ku zrula swi lulamise mholova kutani swi kondletela ku zrula.—Yš 22:13-34.

Tindzralama Ta Moya

Perspicaz vol-1 p. 416 § 3

Kanana

Nambi leswi Vakanana va hulukiki ku hlaseliwa ni ku va va tiyiselele ku yavanyisiwa, a swa ha koteka ku hlaya leswaku ‘Yehovha a nyika va-Israyele a tiko hinkwadzru ledzri a nga va hlambanyela leswaku a ta nyika vatatana vavu’ a va nyika ‘ku wisa a matlhelo hinkwawu’, nakone ‘a ku wanga zritu ku hinkwawu mazritu la ya hombe lawa Yehovha afaka a ma byeli yindlu ya Israyele hinkwawu ma ku humelela’. (Yš 21:43-45) A matlhelweni hinkwawu ya va-Israyele, matiko lawa a ma li valala a ma txhava nakone leswo a swi nga ti yentxa va-Israyele va nga sizreleleki. Xikwembu Nkulukumba a a hlayi ku li khale leswaku a a ta hlongola Vakanana ‘ha kutsrongokutsrongo’, akuva a swihazri swa nhova swi nga suketani swi yandzra a tikweni. (Eks 23:29, 30; Dt 7:22) Nambi leswi Vakanana a va ni switizro leswikulu swa yimpi, swa ku fana ni mimovha ya yimpi ya tinsimbi, loko va-Israyele a vo txhuka va nga swi koti ku titekela miganga yin’wana a va nga ti nyika nandzru Yehovha hi ku hlaya leswaku a nga swi kotanga ku hetisisa xidumbiso xake. (Yš 17:16-18; Abaṭ 4:13) A matimu ma kombisa leswaku akuva va-Israyele va hluliwile minkama yimbeni swi ve hi kola ka ku kala ku dumbeka kwavu.—Tin 14:44, 45; Yš 7:1-12.

15-21 KA NOVHEMBRU

WUKOSI BYI NGA BIBELENI | JEHOŠUA 23-24

“Xitsratsriyo Xa Wugamu Lexi Yoxuwa A Xi Nyikiki Vana Va Israyele”

Perspicaz vol-1 p. 84 § 5

Ntsrhaku ka loko va-Israyele va nghenile a tikweni dzra xidumbiso a Kanana a va fanela ku tama va khomelela ka milawu leyi a va buya na yone. Xikwembu Nkulukumba a hetisise xidumbiso xake ka va-Israyele lexi a xi yentxeliki vapapayi vavu xa ku va nyika tiko. Xileswo a va nga ngheni tikweni ledzriyani swanga valuveli, nakone Yehovha a va tsrimbisile kuva va nga hambi xipfumelelanu kumbe xinakulobye ni vamatiko. (Eks 23:31-33; 34:11-16) A va fanela ku famba hi ku landzra nawu wa Xikwembu Nkulukumba, ku nga li wa matiko lawa a ma ta hlongoliwa. (Lv 18:3, 4; 20:22-24) Va byeliwe hi ku kongoma leswaku a va nga fanelanga ku tekana ni vhanu va matiko wolawo. Ku tekana koloko a ku nge ti va yentxa va va ni wuxaka ni vavasati lava nga mu gandzrelikiki Xikwembu Nkulukumba ntsena, kambe a va ta tlhela va va ni wuxaka ni maxaka yavu lawa ma nga gandzrelikiki Xikwembu Nkulukumba, mikhuva ni swihena swavu swa wukhongoti bya madzrimi, leswo a swi ta va yentxa va xandzruka va tlhela va pela khombyeni.—Dt 7:2-4; Eks 34:16; Yš 23:12, 13.

Sentinela 01/11/2007 p. 26 §§ 19-20

Mazritu Ya Yehovha Ma Hetiseka

Hi ku ya hi leswi hi swi voniki hi mahlu yezru, hi nga ha hlaya leswi: ‘A ku wanga ni zritu ni dzrin’we dzra mazritu hinkwawu lamanene lawa Yehovha, Xikwembu Nkulukumba wenu, a nga ma byela ha n’wine; hinkwaswu swi mi humelelile; a ku wanga ni zritu ni dzrin’we.’ (Jehošua 23:14) Yehovha a huluxa vhanu vake, a va sizrelela ni ku va wundla. Xana swi kone leswi u nga hlayaka leswaku Yehovha a swi dumbisile kambe a nga swi hetisisanga hi nkama wa kone? A swi kone. Hi ta va na hi tlhazrihile loko hi dumba zritu dzra Xikwembu Nkulukumba ledzri nga hembikiki.

