Mintlamuxelo Ya Xibukwana Xa Ntlhanganu Wa Wutomi Ni Wutizreli Byezru

Mintlamuxelo Ya Xibukwana Xa Ntlhanganu Wa Wutomi Ni Wutizreli Byezru

6-12 Ka NOVHEMBRU

WUKOSI BYI NGA BIBELENI | YOB 13-14

“A Mhunu Loko A Fa A Nga Tlhela A Pfuka?”

Sentinela 15/10/1999 p. 3 §§ 1-3

Ku Navela Ka Hina Vutomi Byo Leha

HAMBI ku ri namuntlha a hi vangani lava nga kanetaka mianakanyo leyi ya ku koma ka vutomi, hambi leswi yi tsariweke kwalomu ka malembe ya 3 500 lama hundzeke. Minkarhi hinkwayo vanhu va kume swi nga enerisi ku titwisa ku tiphina hi vutomi swa xinkarhana ivi va dyuhala kutani va fa. Hikwalaho, ku ve ni maendlelo yo tala yo lehisa vutomi ematin’wini hinkwawo.

Enkarhini wa Yobo Vaegipta a va dya marhanga ya swiharhi, ku nga matshalatshala lama nga humelelangiki yo tlhelela evuntshweni bya vona. Xin’wana xa swikongomelo-nkulu swa ku hlanganisiwa ka tikhemikhali ka le malembeni ya le xikarhi a ku ri ku kuma murhi lowu nga endlaka leswaku vanhu va hanya nkarhi wo leha. Vanhu vo tala lava hlanganisaka tikhemikhali a va pfumela leswaku nsuku lowu nga riki wa xiviri wu ta endla leswaku vanhu va nga fi ni leswaku ku dyela endyelweni ya nsuku swi ta lehisa vutomi. Matao ya le Chayina ya khale a ma anakanya leswaku ma nga cinca fambiselo ra tikhemikhali ta miri hi ku tirhisa maendlelo yo tanihi ku anakanyisisa, vutiolori byo hefemula ni swakudya, ivi xisweswo wu nga fi.

Muvalangi wa Mupaniya, ku nga Juan Ponce de León u tiviwa hikwalaho ka ku tikarhatela ka yena ku lavisisa xihlovo xa ku tshama u ri muntshwa. Ebukwini ya yena leyi nge Hermippus Redivivus, dokodela wa lembe-xidzana ra vu-18 u ringanyete leswaku vanhwana lava ha riki vantshwa va vekiwa exiyindlwanini hi ximun’wana ivi moya lowu va wu hefemulaka wu nghenisiwa emabodlheleni wu tirhisiwa tanihi murhi lowu lehisaka vutomi. Kunene, ku hava ni rin’we ra maendlelo lawa leri humeleleke.

Sentinela 15/04/2015 p. 32 §§ 1-2

Xana Murhi Lowu Tsemiweke Wu Nga Tlhela Wu Hluka?

LOKO murhi wa mutlhwari lowu petsekeke wu ringanisiwa ni mukedari wo saseka wa le Lebanoni, wu nga ha vonaka wu nga tsakisi ngopfu. Kambe mirhi ya mitlhwari yi ni vuswikoti lebyi hlamarisaka byo ya emahlweni yi hanya ni le hansi ka swiyimo swo tika. Yin’wana yi ni malembe ya kwalomu ka 1 000 yi ri kona. Timitsu ta murhi wa mutlhwari ti nghena ti ya le hansi swinene ka misava, naswona murhi wolowo wu nga tlhela wu hanya hambiloko nsinya wa kona wu pandzeleriwile. Loko ntsena timitsu ta wona ta ha hanya, wu ta tlhela wu kula.

Wanuna wo tshembeka Yobo a a tiyiseka leswaku hambiloko o fa, u ta tlhela a hanya. (Yobo 14:13-15) U tirhise xifaniso xa murhi, kumbexana wa mutlhwari, ku kombisa leswaku Xikwembu xi ni vuswikoti byo n’wi pfuxa eku feni. Yobo u te: “Ni murhi wu ni ntshembo. Loko wu tsemiwa, wu ta hluka nakambe.” Loko mpfula yi na endzhaku ka ku va ni dyandza, xikundzu xa mutlhwari lowu omeke xi nga tlhela xi hluka naswona xi humesa “rhavi ku fana ni ximilana lexintshwa.”—Yobo 14:7-9.

Sentinela 01/03/2011 p. 22 § 5

‘Xa Swi Navela’

Marito ya Yobo ma hi dyondzisa leswaku Yehovha u ni ntwela-vusiwana, u ni vuxaka byo hlawuleka ni vanhu vo fana na Yobo, lava tivekaka emavokweni yakwe, va n’wi pfumelela leswaku a va vumba va va vanhu lava navelekaka eka yena. (Esaya 64:8) Yehovha u va teka va ri va risima vagandzeri vakwe vo tshembeka. Kutani lava feke, wa va “navela.” Xidyondzi xin’wana xi vule leswaku rito leri, leri hundzuluxeriweke ri suka eka Xiheveru i “rin’wana ra marito lama yi hlamuselaka kahle ndlela leyi munhu a wu navelaka ha yona nchumu wo karhi.” Yehovha a ngo va tsundzuka ntsena vagandzeri vakwe, kambe wa swi navela ku va pfuxa.

Tindzralama Ta Moya

Perspicaz Vol-1 p. 491-492

Cinzas

Cinzas serviam também de figura de linguagem para indicar algo insignificante ou sem valor, sendo que Abraão, por exemplo, admitiu perante Jeová: “Eu [sou] pó e cinzas.” (Gên 18:27; veja também Is 44:20; Jó 30:19.) E Jó comparou as declarações dos seus falsos consoladores a “provérbios de cinzas”. — Jó 13:12.

13-19 KA NOVHEMBRU

WUKOSI BYI NGA BIBELENI | JOB 15-17

“U Nga Yetiseli Xikombiso Xa Elifazi Loko U Ya Txhavelela Mhunu”

Sentinela 15/09/2005 p. 26 §§ 4-5

Lwisana Ni Mianakanyo Yo Biha!

