Ndlela Ya Ku Tizrisa Pajina Dzrezru

Ku Sungula Hi Leswi Nga Swa Lisima

Hinkwezru hi ni nkama lowu hikiwiki akuva hi hamba dondzro ya ximhunu. Hi nga wu londzrovota hi ndlela yini nkama lowo? Ku sungula, tibekeli nkama waku. U ta susa londzrovoto swinene loko u dondzra hakatsrongokatsrongo ku tlula loko u dondzra swinyingi hi nkama wun’we.

Kutani hlela leswi u taka sungula ku dondzra ha swone. (Ef 5:15, 16) Vona swidzringanyeto leswi landzrelaka:

• Dondzra Bibele siku ni siku. (Ps 1:2) U nga sungula hi ku tizrisa xiyimiso xa ku dondzra ka Bibele lexi nga ka Xibukwana Xa Ntlhanganu Wa—Wutomi Ni Wutizreli Byezru.

• Lulamisela dondzro ya Xihondzro Xa Ku Zrindzra ni ntlhanganu wa xikazri ka vhiki. Zama ku tilulamisela ha hombe akuva u hlamula.—Ps 22:22.

• Tinyiki nkama wa ku vona swakuda swa moya, hi xikombiso marevhixta ya vhanu hinkwavu, mavhidiyu ni tinhlokomhaka leti kumekaka ka pajina dzra jw.org

• Tihambeli xiyimiso xa ku dondzra. U nga hamba wusetxhi mayelanu ni xikazratu lexi u kumanaka na xone, xivutiso lexi u nga ha vaka na xone kumbe mhaka yin’wana ni yin’wana ya le Bibeleni leyi u navelaka ku yi twisisa ha hombe. Akuva u kuma leswi yengetelekiki vona xiyenge lexi liki “Exercícios Biblícos” ka jw.org.