Ku hlayiwa yini hi nkama lowu taka? Yehovha a hi byela leswaku wunyingi byezru hi nga va ni dumbo dzra ku hanya a misaveni leyi ndzrulutiwiki yi va paradeyisi dzra ku nyonxisa. A makazri kwezru a hi vanyingi lava nga ni dumbo dzra ku ya fuma na Kriste a matilweni. Kumbe hi ni dumbo dzra ku ya matilweni kumbe dzra ku tsrhama la misaveni hi ni xivangelo lexi twalaka xa ku tama hi dumbeka ku fana na Yoxuwa. Dzri ta tlhasa siku ledzri dumbo dzrezru dzri taka hetiseka ha dzrone. Kutani hi ta yanakanya hi mintxhumu hinkwayu leyi Yehovha a hi dumbisiki yone hi gama hi ku: ‘Hinkwayu yi hetisekile.’

Tindzralama Ta Moya

Sentinela 01/12/2004 p. 12 § 1

Nkatsrakanyu Wa Buku Dzra Yehošua

24:2—Xana Tera papayi wa Abrahamu a a li mugandzreli wa swithombe? A ku sunguleni, Tera a a nga li mugandzreli wa Yehovha Xikwembu Nkulukumba. Swi tikomba a a gandzrela xikwembu xa n’weti lexi vitaniwa Sina—xikwembu lexi a xi dume ngopfu a Ur. Hi ku ya hi matimu ya Vayuda, swi tikomba ingiki Tera a a li muvatli wa swithombe. Nambitanu, loko Abrahamu a suka Ur hi lani Xikwembu Nkulukumba a mu leletiki ha kone, Tera a fambe na Abrahamu a Harani.—Genesis 11:31.

22-28 KA NOVHEMBRU

WUKOSI BYI NGA BIBELENI | ABAṬEMI 1-3

“Matimu Ya Xixixi Ni Ku Dumbeka Ka Yehovha”

Sentinela 15/03/2004 p. 31 § 3

Ehudi A Tsrhova Mpinga Wa Valala

A makungu ya Ehudi ma humelelile, ku nga li hi leswi yene a a li ni wuswikoti, kumbe hi leswi valala vake a va nge na wuswikoti. Ku hetiseka ka minkongometo ya Xikwembu Nkulukumba a ku yentxeki hi kola ka ku tikazrata ka vhanu. Leswi yentxiki Ehudi a humelela hi leswaku a a seketeliwa hi Xikwembu Nkulukumba hikusa a yentxe hi ku pfumelelana ni ku tiyimisela ka Xikwembu Nkulukumba ka ku ntsrhunxa vhanu vake. Xikwembu Nkulukumba a beke Ehudi, nakone ‘loko Yehovha a humexela [vhanu vake] vatsremi, Yehovha afa e ni mutsremi’.—Abaṭemi 2:18; 3:15.

Sentinela 15/03/2004 p. 30 §§ 1-3

Ehudi A Tsrhova Mpinga Wa Valala

Gwansu dzra ku sungula dzra Ehudi a ku li ku tihambela lipanga ledzri tsremaka matlhelo ha mabidzri. Swi nga yentxeka a yanakanya leswaku a ta setxhiwa. Hi ntolovelo a lipanga a dzri kwheketiwa ka tlhelo dzra ximatsri, lani vhanu lava tizrisaka voko dzra xinene a va kota ku dzri humexa hi ku kahlula. Leswi Ehudi a a li ni ximatsri a tumbete lipanga dzrake ‘a hansi ka xiyambalu xake a ntsrhumbine wake wa xinene’, lani vazrindzri va hosi a va nga talisi ku sentxha kone. Kutani ‘a buyisa xihiwo ka Egloni a hosi ya Mowabu’.—Abaṭemi 3:16, 17.

