U nga pfunekisa kuyini hi tidondzro leti ta Bibele
Kombela mhunu akuva a dondzra na wene: Kombela mhunu lweyi a ku nyikiki xibukwana lexi akuva a dondzra na wene kumbe u zrumela xikombelo ka pajina dzrezru dzra internet dzra jw.org.
XIYENGE XA KU SUNGULA
Dondzra yava dzrin’wana ni dzrin’wana xikan’we ni xivutiso xa dzrone A) ni tindzrimana ta kone B) leti khanyisaka timhaka ta lisima. Xiya leswaku tindzrimana tin’wana ti fungiwile hi zritu ledzri liki “dondzra”.
XIYENGE XA LE XIKAZRI
A mazritu ya ku sungula C) a hansi ka zritu ledzri liki Kelisisa ma tlhamuxela leswa ha landzrelaka. Swinhlokwanamhaka D) swi longoloxa timhaka leti ku taka buliwa ha tone. Dondzra tindzrimana, hlamula swivutiso, u va u hlalela mavhidiyu E).
Kambisisa mifoto kun’we ni mazritu lama tlhamuxelaka mifoto yoleyo F), u tlhela u yanakanyisisa hi leswi a wu ta yangulisa xiswone ka xiyenge lexi liki: “Van’we Va Li” G).
XIYENGE XA WUGAMU
Nkatsrakanyu ni Mpfuxeto H) swi songa dondzro.Tsrala siku ledzri u hetiki dondzro ha dzrone. A xiyenge lexi liki Lwela Leswi I) xi ku komba leswi u fanelaka ku lwela ku swi yentxa. Xiyenge lexi liki Handzrisisa J) xi tamele tinhlokomhaka timbeni leti u nga ti dondzraka ni mavhidiyu lawa u nga ma hlalelaka loko u swi djula.
Ndlela ya ku kuma tindzrimana ta Bibele
Matsralwa ma nyikeliwe hi ku ya hi buku dzra Bibele A), ndzrima ya kone B), ni ndzrimana kumbe tindzrimana ta kone C). Hi xikombiso, Yohan 17:3 yi hlaya buku dzra Yohan, ndzrima 17, ndzrimana 3.