Eka tinkulumo letinharhu hinkwato, Elifazi u kombise mianakanyo ya leswaku Xikwembu xi ni tihanyi swinene lerova xin’wana ni xin’wana lexi malandza ya xona ma xi endlaka a xi xi tsakisi. Elifazi u byele Yobo a ku: “Waswivo! A xi ri veki ripfumelo eka malandza ya xona, naswona xi vona swihoxo eka [tintsumi ta] xona.” (Yobo 4:18, nhlamuselo ya le hansi ya NW) Endzhakunyana Elifazi u vule leswi malunghana ni Xikwembu: “A xi na rona ripfumelo eka vakwetsimi va xona, entiyisweni matilo hi woxe a ma basanga ematihlweni ya xona.” (Yobo 15:15) Kutani u vutisile a ku: “Xana Lowa Matimba Hinkwawo wa tsaka hileswi u lulameke?” (Yobo 22:3) Bilidadi a a pfumelelana ni vonelo leri, hikuva u te: “Hambi wu ri n’weti wu kona, kambe a wu vangami; ni tinyeleti hi toxe a ti basanga ematihlweni ya [Xikwembu].”—Yobo 25:5.

Hi fanele hi tivonela leswaku hi nga kuceteriwi hi mianakanyo yo tano. Yi nga endla hi vona onge Xikwembu xi langutele swo tala eka hina. Mianakanyo leyi yi onha vuxaka bya hina na Yehovha. Ku engetela kwalaho, loko hi va ni mianakanyo yo tano, xana hi ta angula njhani loko hi nyikiwa ndzayo leyi faneleke? Ematshan’weni ya leswaku hi amukela ndzayo hi ku titsongahata, mbilu ya hina yi nga ha “karihela Yehovha,” naswona hi nga va ni xikhomela eka yena. (Swivuriso 19:3) Hakunene sweswo swi nga onha vuxaka bya hina na yena!

Sentinela 15/02/2015 p. 9 § 16

Tekelelani Xivindzi Ni Ku Twisisa Ka Yesu

Ndlela leyi hi titwaka ha yona ni langutelo ra hina. Ku twisisa ku hi pfuna ku lawula ndlela leyi hi titwaka ha yona loko hi tshikilelekile naswona ku hi pfuna ku “nonoka emhakeni ya vukarhi.” (Yakobo 1:19) Loko vanhu va hi khunguvanyisa, hi ringeta ku twisisa xivangelo lexi endleke va vulavula kumbe va endla swilo hi ndlela yoleyo. Loko hi endla tano swi ta hi olovela ku va rivalela ku ri ni ku va hlundzukela. (Swivuriso 19:11) Ku twisisa ku tlhela ku hi pfuna leswaku hi anakanyela van’wana. A hi langutelanga leswaku vamakwerhu va xinuna ni va xisati va endla swilo hi ndlela leyi hetisekeke. Ematshan’weni ya sweswo, ha swi tiva leswaku va nga ha va va ri ni swiphiqo leswi hi nga swi twisisiki hi ku helela. Hi tiyimiserile ku twa mavonelo ya vona. Naswona loko swi koteka, hi pfumelelana ni swiyimo, leswi vulaka leswaku a hi sindzisi leswaku swilo swi endliwa hi ndlela ya hina.—Vafilipiya 4:5.

Tindzralama Ta Moya

Sentinela 15/03/2006 p. 14 § 11

Tinhla-nkulu Ta Buku Ya Yobo

7:9, 10; 10:21; 16:22—Xana swiga leswi swi kombisa leswaku Yobo a a nga pfumeli leswaku vafi va ta pfuxiwa? Swiga leswi swi vulavula hi xiyimo lexi Yobo a a ta va eka xona ku nga ri khale. Kutani ke, a a vula yini? Swi nga ha endleka a a vula leswaku loko o fa, ku hava ni un’we wa vanhu va le nkarhini wa yena loyi a a ta n’wi vona. Hi ku ya hi swiga leswi, a a nga ta tlhelela endlwini ya yena kumbe ku tsundzukiwa ku kondza ku fika nkarhi lowu vekiweke hi Xikwembu. Swi nga ha endleka leswaku Yobo a a vula leswaku a nga kona loyi a nga humaka eSheol handle ko pfuniwa. Leswaku Yobo a a ri ni ntshembo wa ku pfuxiwa ka vafi ka le nkarhini lowu taka swi vonaka eka Yobo 14:13-15.

20-26 KA NOVHEMBRU

WUKOSI BYI NGA BIBELENI | YOB 18-19

“U Nga Txhuki U Fulazrela Vagandzreli Kuloni”

Xihondzro Xa KU Zrindzra 01/2022 p. 16 § 9

Tindondzro Leti Hi Nga Ti Kumaka Ka Ku Dzrila Ka Yesu

U nga tiyisa lava feliwiki. Yesu a nge dzrila ntsena na Marta na Mariya kambe a va yingelile loko va li kazri va khanela akuva a tlhela a kota ku va tiyisa. Hi nga yentxa leswi fanaka ka lava feliwiki. Dan, nkulu lweyi a tsrhamaka Austrália, a li: “Ntsrhaku ka loko nsati wanga a file, a ni djula mpfunu. Vamakwezru va kukazri ni vasati vavu va tinyikele wusiku ni nhlikanhi akuva va ni yingiseta. Va ni pfumelele kuva ni phofula ndlela leyi a ni titwa ha yone hi ku va va nga ni siveli kumbe ku ni hlundzrukela loko ni dzrila. Va tlhele va ni pfuna hi mintizro ya kukazri ya ku fana ni ku hlampswa movha, ku xava mintxhumu ni ku sweka loko ni nge na ntamu wa ku yentxa mintxhumu yoleyo. Va tlhele va khongota kun’we na mine. Va kombise leswaku i vanghanu va ntiyiso nakone ‘i vamakwezru a makhombyeni’.”—Pr 17:17.