A Bibele a dzri nyikele wutsrhokotsrhoko mayelanu ni leswi humeleliki loko Ehudi a nghena mutini wa Egloni. Bibele dzri li: ‘Ka ku loko Ehudi a heti ku nyika Egloni xihiwo, a tlhelisa vhanu lava va zrwaliki xihiwo.’ (Abaṭemi 3:18) Ehudi a nyikele xihiwa, a heleketa lava a va zrwali xihiwa kutani a tlhela kulenyana ni lani Egloni a a tsrhama kone. Ha yini a tlhelile? Xana a famba ni vavanuna volavo leswaku va mu sizrelela, kumbe hi kola ka nawu, kumbexana hi nkongometo wa kuva va zrwala xihiwa? Nakone xana a djula leswaku va zranga va famba leswaku va nga weliwe hi khombo loko a hetisa kungu dzrake? A ku na mhaka leswaku i yini lexi susumeteliki Ehudi kuva a tsrutsrumisa vakhomi va xihiwa kambe mhaka hi leswaku a tlhele ntsrhaku a li wuswake.

‘[Ehudi] a tlhelela hi le swithombheni leswa ku vatliwa leswi nga ku suhi na Gilgal a ku: Ndzri ni mhaka ya ku dlumama na wene, we hosi.’ A matsralwa a ma tlhamuxeli leswaku Ehudi a swi kotise kuyini ku tlhelela lani Egloni a a li kone. Xana vazrindzri a va pimisanga swa ku biha ha Ehudi? Xana a va yanakanya leswaku mu-Israyele a nga ka a nga yentxi ntxhumu wa ku biha ka hosi yavu loko a li wuswake? Xana ku ta ka Ehudi a li wuswake a ku yentxanga leswaku vhanu va yanakanya leswaku a ta wonga vhanu va le kwavu? A ku na mhaka leswaku a xiyimu a xi tsrhamisise kuyini Ehudi a djuli ku vulavula ni hosi a li wuswake ntsena nakone a swi kotile.—Abaṭemi 3:19.

Tindzralama Ta Moya

Sentinela 15/01/2005 p. 24 § 7

Nkatsrakanyu Wa Buku Dzra Abaṭemi

2:10-12. Hi fanela ku va ni xiyimiso xa ku dondzra Bibele nkama ni nkama akuva ‘hi nga dzrivali ni xin’we xa swinyiko swa Yehovha’. (Amapsalma 103:2) Vapswele va fanela ku dondzrisa vanavu mintiyiso ya Zritu dzra Xikwembu Nkulukumba.—Deuteronoma 6:6-9.

29 KA NOVHEMBRU–5 KA DEZEMBRU

WUKOSI BYI NGA BIBELENI | ABAṬEMI 4-5

“Yehovha A Tizrise Vavasati Vabidzri Kuva A Huluxa Vhanu Vake”

Sentinela 01/08/2015 p. 13 § 1

‘Ndzri Pfuka Mine Swanga Mpswele Ka Israyele’

Sisera a vangele va-Israyele swikazratu. Ntumbuluku ni wukhongoti bya va Kanana a swi li ni tihanyi, a ku hambiwa magandzrelo hi vana ni wunghwavana a tempeleni. A swo yini ku fumiwa hi Vakanana ni makhandzra yavu? A lisimu dzra Debora a dzri kombisa leswaku a swi nga nabyali ku fambafamba a mutini nakone a ku nge na mhunu lwe a tsrhama kone. (Abaṭemi 5:6, 7) Hi nga ha yanakanya hi vhanu lava nga nhoveni ni le tinhaveni, a va txhava ku dzrima kumbe ku tsrhama mitini leyi a yi nga biyeleliwanga nakone a va txhava ku fambafamba tindleleni hi ku txhava ku hlaseliwa, ku tekeliwa vana ni ku pfinyeliwa vasati vavu.

Sentinela 01/08/2015 p. 13 § 2

‘Ndzri Pfuka Mine Swanga Mpswele Ka Israyele’

A a tsrhama hi ku txhava ku dzringana 20 wa malembe, ku ya tlhasa lani Yehovha a voniki leswaku vhanu vake lava va tinonon’whisiki, a va txintxile kumbe hi lani mazritu lama huhuteliwiki ya lisimu dzra Debora na Baraki ma hlayaka ha kone ma ku: ‘Ndzri ko dzri pfuka, mine, Debora, ndzri pfuka, mine, mpswele ka Israyele.’ A hi swi tivi leswaku Debora nsati wa wanuna lwa vitaniwaka Lapidoti a a li mamana hi ka kunene, kambe mazritu lawa a mo hlayiwa hi ndlela ya ku fanekisela. Ku hlaya ntiyiso Yehovha a zrume Debora leswaku a ya nyika tiko a nsizrelelo lowu fanaka ni wa mamana. A mu byele leswaku a ya vitana wanuna wa lipfumelo mutsremi Baraki nakone a mu kongomisa leswaku a ya lwa na Sisera.—Abaṭemi 4:3, 6, 7; 5:7.

