Ndlela Ya Ku Dondzra

Kuma Tindzralama Ta Moya Mayelana Na Yehovha

Loko hi dondzra Bibele, hi tizrisa switizrisiwa swinyingi swa ku hamba wusetxhi akuva hi twisisa leswi hi swi dondzraka. Kambe a hi djuli ku yengetela wutivi byezru mayelana ni Bibele ntsena, hi djula ku tlhela hi kuma tindzralama ta moya mayelanu ni matsrhamela ya Yehovha lawa ma taka yengetela lizrandzru dzrezru ha yene. Akuva hi kota ku yentxa leswo, hi nga ha tivutisa leswi: ‘Leswi ni swi dondzriki lani swini dondzrisa yini mayelanu na Yehovha?’

Hi xikombiso, u nga ha djuletela wumboni bya leswaku Yehovha a ni matsrhamela ya ku fana ni lizrandzru, wutlhazri, wululami, ni ntamu. Kambe a tlhela a va ni matsrhamela man’wana ya ku tlula ni lawo. Nakone man’wana ya wone ma hi yentxa hi tala hi ku hlamala. Xana u nga byi kuma kwini wudzrunguli lebyi yengetelekiki mayelana ni matsrhamela lawo?

Ka Índice das Publicações da Torre de Vigia u nga kuma nxaxamelo lowu nga ni 50 wa matsrhamela ya Yehovha, ma kumeka ka mhaka leyi liki “Jeová” a hansi ka xinhlokwanamhaka lexi liki “Lista de qualidades”. Nxaxamelo lowu u nga tlhela u wu kuma ka Guia de Pesquisa para Testemunhas de Jeová, u ya lani ku liki assuntos “Jeová Deus” a hansi ka xinhlokwanamhaka lexi liki “As qualidades de Jeová”.