Xihondzro Xa Ku Zrindzra 09/2021 p. 30 § 16

Loko Mhunu Lweyi U Mu Zrandzraka A Tsrhika Ku Tizrela Yehovha

Tama u seketela swizro swa ndangu swa mhunu lweyi a susiwiki. Swoswi va vilela mpfunu ni nseketelo waku ku tlula khale. (Hb 10:24, 25) Minkama yimbeni vamakwezru va tsrhika ku vulavula ni swizro swa ndangu wa mhunu lweyi a susiwiki. Xileswo, va titwa na ingi na vone ve susiwa a bandleni. U nga pfumeleli ku va leswo swi yentxaka! Ngopfungopfu vana lava nga ni vapswele lava susiwiki a bandleni, va vilela ngopfu ku kulungeliwa ni ku tiyisiwa. Maria, lweyi nuna wake a susiwiki a bandleni a tlhela a tsrukula muti, a li: “Vanghanu vanga va buye kaya va hi swekela va tlhela va hi pfuna ku fambisa wugandzreli bya ndangu. Va tibeki a mbangwini wanga va tlhela va dzrila na mine. Loko vambeni va sungule ku ni hehla, vone va ni yimelelile. Nakunene vone va ni tiyisile!”—Ro 12:13, 15.

Sentinela 01/09/1990 p. 22 § 20

Xana Wa Wu Endla Nhluvuko?

Huvo ya vakulu yi fanele ku xiya leswaku ku sula ku nga vanga ku karhateka eka khale ka mulanguteri, kumbe nandza wa vutirheli, hambi loko a tikombelerile ku tshika lunghelo. Loko a nga susiwanga, kambe vakulu va vona leswaku makwerhu u ni gome, va fanele ku n’wi nyika mpfuno wa moya wa rirhandzu. (1 Vatesalonika 5:14) Va fanele ku n’wi pfuna ku xiya leswaku wa laveka ebandlheni. Hambi loko ndzayo yi laveka, a swi nge teki nkarhi wo leha leswaku wanuna wo titsongahata ni la tlangelaka a kuma malunghelo ya ntirho lama engetelekeke ebandlheni nakambe.

Tindzralama Ta Moya

Sentinela 01/10/1994 p. 32

Matimba Ya Marito Lamanene

Hambi swi ri tano, loko Yobo hi yexe a lave xikhutazo, Elifasi ni vanakulobye a va vulanga marito lamanene. Va sole Yobo hikwalaho ka maxangu ya yena, va anakanya leswaku ku fanele ku ri ni xidyoho lexi a xi endleke exihundleni. (Yobo 4:8) The Interpreter’s Bible yi ri: “Leswi laviwaka hi Yobo i ntwela-vusiwana wa mbilu ya munhu. Leswi a swi kumaka i nongonoko wa swisandzu ni swisolo leswi ‘heleleke’ ni leswo saseka swa vukhongeri.” Yobo a a karhatekile swinene loko a twa marito ya Elifasi ni vanakulobye lerova u huwelele a ku: “Mi [ta] hlokohlisa moya wa mina, ni ku nḍi tikerisa hi marito ya ṅwina e ku yisa kwihi šana?”—Yobo 19:2.

Hi nga tshuki hi khomisa nandza-kulorhi wa Xikwembu gome hikwalaho ka marito ya hina ya vuhunguki, lama nga riki manene. (Ringanisa Deteronoma 24:15.) Xivuriso xa Bibele xa tsundzuxa: “Leswi u swi vulaka swi nga hlayisa vutomi kumbe swi byi herisa; kutani u fanele u amukela vuyelo bya marito ya wena.”—Swivuriso 18:21, TEV.

27KA NOVHEMBRU–3 KA DEZEMBRU

WUKOSI BYI NGA BIBELENI | YOB 20-21

“Wululami A Byi Ti Seketelanga Ka Ku Ganya”

Sentinela 01/08/2007 p. 29 § 12

Xana U ‘Fuwile Eka Xikwembu’?

Emaritweni ya Yesu, ku va la fuweke eka Xikwembu ku pimanisiwa ni ku va munhu a tihlengeletela rifuwo kumbe a ringeta ku antswisa vutomi bya yena ha rona. Xisweswo, Yesu a a vula leswaku a hi fanelanga hi karhateka ngopfu hi ku tihlengeletela rifuwo kumbe hi ku tiphina hi swilo leswi hi nga na swona. Kambe hi fanele hi tirhisa rifuwo ra hina leswaku hi antswisa kumbe hi aka vuxaka bya hina na Yehovha. Loko hi endla tano, a swi kanakanisi leswaku hi ta va lava fuweke eka Xikwembu. Ha yini? Hikuva swi hi pfulela tindlela to kuma mikateko yo tala eka xona. Bibele yi ri: “Nkateko wa Yehovha—hi wona lowu fuwisaka, naswona a nga engeteli ku vaviseka eka wona.”—Swivuriso 10:22.

Tindzralama Ta Moya

Sentinela 01/01/1995 p. 9 § 19

Ku Hlula Sathana Ni Mintirho Yakwe

Swa tsakisa ku xiya leswaku Yobo, nandza wa Xikwembu, u langutane ni ‘mianakanyo leyi hambukisaka’ leyi Sathana a yi tiseke ha Elifasi na Sofara. (Yobo 4:13-18; 20:2, 3) Xisweswo Yobo u langutane ni “ku v̌av̌iseka,” leswi vangeke leswaku a ‘vula marito ya vuhunguki’ malunghana ni “v̌ušungu” lebyi karhataka miehleketo yakwe. (Yobo 6:2-4; 30:15, 16) Elihu u yingisele Yobo khwatsi kutani a n’wi pfuna hi musa leswaku a vona langutelo ra Yehovha ra vutlharhi etimhakeni leti. Hi laha ku fanaka namuntlha, vakulu lava twisisaka va kombisa nkhathalelo eka lava xanisekaka hi ku ka va nga engeteli ‘ntshikilelo’ eka lavo tano. Kambe, ku kotisa Elihu, hi ku lehisa mbilu va va yingisa kutani va va tota mafurha ya Rito ra Xikwembu. (Yobo 33:1-3, 7; Yakobo 5:13-15) Xisweswo un’wana ni un’wana loyi mintlhaveko yakwe yi kavanyetiwaka hi mintshikilelo, ya xiviri kumbe leyi a yi anakanyaka, kumbe loyi a ‘chavisiwaka . . . hi milorho ni hi swivono’ ku fana na Yobo, a nga kuma nchavelelo wa Matsalwa evandlheni.—Yobo 7:14; Yakobo 4:7.