Sentinela 01/08/2015 p. 15 § 2

‘Ndzri Pfuka Mine Swanga Mpswele Ka Israyele’

Yaheli a nga danga nkama. E tekela ku nyika Sisera mbangu wa ku yetlela. Sisera a byele Yaheli leswaku loko ku ta vhanu va ta ta mu djula a nga hlayi leswaku a kone. Yaheli a mu funeketile kutani loko a mu kombele mati, a mu nyike leite. Ku nga likunga ni e xi dju. Yaheli a teka mhandzri ya tende ni hamela a tsrhindzrekela nhlokweni ya Sisera nakone hi nkama wolowo a a fanela ku yentxa ntxhumu lowu nga nabyalikiki a yimela Yehovha. Loko a e ganagana a ta va a pfuxi mpfilumpfilu. Xana a yanakanye hi vhanu va Yehovha ni ndlela leyi wanuna lweyi a va xanisiki ha yone ku dzringana malembe manyingi? Kumbe xana a yanakanye hi ndjombo ya kuva a yimele Yehovha? Dzrungula ledzri a dzri hi byeli ntxhumu. Kambe ha swi tiva leswaku Yaheli a nga hlwelanga, a dlaye Sisera!—Abaṭemi 4:18-21; 5:24-27.

Tindzralama Ta Moya

Sentinela 15/01/2005 p. 25 § 5

Nkatsrakanyu Wa Buku Dzra Abaṭemi

5:20—Tinyeleti ti lwe na Baraki na ti li tilweni hi ndlela yini? A Bibele a dzri hlayi ntxhumu leswaku tintsrumi ti pfunisile, mintxhumu leyi a yi wa hi tilweni leyi vavanuna va ku tlhazriha va Sisera a va yi teka a yi ni khombo, kumbexana ku pfhumbata ka Sisera hi ku tizrisa mintxhumu ya le mpfhukeni loku viki madzrimi. Nambitanu, Xikwembu Nkulukumba a swi nghenelile hi ndlela ya kukazri.

6-12 KA DEZEMBRU

WUKOSI BYI NGA BIBELENI | ABAṬEMI 6-7

“Famba Hi Ntamu Waku”

Sentinela 15/02/2002 p. 6 § 5

Minsinya Ya Milawu Ya Xikwembu Nkulukumba Yi Nga Ku Pfuna

Mun’wana lweyi a a titsrongahata a ku li Gidiyoni, mutsremi wa Vaheberu va khale. A a nga djuli ku va muzrangeli wa va-Israyele. Kambe loko a hlawuliwa kuva a ya va muzrangeli Gidiyoni a hlaye leswaku a a nga faneleki. A te: ‘A ndangu wa kwezru hi lowa wusiwana ku tlulisa a makazri ka va ka Manasi; na mine, ndzri lwe ntsrongo a ndlwini ya vatatana.—Abaṭemi 6:12-16.

Sentinela 15/07/2005 p. 16 § 3

‘Lipanga La Yehovha Ni La Gidiyoni’

Vamidiyani a va txhava kutani! Hi xitxhuketa, ku miyela lokuyani ku helisiwile hi ku dlayiwa ka makhuwana ya 300, pongo dzra tinanga ta 300, ni ku huwelela ka vavanuna va 300. Hi ku hlamala, ngopfungopfu hi ku huweleliwa loku liki ‘a lipanga la Yehovha ni la Gidiyoni’. Vamidiyani na vone va sungula ku huwelela, hi loko pongo dzri ya dzri yengeteleka. Ka mpfilumpfilu yoleyo, a swi nga koteki ku vona leswaku hi mani lweyi a nga nala ni lweyi a nga munghanu. Vavanuna lava va 300 va yime mimbangwini leyi va yaveliwiki yone kutani Xikwembu Nkulukumba a yentxa leswaku valala vavu va dlayanana hi timpanga tavu. Vhanu lava a va li minxaxeni va hluliwile, a swi nga koteki ku baleka nakone ntizro wa ku dlaya makhandzra ya valala lava saliki lowu patsraka ku va hlongolisa va za va kazrala wu helise ntxhavu wa Vamidiyani hi ku helela. Ntizro wa ku dlaya lowu tekiki nkama wa ku leha wu ze wu hela.—Abaṭemi 7:19-25; 8:10-12, 28.

