DONDZRO 17

Ku Yentxa Mhaka Yaku Yi Twisiseka Ka Vambeni

1 Ba-le-Korinte 14:9

NKATSRAKANYU: Pfuna vayingiseti vaku ku twisisa leswi u swi hlayaka.

Dondzra mhaka yaku hi wuyenti. Twisisa mhaka hi ndlela ya ku khanya akuva u ta kota ku yi tlhamuxela hi mazritu yaku na u nga lehisi.
Tizrisa swiga swa ku goma ni swa ku nabyala. Nambi leswi swiga swa ku leha swi pfumeleliwaka, humexa tinhla ta lisima hi ku tizrisa swiga swa ku goma kumbe leswi baka nhloko ya mhaka.

U nga tizrise wutsrhokotsrhoko lebyi nga fanelangakiki akuva u nga didi vayingiseti tinhloko ni ku va kazralisa. Tizrisa mazritu lama nabyalaka a matsrhan’wini ya lama kazrataka ku ma twisisa.
Tlhamuxela mazritu lama nga tiviwikiki ngopfu. Pumba mazritu lama kalaka ma nga tolovelekanga ka vayingiseti vaku. Loko u sindzriseka ku phata zritu ledzri nga tiviwikiki ngopfu kumbe mhunu lweyi ku khaneliwaka ha yene Bibeleni, kumbe mimpimu ya xikhale kumbe swihena, u fanela ku nyikela ntlhamuxelo wa kone.