4-10 KA DEZEMBRU

WUKOSI BYI NGA BIBELENI | YOB 22-24

“Xana Mhunu A Nga Pfuna Ntxhumu Ka Xikwembu Nkulukumba?”

w05 9/15 27 ¶1-3

Lwisana Ni Mianakanyo Yo Biha!

Mianakanyo ya leswaku Xikwembu xi langutele swo tala yi fambisana swinene ni langutelo ra leswaku xi teka vanhu va nga pfuni nchumu. Nkulumo ya vunharhu ya Elifazi yi tamele xivutiso lexi nge: “Xana munhu la tiyeke emirini a nga pfuna yini eka Xikwembu, leswaku un’wana ni un’wana la nga ni ku twisisa a xi pfuna?” (Yobo 22:2) Elifazi a a vula leswaku munhu a nga pfuni nchumu eka Xikwembu. Hilaha ku fanaka, Bilidadi u te: “Xana munhu wa nyama a nga va la lulameke hi ndlela yihi emahlweni ka Xikwembu, kumbe, xana munhu la velekiweke hi wansati a nga basa hi ndlela yihi?” (Yobo 25:4) Hi ku ya hi langutelo rolero, xana Yobo, loyi o va munhu wa nyama, a a ta vurisa ku yini leswaku u lulamile emahlweni ka Xikwembu?

Vanhu van’wana namuntlha va karhatiwa hi mintlhaveko leyi nga riki yinene malunghana na vona vini. Swilo swo tanihi ndlela leyi va kurisiweke ha yona, ku langutana ni mintshikilelo ya vutomi, kumbe ku vengiwa hikwalaho ka rixaka kumbe tiko ku nga ha va ku hoxe xandla emhakeni leyi. Kambe Sathana ni madimona yakwe na vona va tsakela ku chavisa vanhu. Loko vo hlohlotela munhu leswaku a vona onge xin’wana ni xin’wana lexi a xi endlaka a xi nge xi tsakisi Xikwembu xa Matimba Hinkwawo, a nga hatla a heleriwa hi ntshembo. Hi ku famba ka nkarhi, munhu yoloye a nga ha khukhuleka hambi ku ri ku sukela Xikwembu lexi hanyaka.—Vaheveru 2:1; 3:12.

Ku dyuhala ni swiphiqo swa rihanyo swi nga ha endla hi tsandzeka ku endla swilo swin’wana. Ntirho lowu hi wu endlaka lowu fambisanaka ni Mfumo wu nga ha vonaka wu nga ri nchumu loko wu pimanisiwa ni leswi a hi swi endla loko ha ha ri vatsongo, hi hanye kahle naswona ha ha tiyile. Hakunene i swa nkoka ku tiva leswaku Sathana ni madimona yakwe va lava hi kholwa leswaku leswi hi swi endlaka a swi xi tsakisi Xikwembu! Hi fanele hi lwisana ni mianakanyo yo tano.

Sentinela 15/02/1995 p. 27 § 6

Dyondzo Ya Matlhantlhelo Ya Swiphiqo

Vanghana vanharhu va Yobo va ye emahlweni va n’wi heta matimba hi ku tirhisa mavonelo ya vona ematshan’weni yo tirhisa vutlharhi bya Xikwembu. Elifasi u kale a vula ni leswaku ‘Xikwembu a xi ma tshembi malandza ya xona’ naswona a ku nga ri mhaka ya nkoka eka Yehovha hambi loko Yobo a lulamile kumbe a nga lulamanga. (Yobo 4:18; 22:2, 3) Swa nonon’hwa ku anakanya hi marito lama hetaka matimba—kumbe lama nga riki ya ntiyiso—ku tlula lawa! A swi hlamarisi, leswi endzhakunyana Yehovha a tshinyeke Elifasi ni vanakulobye va yena hikwalaho ka ndzhukano lowu. U te: “A mi v̌ulanga ŝa mina ŝinene.” (Yobo 42:7) Kambe nchumu lowu vavisaka swinene a wa ha ta ta.

Sentinela 15/04/2003 pp. 14-15 §§ 10-12

Vantshwa Lava Tsakisaka Mbilu Ya Yehovha

Hilaha rungula ra Bibele ri swi kombisaka hakona, Sathana a nga tlhontlhanga ku tshembeka ka Yobo ntsena kambe ni ku tshembeka ka vanhu hinkwavo lava tirhelaka Xikwembu—ku katsa na wena. Entiyisweni, loko a vulavula hi vanhu, Sathana u byele Yehovha a ku: “Hinkwaswo leswi munhu a nga na swona u ta swi humesa leswaku a ponisa moya-xiviri wakwe.” (Yobo 2:4) Xana wa swi vona leswi u faneleke u swi endla emhakeni leyi ya nkoka? Hilaha swi tsariweke hakona eka Swivuriso 27:11, Yehovha u vula leswaku ku na nchumu wo karhi lowu u nga n’wi nyikaka wona—ku nga nhlamulo yo hlamula mutlhontlhi wakwe, Sathana. Anakanya hi mhaka leyi—Hosi ya Vuako Hinkwabyo ya ku rhamba leswaku u hlanganyela eku tlhantlheni ka mphikamakaneta leyikulu ku tlula hinkwato. Wa nga vona vutihlamuleri ni lunghelo leri u nga na rona! Xana u nga endla leswi Yehovha a ku kombelaka ku swi endla? Yobo u swi endlile. (Yobo 2:9, 10) Yesu u swi endlile sweswo swin’we ni vanhu van’wana va ntsandza-vahlayi, ematin’wini hinkwawo, ku katsa ni vantshwa vo tala. (Vafilipiya 2:8; Nhlavutelo 6:9) Na wena u nga swi kota ku swi endla. Kambe, u nga tixisi, u fanele u seketela tlhelo ro karhi. Hi swiendlo swa wena, u ta kombisa leswaku u seketela Sathana kumbe Yehovha. Xana u ta seketela mani?

Yehovha Wa Khathala Hi Wena!