Tindzralama Ta Moya

Sentinela 15/01/2005 p. 26 § 6

Nkatsrakanyu Wa Buku Dzra Abaṭemi

6:25-27. Gidiyoni a tizrise wutlhazri akuva a nga hlundzrukisi vakaneti vake na swi nga fanelanga. Loko hi zrezra madzrungula lamanene, hi fanela ku tivonela kuva hi nga hlundzrukise vambeni hi ndlela leyi hi vulavulaka ha yone.

13-19 KA DEZEMBRU

WUKOSI BYI NGA BIBELENI | ABAṬEMI 8-9

“Swa Yampswa Ku Titsrongahata Ku Tlula Ku Titlakuxa”

Sentinela 15/08/2000 p. 25 § 3

Xana Hi Nga Tilulamisisa Kuyini Timholova?

Loko Gidiyoni a li yimpini leyikulu ni tiko dzra Midiyani, a kombele lixaka dzra Efrayimi leswaku dzri mu pfuna. Loko yimpi yi helile, va-Efrayimi va holovele Gidiyoni ka leswaku ha yini a nga va vitananga loko yimpi ya ha sungula. Dzrungula dzri hlaya leswaku ‘va mu holovele hi ntamu’. Gidiyoni a yangule a ku: ‘ Xa ke dzri yentxise n’wine a ntizro wa ku fana ni wa kwenu xana? Xana mankuhuna ya Efrayimi a ma nandzriki ku tlula ntsrhovelo dzra livhiya la Abiyazari xana? Xikwembu Nkulukumba a nyikete tihosi ta Midiyani, Horebe na Zebi, a mavokweni yenu: mine ke ndzri kote ku tizra yini a ku dzringana na n’wine xana?’ (Abaṭemi 8:1-3) Hi mazritu yake laya ku zrula ni lama yanakanyisisiwiki ha hombe, Gidiyoni a sivele ku va ku nga vi na ku halatiwa ka ngati makazri ka tinxaka. Xiya ka leswaku vhanu va lixaka dzra Efrayimi a va ni xihena xa ku titlakuxa ni ku tivona va li va lisima henhla ka tinxaka tinʹwana kambe leswo a swi mu sivelanga kuva a kondletela ku zrula. Xana na hine hi nga yentxa hi lani ku fanaka?

Sentinela 01/2017 p. 20 § 15

Ha Yini Ku Titsrongahata Swi Li Swa Lisima Namunhla

Gidiyoni a a li xikombiso lexinene xa ku titsrongahata. Loko ntsrumi ya Xikwembu Nkulukumba yi humelela kwake ka khambi dzra ku sungula a titsrongahatile. (Abaṭ 6:15) Ntsrhaku ka loko a yamukele xiyavelo lexi pfaka hi ka Yehovha, Gidiyoni a yentxe hinkwaswu kuva a twisisa leswi Yehovha a a djula leswaku a swi yentxa nakone a a yimela nkongomiso wa Yehovha. (Abaṭ 6:36-40) Gidiyoni a a ni xixixi. Nambitanu a yentxe hi lani Yehovha a mu leletiki ha kone hi wuxiyaxiya ni hi wutlhazri. (Abaṭ 6:11, 27) A nga hetisisanga xiyavelo xake hi leswi a a djula ku va ni ndhuma. Matsrhan’wini ya leswo, loko a hetisise xiyavelo xake a tlhelele kaya kwake na a nyonxile.—Abaṭ 8:22, 23, 29.

Sentinela 15/02/2008 p. 9 § 9

Famba A Tindleleni Ta Yehovha

Akuva hi va vanghanu va xikwembu Nkulukumba hi fanela ku ‘titsrongahata’. (1Pt 3:8; Ps. 138:6) A lisima dzra ku titsrongahata dzri tlhamuxeliwe ka Abaṭemi ndzrima 9. Yothama n’wana Gidiyoni a te: ‘a mizri mi suke mi ya simeka hosi hi ku yi tota’. Ku vulavuliwe hi nsinya wa ntlhazri, nsinya wa nkuwa ni nsinya wa vhinya. A yi fanekisela vhanu va xiyimu xa le henhla lava a va nga swi djuli ku fuma va-Isayele kulobye. Kambe nsinya wa nkanya—lowu tsrhiveliwaka—a wu fanekisela wuhosi bya Abimeleki lwa titlakuxaka lweyi a a li mudlayi ni lweyi a djulaka ku fuma vhanu vambeni. Nambi leswi ‘a viki hosi a Israyele malembe mazrazru’ a file na swi nga yimeliwanga. (Abaṭ 9:8-15, 22, 50-54) I swinene ‘ku titsrongahata’!

