KU HANYA SWANGA VAKRISTE
Dumba Yehovha Loko U Hluphiwa
Ku hluphiwa swi nga ha khumba matitwela yezru. Swi nga ha tlhela swi khumba wumoya byezru loko hi kanetiwa hi kola ka wukhongoti byezru. Xana u nga tisizrelela hi ndlela yini ka ku hluphiwa?
Malandzra manyingi ya ku dumbeka ma swi kotile ku lavisana ni ku kanetiwa hi kola ka ku dumba Yehovha. (Ps 18:17) Hi xikombiso, Esteri a nga tsrhikanga ku paluxa makungu ya wanuna wa ku biha lweyi a vitaniwaka Hamani. (Est 7:1-6) Kambe na a nga si na yentxa leswo a kombise leswaku a a mu dumba Yehovha hikuva a titsrona swakuda. (Est 4:14-16) Hi kola ka leswo, Yehovha a mu tovokisile yene kun’we ni vhanu va tiko dzrake.
Ku fana na Esteri, loko mhunu wa kukazri a ku hlupha kombela mpfunu ka Yehovha kun’we ni ka mhunu lweyi a kuliki hi ntanga, wa ku fana ni mamana waku kumbe papayi waku. Tiyiseka leswaku Yehovha a ta ku pfuna hi lani a mu pfuniki ha kone Esteri. I yini swin’wana leswi u nga swi yentxaka akuva u kota ku lavisana ni ku hluphiwa?
HLALELANI VHIDIYU LEDZRI LIKI VUMPSWHA BYANGA—NI NGA KU HLULISA KUYINI KU TSRHAMELA KU HLUPHIWA? MI GAMA MI HLAMULA SWIVUTISO LESWI LANDZRELAKA:
I yini leswi vampshwa va nga swi dondzraka ka xikombiso xa Charlie na Ferin?
I yini leswi vapswali va nga swi dondzraka ka leswi hlayiwiki ha Charlie na Ferin mayelana ni ndlela leyi va nga va pfunaka ha yone vanavu ku lavisana ni ku hluphiwa?