Xana Yehovha u ni mhaka leswaku u hlawula yini? Xana a va talanga vanhu lava n’wi seketeleke leswaku a kota ku hlamula Sathana? I ntiyiso, Diyavulosi u vule leswaku a nga kona munhu loyi a tirhelaka Yehovha hi ku n’wi rhandza, ku nga xihehlo lexi se xi tikombeke leswaku a hi ntiyiso. Hambiswiritano, Yehovha u lava leswaku u seketela yena emhakeni leyi ya vuhosi hikuva wa khathala hi wena. Yesu u te: “Tata wa mina la nge tilweni a nga naveli leswaku un’wana wa lava lavatsongo a lova.”—Matewu 18:14.

Hakunene, Yehovha wa khathala hi xiboho lexi u xi endlaka. Xa nkoka swinene, xiboho xexo xi khumba ndlela leyi a titwaka ha yona. Bibele yi swi veka erivaleni leswaku Yehovha wa khumbeka swinene hi swiendlo leswi vanhu va swi endlaka, leswinene kumbe swo biha. Hi xikombiso, loko Vaisrayele va xandzuka hi ku phindha-phindha, Yehovha a a twa ku “vava.” (Pisalema 78:40, 41) Emahlweni ka Ndhambi ya le sikwini ra Nowa, loko “vubihi bya munhu byi andzile,” Yehovha u ‘vavisekile embilwini yakwe.’ (Genesa 6:5, 6) Wa swi vona leswaku leyi a hi mhaka ya matlangwana. Loko u hlawula ndlela leyi hoxeke, u ta twisa Muvumbi wa wena ku vava. Leswi a swi vuli swona leswaku Xikwembu xi tsanile kumbe xi hluriwa hi mintlhaveko. Ematshan’weni ya sweswo, xa ku rhandza naswona xa khathala hi vuhlayiseki bya wena. Hi hala tlhelo, loko u endla leswinene, Yehovha wa tsaka. A nga tsakisiwi ntsena hileswi a nga na nhlamulo yin’wana yo nyika Sathana kambe ni hileswi se a nga vaka Muhakeri wa wena. Naswona sweswo hileswi a lavaka ku va swona. (Vaheveru 11:6) Yehovha Xikwembu i Tatana la ku rhandzaka hakunene!

Tindzralama Ta Moya

Sentinela 15/07/2004 pp. 21-22

Tivekele Tipakani Ta Moya Leswaku U Dzunisa Muvumbi Wa Wena

Xiya leswaku Yehovha u swi kote njhani ku heta ku endla vuako. Hi marito lama nge, “hiloko ku va madyambu, ku va mixo,” Yehovha u funghe minkarhi ya ku tumbuluxa hi ku tlhandlamana ka yona. (Genesa 1:5, 8, 13, 19, 23, 31) Eku sunguleni ka nguva yin’wana ni yin’wana ya ku tumbuluxa, a a swi tiva leswi a lavaka ku swi endla hi siku rero. Kutani Xikwembu xi hetisise xikongomelo xa xona xo tumbuluxa swilo. (Nhlavutelo 4:11) Kokwa wa hina Yobo u te: “Moya-xiviri wa [Yehovha] wa navela, [u] ta swi endla.” (Yobo 23:13) Handle ko kanakana Yehovha a a tsakile loko a vona “hinkwaswo leswi [a] swi endleke” kutani a vula leswaku i “swinene ngopfu”!—Genesa 1:31.

Leswaku hi kota ku fikelela tipakani ta hina, na hina hi fanele hi swi navela swinene ku ti fikelela. I yini lexi nga ta hi pfuna leswaku hi va ni ku tiyimisela ko tano? Hambiloko misava yi nga si va na xivumbeko naswona yi nga ri na nchumu, Yehovha u swi kotile ku vona leswi yi nga ta hetelela yi ri xiswona—ndzalama yo xonga evuakweni, leyi n’wi kwetsimisaka ni ku n’wi dzunisa. Hilaha ku fanaka, ku navela ka hina ku hetisisa leswi hi lavaka ku swi endla ku nga hlakuleriwa hi ku anakanyisisa hi vuyelo bya ku fikelela pakani ya kona. Leswi hi leswi Tony wa malembe ya 19 hi vukhale a swi voneke. A nga yi rivalanga ndlela leyi a titweke ha yona ro sungula loko a endzele rhavi ra Timbhoni ta Yehovha le Yuropa Vupela-dyambu. Ku sukela hi nkarhi wolowo, Tony a a tshama a ri karhi a tivutisa a ku, ‘Xana swi nga va njhani ku tshama ni ku tirha endhawini yo fana ni leyi?’ Tony a nga tshikanga ku ehleketa hi mhaka leyi, naswona u ye emahlweni a endla matshalatshala ya leswaku a fanelekela ku ya tirha kona. A a tsakile swinene loko endzhaku ka malembe yo hlayanyana, xikombelo xakwe xa ku ya tirha erhavini xi amukeriwa!

11-17 KA DEZEMBRU

WUKOSI BYI NGA BIBELENI | YOB 25-27

“A Swi Vileli Kuva Lava Hetisekiki Akuva Hi Dumbeka”

Perispicaz Vol-1 p. 1235

Integridade

Jó. Jó, que evidentemente viveu no período entre a morte de José e os dias de Moisés, é descrito como homem que “mostrava ser inculpe [hebr: tam] e reto, e [que] temia a Deus e desviava-se do mal”. (Jó 1:1; veja JÓ.) Que a integridade humana faz parte da questão entre Jeová Deus e Satanás é óbvio do fato de Deus ter interrogado seu Adversário a respeito de Jó quando Satanás apareceu durante uma assembleia angélica nas cortes do céu. Satanás atribuiu falsa motivação à adoração de Jó a Deus, alegando que Jó não servia por pura devoção, mas sim por benefícios egoístas. Deste modo, ele pôs em questão a integridade de Jó a Deus. Com permissão de despojar Jó de seus vastos bens e até mesmo de seus filhos, Satanás fracassou em quebrar a integridade de Jó. (Jó 1:6–2:3) Ele então afirmou que Jó dispunha-se egoistamente a suportar a perda de bens e de filhos enquanto pudesse salvar a sua própria pele. (Jó 2:4, 5) Depois disso, atacado por uma dolorosa e consumidora doença, e submetido à tentativa de dissuasão por parte de sua própria esposa, bem como à desdenhosa crítica e censura de companheiros que deturpavam as normas e os propósitos de Deus (Jó 2:6-13; 22:1, 5-11), a reação de Jó foi que ele não negaria ter sido um homem de integridade. “Até eu expirar não removerei de mim a minha integridade! Agarrarei a minha justeza e não a largarei; meu coração não escarnecerá de mim por qualquer dos meus dias.” (Jó 27:5, 6) Ter ele mantido a integridade demonstrou que o Adversário de Deus era mentiroso.