Tindzralama Ta Moya

Perspicaz vol-1 p. 765 § 5

Efodi, I

Nambi leswi Gidiyoni a a ni makungu lamanene, ya ku tlangela ku hlula loku Yehovha a nyikiki va-Israyele, ni ku va a dzrumisa Xikwembu Nkulukumba, a Efodi ‘dzri ve ntlhamu ku Gidiyoni ni ku hinkwavu va yindlu yake’, hikuva va-Israyele va hambe wumbuye hi leswi va dzri gandzreliki. (Abaṭ 8:27) Nambitanu, a Bibele a dzri hlayi leswaku Gidiyoni ha byake a dzri gandzrelile; ku hambana ni leswo, mupostola Pawulo a mu vitana swanga mun’we wa lava va hambaka xiyenge xa ‘tlavi ledzrikulu’ dzra timboni ta Yehovha ta ku dumbeka na Yesu a nga si ta la misaveni.—Hb 11:32; 12:1.

20-26 KA DEZEMBRU

WUKOSI BYI NGA BIBELENI | ABAṬEMI 10-12

“Yefta—Wanuna Wa Wumoya”

Sentinela 04/2016 p. 7 § 9

Ku Dumbeka Ku Yentxa Leswaku Hi Yamukeleka Ka Xikwembu Nkulukumba

Xikombiso xa Yosefa xi nga ha va na xi pfuni Yefta. A nga va a dondzre ka ndlela leyi Yosefa a kombisiki wunene ka vamakwavu ha yone nambi leswi a va mu nyenya. (Gn 37:4; 45:4, 5) Ku yanakanyisisa hi xikombiso lexi swi nga va swi pfune Yefta ku tikhoma hi ndlela leyi nyonxisaka Yehovha. Leswi vamakwavu va Yefta va mu yentxeliki swone swi nga va na swi mu twise ku vava ngopfu. Kambe lexi a xi li xa lisima swinene ku yene a ku li ku lwela vito dzra Yehovha ni vhanu vake. (Abaṭ 11:9) A a tiyimiseli ku dumbeka ka Yehovha. Leswo swi yentxe leswaku Yehovha a mu tovokisa yene kun’we ni va-Israyele.—Hb 11:32, 33.

Perspicaz vol-2 p. 25 § 4

Yefta

Leswi Yefta a a li wanuna wa nkhinkhi, a nga hlwelanga ku zrangela tiko hi nkhinkhi leyo. A zrumele dzrungula ka hosi ya Amoni, hi ku hlaya leswaku Amoni a a li muhlaseli hikusa a a djula ku nghenela tiko dzra Israyele. A hosi yi hlaye leswaku a tiko ledzri Israyele a dzri tekiki a dzri lumba Amoni. (Abaṭ 11:12, 13) Yefta a kombise leswaku a a nga li musotxha wa tihanyi lweyi a kalaka a nga dondzrisiwanga hi ta tumbuluku wake, kambe a a li mudondzri wa ta matimu ngopfungopfu ta ndlela leyi Yehovha a a tizrisana ha yone ni vhanu vake. A yale leswi va-Amoni va swi hlayiki, a kombisa leswaku: 1) Israyele a nga hlaselanga Amoni, Mowabu kumbe Edomu (Abaṭ 11:14-18; Dt 2:9, 19, 37; 2Mk 20:10, 11); 2) a nkama lowu va-Israyele va nga lwela tiko a dzri nga mu lumbi Amoni hikusa a dzri li mavokweni ya va-Amori va le Kanana, lani Xikwembu Nkulukumba a nyikeliki hosi yavu Siyoni, kun’we ni tiko dzravu a mavokweni ya va Israyele; 3) ku khalute 300 wa malembe na Amoni a nga zanga a khala hi leswi va-Israyele va tekiki tiko; xileswo a ku nge na xivangelo xa kuva a khala swoswi.—Abaṭ 11:19-27.

