Hi Vilela Misava Ya Ku Yampswa!

“Hi hanya ka misava leyi nga ni swikazratu.” Leswi hi leswi hlayiwiki hi António Guterres, muzrangeli wa Ntlhanganu wa Matiko. Xana a wu pfumelelani na yene ke?

A matelevhizawu, maradu ni majornali swi tale hi madzrungula ya ku biha:

Mavabyi ni mintungu
Timhangu ta ntumbuluku
Wusiwana ni ndlala
Ku ntxhimisiwa ka misava ni ku yengeteleka ka mumu
Wugevenga, tihanyi ni wukanganyisi
Tiyimpi

Swi le livaleni leswaku hi vilela a misava ya ku yampswa, leyi ka yone vhanu hinkwavu:

Va hanyaka na va nga na mavabyi
Va sizrelelekiki va tlhela va hlayiseka
Va nga ni swakuda swinyingi
Va hanyaka a mbangwini lowu basiki ni lowu hlayisekiki
Va yentxeliwaka leswinene
Va nga ni ku zrula a misaveni hinkwayu

Kambe, xana hi djula ku hlaya yini loko hi vulavula hi misava leya ku yampswa?

I yini leswi taka yentxeka hi misava leyi?

Hi nga yentxa yini akuva hi hanya ka misava ya ku yampswa?

Ka revhixta ledzri dzra Xihondzro Xa Ku Zrindzra u ta kuma tinhlamulo leti txhavelelaka ta swivutiso leswi ni swin’wana, leti kumekaka a Bibeleni.