Xihondzro Xa Ku Zrindzra 02/2019 p. 3 §§ 3-5

Hlayisa Wudumbeki Byaku!

Loko dzri tizriseliwa ku khanela hi hine swanga vatizreli va Xikwembu Nkulukumba, zritu wudumbeki dzri tlhamuxela leswaku hi zrandzra Yehovha hi mbilu hinkwayu nakone hi namazrela ka yene swanga Mhunu. Xileswo, hi zrangisa ku zrandzra ka Yehovha ka swiboho hinkwaswu leswi hi swi yentxaka. Vonanyana matizrela ya zritu ledzri a Bibeleni. Zritu “wudumbeki” dzri ni ntlhamuxelo lowu: lexi heleliki, lexi hetisekiki kumbe lexi nga kiyeleliwiki ha ntxhumu. Hi xikombiso, leswi va-Israyele a va nyika Yehovha switlhavelo swa swihazri, Nawu a wu ku swihazri swoleswo a swi fanele ku va leswi hetisekiki. (Lv 22:21, 22) Vhanu va Xikwembu Nkulukumba a va nga pfumeleliwi ku nyikela xihazri xa ku khuta, xa ndleve yin’we kumbe xa ku fa tihlo; nakone a va nga fanelanga ku nyikela xihazri xa ku vabya. Yehovha a a djula leswaku xihazri xi va lexi heleliki, xi hetisekiki kumbe xi nga kiyeleliwi ha ntxhumu. (Mlk 1:6-9) Hi nga swi twisisa leswaku ha yini Yehovha a djula mintxhumu leya ku hetiseka kumbe leyi heleliki. Loko hi xava ntxhumu wa ku fana ni handzru, buku kumbe xitizro, hi wu djula na wu helelile, wu hetisekile kumbe wu nga kiyeleliwi ha ntxhumu. A hi nge xavi handzru wa ku bola, buku dzra ku handzruka kumbe xitizro xa ku kiyeleliwa hi mapesa. Yehovha a titwisa xiswoswo hi lizrandzru ledzri hi mu kombaka dzrone, kumbe ku dumbeka kwezru. Ku djuleka dzri va ledzri heleliki, ledzri hetisekiki kumbe dzri nga kiyeleliwi ha ntxhumu.

Swi li hi byeliwa leswaku ku djuleka hi va lava hetisekiki akuva hi ta kota ku dumbeka? Phela, swi nga yentxeka hi tivona na hi li kule ni ku hetiseka kumbe na hi li lava taliki hi swihoxo. Yanakanya hi swivangelo swibidzri leswi hi yentxaka hi nga faneli ku txhava. Xa ku sungula, Yehovha a nga tsrhami hi ku langusa swihoxo swezru. Zritu dzrakwe dzri li: ‘Loko wene, Yahi, u tsrotsra wusomboloki, i mani, we Hosi, lwa taka yima xana?’ (Ps 130:3) Awa swi tiva leswaku hi vhanu va ku kala ku hetiseka ni leswaku ha doha, xileswo a hi dzrivalela a nga pimeli. (Ps 86:5) Xa wubidzri, Yehovha awa ku tiva lomu hi gamelaka kone, nakone a nga laviseli swa ku tlula leswi hi nga swi kotaka. (Dondzra Amapsalma 103:12-14.) Kutani ke, hi nga swi kotisa kuyini ku va lava heleliki, lava hetisekiki, kumbe lava nga kiyeleliwikiki ha ntxhumu mahlweni kwakwe?

Lexi pfunaka malandzra ya Yehovha ku kombisa wudumbeki i lizrandzru. Lizrandzru dzrezru ha Xikwembu Nkulukumba, ku tinyiketela kwezru ka minkama hinkwayu swanga Tatana wezru wa le tilweni, ku fanela ku tsrhama na ku helelile, ku hetisekile kumbe ku nga kiyeleliwi ha ntxhumu. Hi kombisa wudumbeki loko lizrandzru dzrezru dzri tsrhama na dzri li xitanu, nambi loko hi dzringiwa. (1Mk 28:9; Mt 22:37) Tlhela u yanakanya hi Timboni letiya tizrazru leti tlhamuxeliwiki a ku sunguleni ka xidondzro lexi. Ha yini ti hanyisa xileswo? Xana a xin’hwanyatana lexiya xo swi nyenya ku tlanga a xikole, kumbe djaha ledzriya dzro zrandzra ku famba dzri danisiwa makaya ka vhanu, kumbe mulumuzana lwiya o djula ku pswheliwa hi pawu? Nikutsrongo. Ku hambana ni swoswo, va swi tiva leswaku Yehovha a ni milawu ya ku lulama, nakone mimpimiso yavu yo va byela ku yentxa leswi nyonxisaka Tatana wavu wa le tilweni. Lizrandzru ledzri va nga nadzru ha Yehovha dzri va susumetela ku mu zrangisa ka swiboho leswi va swi yentxaka. Hi ndlela leyo va kombisa wudumbeki byavu hi mintizro.

Tindzralama Ta Moya

Sentinela 11/2016 p. 9 § 3

Ndlela Leyi Nhlengeletano Ya Xikwembu Yi Hleriweke Ha Yona

Ntumbuluko wu kombisa leswaku Yehovha i Xikwembu lexi hlelekeke. Bibele yi ri: “Yehovha u simeke misava hi vutlhari. U simeke matilo ma tiya hi ku twisisa.” (Swiv. 3:19) Hi tiva ntsena “swiphemunyana swa tindlela ta [Xikwembu,]” ni “mhaka leyi hleveteriwaka malunghana na xona.” (Yobo 26:14) Hambileswi hi nga ni vutivi byitsongo hi tipulanete, tinyeleti ni swirimelo kambe hi kota ku xiya leswaku swilo leswi hinkwaswo swi hleriwe hi ndlela yo hlamarisa. (Ps. 8:3, 4) Swirimelo swi ni tinyeleti ta timiliyoni leti hinkwato ka tona ti rhendzelekaka hi ndlela leyi hlelekeke. Ku fana ni timovha to tala leti landzelaka milawu ya le magondzweni, tipulanete leti nga kusuhi ni dyambu ti rhendzeleka hi rona hi ndlela leyi hlelekeke, hi ku landzela milawu ya ntumbuluko. Handle ko kanakana, vumbhoni lebyi nga kona eka ntumbuluko byi hi pfuna ku vona leswaku Yehovha loyi ‘a endleke matilo hi ku twisisa kumbe vutlhari’ ni misava u faneleriwa hi ku dzunisiwa, ku tshembeka eka yena ni ku n’wi gandzela.—Ps. 136:1, 5-9.