Perspicaz vol-2 p. 25 § 5

Yefta

Yefta a tlhaseli wugamu bya leswaku a mhaka leyi a yi patsra wugandzreli. A hlaye leswaku Yehovha Xikwembu Nkulukumba a nyike Israyele tiko ledzri ni leswaku, a va nga ti nyikela nambi mbangu wa wutsrongo ka vagandzreli va swikwembu swa madzrimi. A hlaye leswaku Kamoxi a a li xikwembu xa Amoni. Vambeni va hlaya leswaku a ku li xihoxo kambe nambi leswi Amoni a a gandzrela Milikoni ni leswaku Kamoxi a a li xikwembu xa Mowabu, matiko lawa a ma li ni swikwembu swinyingi. Nambi Salomoni a tise wugandzreli bya Kamoxi a Israyele, hi kola ka vasati vake va matiko. (Abaṭ 11:24; 1Th 11:1, 7, 8, 33; 2Th 23:13) Hi ku ya hi swidondzri swin’wana, swi nga ha yentxeka vito “Kamoxi” dzri tlhamuxela “Muxanisi, Nhenha”. (Vona Léxico Hebraico e Caldeu de Gesenius, ledzri ndzruluteliwiki dzri ya ka xinghiza hi S. Tregelles, 1901, p. 401.) Swi nga ha yentxeka Yefta a a djula va tiva hi xikwembu lexi hi leswi va-Amoni a va xi khuza hi ku xanisa ni ku hlula vambeni kutani xi va nyika tiko.

Tindzralama Ta Moya

Perspicaz vol-2 p. 24 § 7

Yefta

Yefta A A Li N’wana Giliyadi. Mamana wa Yefta a a li ‘ngwavavana’, leswi hlayaka leswaku Yefta a a nga li n’wana wa wungwavanini kumbe n’wana lweyi a kalaka a nge na papayi. Mamana wake a a li ngwavavana na a nge si na txhata na Giliyadi, swanga nsati wake wa wubidzri, ku fana na Rahabi lweyi na yene a a li ngwavavana kambe a gamiki a txhata na Salmoni. (Abaṭ 11:1; Yš 2:1; Mt 1:5) Leswaku Yefta a a li n’wana wa Giliyadi hi swi tiva hikusa vamakwavu, vana va nsati wa ku sungula wa Giliyadi, va mu hlongolile akuva a nga kume pfindla. (Abaṭ 11:2) Tlhantakubidzri, hi ku famba ka nkama Yefta a bekiwe swanga muzrangeli wa vavanuna va Giliyadi (van’we va vone a ku li vamakwavu lava mu hlongoliki). (Abaṭ 11:11) Handle ka leswo, a hambe gandzrelo ka Xikwembu Nkulukumba a tabernakeleni. (Abaṭ 11:30, 31) Ni xin’we xa leswo a swi ta yentxeka loko a li leswaku n’wana lweyi a pswaliwi wungwavanini, hikusa nawu a wu hlaya hi ku kongoma wu ku: ‘lwa pswaliwiki hi wumbuye, a nga ka a nga nhingeni nhlengeletanwini ya Yehovha; nambi li li lixaka lake la wu khume, a vatukulu vake va nga ka va nhingeni a nhlengeletanwini ya Yehovha.’—Dt 23:2.

27 KA DEZEMBRU–2 KA JANERU

WUKOSI BYI NGA BIBELENI | ABAṬEMI 13-14

“Vapswele Va Nga Dondzra Yini Ka Manowa Ni Nsati Wake?”