18-24 KA DEZEMBRU

WUKOSI BYI NGA BIBELENI | YOB 28-29

“Xana U Ni Ndhuma Yinene Ku Fana Na Yobe?”

Sentinela 15/05/2002 p. 22 § 19

Kombisa Musa Wa Rirhandzu Eka Lava Wu Pfumalaka

Timhaka ta le Bibeleni leti hi buleke ha tona ti tlhela ti kandziyisa mhaka ya nkoka ya leswaku musa wa rirhandzu wu fanele wu kombisiwa eka lava va nga ni xilaveko lexi va nga ta ka va nga xi hetisisi va ri voxe. Leswaku a kota ku kurisa rixaka ra yena, a ku laveka leswaku Bethuwele a tirhisana na Abrahama. Leswaku ntsumbu wa Yakobe wu yisiwa eKanana, a a fanele a pfuniwa hi Yosefa. Leswaku Nawomi a kuma mudyandzhaka, a a fanele a pfuniwa hi Rhuti. Abrahama, Yakobe, kumbe Nawomi a va nga ta swi kota ku humelela loko a va nga pfuniwanga. Hilaha ku fanaka, namuntlha musa wa rirhandzu wu fanele wu kombisiwa ngopfu-ngopfu eka lava wu pfumalaka. (Swivuriso 19:17) Hi fanele hi tekelela kokwa wa hina Yobo, loyi a khathaleke hi “la xanisekaka, la kombelaka ku pfuniwa, ni n’wana la nga riki na tatana ni hinkwavo lava a va nga ri na mupfuni” kun’we ni “loyi a nga ekusuhi ni ku lova.” Nakambe Yobo ‘u tsakise mbilu ya noni’ a tlhela ‘a va mahlo ya la feke mahlo ni milenge ya la khutaka.’—Yobo 29:12-15.

Perspicaz Vol-2 p. 291 § 19

Vestimenta

Fazem-se muitas outras referências simbólicas à roupa. Assim como um uniforme ou traje especial identifica a pessoa como pertencente a certa organização ou como apoiando certo movimento, assim a roupa, conforme usada simbolicamente na Bíblia, mostra a identificação da pessoa pela posição que adota e pelas suas atividades em harmonia com ela, como no caso da ilustração de Jesus a respeito da roupa de casamento. (Mt 22:11, 12; veja COBERTURA PARA A CABEÇA; SANDÁLIA.) Em Revelação (Apocalipse) 16:14, 15, o Senhor Jesus Cristo avisa contra o adormecimento espiritual e ser despojado da identidade como testemunha fiel do Deus verdadeiro. Isto poderia ser desastroso nas vésperas da “guerra do grande dia de Deus, o Todo-Poderoso”.

Sentinela 01/02/2009 p. 15 §§ 3-4

Vito Ra Wena Ri Vula Yini?

A hi tihlawulelanga vito leri hi thyiweke rona loko hi velekiwa. Hambiswiritano, hi hina hi tihlawulelaka leswaku hi lava ku tiendlela vito ra njhani. (Swivuriso 20:11) Tivutise: ‘Loko Yesu kumbe vaapostola vakwe a va ha ri kona laha misaveni, hi rihi vito leri a va ta ku thya rona? Hi rihi vito leri faneleke leri a ndzi ta thyiwa rona leri a ri ta hlamusela kahle mfanelo ya mina leyikulu kumbe leswi ndzi tiviwaka ha swona?’

Xivutiso lexi xi lava leswaku hi anakanyisisa ha xona swinene. Ha yini? Hosi yo tlhariha Solomoni u tsale a ku: “Ku fanele ku hlawuriwa vito ematshan’weni ya rifuwo ro tala.” (Swivuriso 22:1) Hakunene loko hi va ni vito lerinene kumbe ndhuma leyinene emugangeni wa ka hina hi ni nchumu wa nkoka. Kambe xa nkoka swinene, loko hi tiendlela vito lerinene ni Xikwembu hi ta kuma rifuwo leri nga heriki. Hi ndlela yihi? Xikwembu xi tshembisa leswaku xi ta tsala eka “buku ya xitsundzuxo” mavito ya vanhu lava xi chavaka naswona xi ta va nyika vutomi lebyi nga heriki.—Malakiya 3:16; Nhlavutelo 3:5; 20:12-15.

Tindzralama Ta Moya

Xalamuka! 08/07/2000 p. 11 § 3

Ku N’wayitela—Swi Nga Ku Pfuna!

Xana ku n’wayitela i ka nkoka? Xana wa ha tsundzuka loko ku n’wayitela ka munhu wo karhi ku ku endla u ku hefu, kumbe ku ku endla u titwa u ntshunxekile? Kumbe, loko ku pfumaleka ka ku n’wayitela ku ku khomise rhumbu kumbe ku ku endla u titwa u nga amukelekanga? Ina, ku n’wayitela ku tisa ku cinca ko karhi. Ku khumba loyi a n’wayitelaka ni loyi a n’wayiteleriwaka. Yobo, munhu wa le Bibeleni u vule marito lawa malunghana ni valala vakwe: “A ndzi va n’wayitelela—va nga kholwi—naswona a va nga ku susi ku vonakala ka xikandza xa mina.” (Yobo 29:24) Swi nga ha endleka leswaku “ku vonakala” ka xikandza xa Yobo a ku kombetela eka ntshembo kumbe ku tsaka.

25-31 Ka Dezembru

WUKOSI BYI NGA BIBELENI | JOB 30-31

“Xana Yobe A Tame A Va Lweyi A Basiki Hi Ndlela Yini?”