Sentinela 15/08/2013 p. 16 § 3

Vapswele—Dondzrisani Vanenu Na Va Ha Li Vatsrongo

Yanakanya hi mhaka ya Manowa lweyi a a li wa ndangu wa Dani, lweyi a a tsrhama a mutini wa Zora a Israyele wa khale. Ntsrumi ya Yehovha yi byele nsati wa Manowa lweyi a a li xihiko kumbe a a nga pswali leswaku a ta beleka n’wana wa djaha. (Abaṭ 13:2, 3) A swi ganaganisi leswaku Manowa wanuna wa ku dumbeka kun’we ni nsati wake va nyonxe ngopfu hi ku twa mhaka leyi. Nambitanu, a ka ha ni swin’wana leswi a swi va kazrata xileswo Manowa a khongote Yehovha a ku: ‘We, Hosi! A mhunu wa Xikwembu Nkulukumba lweyi u mu zrumiki, a a tlhele a ta ku hine, a ta hi dondzrisa leswi hi fanelaka ku swi yentxa ku n’wana lwa taka belekiwa.’ (Abaṭ 13:8) Manowa ni nkatake a va kazrateka hi ndlela leyi a va fanela ku kulisa n’wanavu ha yone. A swi ganaganekisi leswaku va dondzrise n’wanavu Samisoni a nawu wa Xikwembu Nkulukumba, nakone a minzamu yavu yi ve ni mabindzru lamanene. A Bibele dzri hi byela leswaku ‘a moya wa Yehovha wu sungula ku susumeta [Samisoni]’. Hi kola ka leswo, Samisoni a hambe mintizro yinyingi ya ntamu loko a ha li muyavanyisi a Israyele.—Abaṭ 13:25; 14:5, 6; 15:14, 15.

Sentinela 15/03/2005 pp. 25-26

Samisoni A Hlula Hinkwavu Hi Kola Ka Mpfunu Wa Yehovha

Loko Samisoni a li kazri a kula, ‘Yehovha a mu tovokisa’. (Abaṭemi 13:24) siku dzrimbeni Samisoni a ye ka vapswele a ya ku: ‘Ndzri vone wansati a makazri ka van’whanyana va Vafilista a Timna; swoswi, ndzri tekelani yene, a va nkatanga.’ (Abaṭemi 14:2) Wa yi yanakanya ndlela leyi vapswele vake va hlamaliki ha yone? A matsrhan’wini ya kuva a ntsrhunxa va-Israyele a mavokweni ya lava a va va xanisa a n’wanavu a a djula ku hamba xipfumelelanu xa wukati na vone. Ku teka wansati lweyi a a gandzrela swikwembu swa madzrimi a swi lwisana ni nawu wa Xikwembu Nkulukumba. (Eksoda 34:11-16) A vapswele vake a va nga pfumelelani ni mhaka leyo xileswo va te: ‘Xana a ku na wansati makazri ka van’whanyana va vamakwenu, ni ku tiko hinkwadzru dzra kwenu, leswi u yaka teka nsati ku Vafilista, lava nga sokangakiki xana?’ Nambitanu, Samisoni a tame a sindzrisa a ku: ‘Ndzri tekeli yene, hikusa yelwe a ndzri tsrhavisile.’—Abaṭemi 14:3.

Tindzralama Ta Moya

Sentinela 15/03/2005 p. 26 § 1

Samisoni A Hlula Hinkwavu Hi Kola Ka Mpfunu Wa Yehovha

Xana wansati wa Mufilista a a ‘tsrhavisa’ Samisoni hi ndlela yini? A Eciclopédia McClintock na Strong dzri kombetela leswaku ku nga li hi leswi “a a xongile, a koka mahlo, a a mu tsrhavisa hi leswi a a pfumelelana ni ku hetisisa nkongometo wa kukazri’. A ku li wini nkongometo wa kone? Abaṭemi 14:4 yi hlaya leswaku Samisoni ‘a a djula xihlohloso kumbe zrengu dzra ku lwa ni Vafilista’. Leswi hi leswi swi yentxiki Samisoni a zrandzra wansati lwiyani. Loko Samisoni a kula a va mhunu lwenkulu, ‘a moya wa Yehovha wu sungula ku mu susumeta’ kumbe wu mu yentxa a teka gwansu. (Abaṭemi 13:25) Xileswo moya wa Yehovha hi wone wu susumeteliki Samisoni kuva a yentxa xikombelo lexi kalaka xi nga tolovelekanga xa ku djula nsati kun’we ni hinkwaswu leswi a swi yentxiki loko a li muyavanyisi a Israyele. Xana Samisoni a pfulekeliwe hi mukhandlu lowu a a wu djula? A hi zrangeni hi kambisisa ndlela leyi Yehovha a mu tiyisekisiki ni ku mu seketela ha yone.

    Mabuku Ya Xizronga - (2003-2025)
    Huma
    Nghena
    • Xironga
    • Zrumela
    • Tihlawulele
    • Copyright © 2025 Watch Tower Bible and Tract Society of Pennsylvania
    • Milawu Ya Matizrisela
    • Nawu Wa Xihundla
    • Seta Swa Xihundla
    • JW.ORG
    • Nghena
    Zrumela