Sentinela 15/04/2010 p. 21 § 8

U Nga Languti Swilo Leswi Nga Pfuniki Nchumu!

Ku navela ka mahlo ni ka nyama ku nga tlhela ku khumba Vakreste va ntiyiso. Hikwalaho, Rito ra Xikwembu ri hi khutaza ku tikhoma loko swi ta emhakeni ya leswi hi swi langutaka ni leswi hi swi navelaka. (1Kor. 9:25, 27; hlaya 1 Yohane 2:15-17.) Wanuna wo lulama Yobo a a ri un’wana wa vanhu lava xiyeke vuxaka lebyikulu lebyi nga kona exikarhi ka ku vona ni ku navela. U te: “Ndzi endle ntwanano ni mahlo ya mina. Xana ndzi nga n’wi langutisisa ku yini nhwana?” (Yobo 31:1) Yobo a a nga swi lavi ku khumba wansati hi ndlela leyi thyakeke naswona a a nga ta yi pfumelela mianakanyo ya yena leswaku yi anakanya hi mhaka yo tano. Yesu u kandziyise leswaku mianakanyo a yi fanelanga yi anakanya swilo leswi thyakeke loko a te: “Un’wana ni un’wana la tshamelaka ku languta wansati lerova a n’wi navela, ana se u endle vuoswi na yena embilwini yakwe.”—Mat. 5:28.

Sentinela 01/09/2008 p. 11 § 4

Ehleketisisa Hi Vuyelo Bya Swiendlo Swa Wena

Loko u nga si endla xiendlo xo tano lexi nga ni khombo, tivutise, ‘Xana ku endla sweswo swi ta va ni vuyelo byihi?’ Ku tinyika nkarhi wo anakanyisisa hi vuyelo lebyi nga vaka kona swi nga ha endla leswaku u papalata ndlela leyi nga ni khombo lerikulu. Lava hlawuleke ku honisa swilemukiso swa Xikwembu va khomiwa hi vuvabyi bya AIDS ni byin’wana lebyi tlulelaka hi tlhelo ra rimbewu, va tika va ha ri vatsongo, va susa makhwiri, vukati bya vona bya hohloka naswona va kingindziwa hi ripfalo. Vuyelo byo hetelela lebyi nga ta kumiwa hi lava tikhomaka hi ndlela yo biha byi vuriwe hi ku kongoma hi muapostola Pawulo. “Va nga ka va nga yi dyi ndzhaka ya mfumo wa Xikwembu.”—1 Vakorinto 6:9, 10.

Sentinela 15/11/2010 pp. 5-6 §§ 15-16

Vantshwa—Kongomisiwani Hi Rito Ra Xikwembu

Hi rini laha u anakanyaka leswaku ku tshembeka ka wena eka Xikwembu ku nga ringiwa ngopfu—loko u ri ni van’wana kumbe loko u ri wexe? Loko u ri exikolweni kumbe entirhweni, u tshama u xalamukele nchumu wun’wana ni wun’wana lowu nga onhaka vuxaka bya wena ni Xikwembu. Loko u tiwiserile naswona u nga xalamukelanga nchumu, swa olova leswaku milawu ya wena ya mahanyelo yi ringiwa.

Ha yini u fanele u lava ku yingisa Yehovha hambiloko u ri wexe? Tsundzuka leswi: U nga swi kota ku twisa Yehovha ku vava kumbe u tsakisa mbilu yakwe. (Gen. 6:5, 6; Swiv. 27:11) Swiendlo swa wena swa n’wi khumba Yehovha hikuva ‘wa khathala ha wena.’ (1 Pet. 5:7) U lava leswaku u n’wi yingisa leswaku u ta vuyeriwa. (Esa. 48:17, 18) Loko malandza man’wana ya Yehovha ya le Israyele wa khale ma honise ndzayo yakwe, ma n’wi twise ku vava. (Ps. 78:40, 41) Hi hala tlhelo, Yehovha a a n’wi rhandza swinene muprofeta Daniyele hikuva ntsumi yi vule leswaku i “munhu la navelekaka.” (Dan. 10:11) Ha yini? Daniyele u tshame a tshembekile eka Xikwembu ku nga ri loko a ri exikarhi ka vanhu ntsena kambe ni loko a ri yexe.—Hlaya Daniyele 6:10.

Tindzralama Ta Moya

Sentinela 15/11/2005 p. 11 § 3

Vuswikoti Byo Yingisela Hi Ndlela Ya Rirhandzu

Vanghana va Yobo va twe tinkulumo ta yena ta kwalomu ka khume. Nilokoswiritano, Yobo u te: “Onge loko a ndzi kume munhu la ndzi yingisaka!” (Yobo 31:35) Ha yini? Hikuva ndlela leyi a va yingisela hi yona a yi nga chaveleli. A va nga khathali hi Yobo naswona a va nga lavi ku twisisa ndlela leyi a titwaka ha yona. Entiyisweni a va nga ri na ntwela-vusiwana lowu kombisiwaka hi muyingiseri la twisisaka. Kambe muapostola Petro wa tsundzuxa: “Hinkwenu ka n’wina vanani ni mianakanyo leyi fanaka, mi kombisa ntlhaveko wa xinakulobye, mi va ni xinakulobye xa vumakwerhu, mi va ni ntsetselelo lowukulu, mi titsongahata emianakanyweni.” (1 Petro 3:8) Hi nga wu kombisa njhani ntlhaveko wa xinakulobye? Ndlela yin’wana i ku khathala hi ndlela leyi munhu un’wana a titwaka ha yona ni ku ringeta ku yi twisisa. Ndlela yin’wana yo kombisa leswaku ha khathala i ku vula marito yo kombisa ntwela-vusiwana yo tanihi lama nge “sweswo a swi hlundzukisa” kumbe “u vone u nga twisisiwanga kahle.” Ndlela yin’wanyana i ku vula leswi vuriwaka hi munhu loyi hi marito ya hina, xisweswo hi kombisa leswaku ha swi twisisa leswi a swi vuleke. Ku yingisela hi rirhandzu swi vula ku nyikela nyingiso eka marito ni le ka ndlela leyi munhu a titwaka hi yona leyi tumbeleke.