Mfambu

Ku kombisa ntwela wusiwana ka hinkwavu

Siku dzrin’wana, makwezru wa xisati wa Nova Zelândia a hlalele vhidiyu ledzri liki “Cuidem uns dos Outros”, ka site dzra jw.org, vhidiyu ledzri dzri tlhamuxela leswaku Yehovha a nga kombisi ntwela wusiwana ntsena, kambe a yentxa xa kukazri akuva a pfuna vhanu. (Eza. 63:7-9) Ntsrhaku ka leswo, makwezru lweyo a teke xiboho xa ku tizrisa leswi a swi dondzriki ni ku djuletela mukhandlu wa ku kombisa ntwela wusiwana ka mhunu mumbeni. Loko a ye bazara ntsraku ka nkamanyana, a kume wansati lweyi a hanyaka xitaratwini kutani a mu xavela swakuda, nakone wansati lweyo a pfumelile. Makwezru lweyo a londzrovote nkama lowu a mu hananaka swakuda akuva a mu zrezrela hi ku tizrisa xipapelana lexi liki Xana Ku Xaniseka Ku Ta Hela Siku Dzrin’wana?

Kutani, wansati lweyo a sungule ku dzrila, a va a tlhamuxela leswaku a wundliwe ndangwini lowu va nga Timboni ta Yehovha, kambe a ku khalute malembe manyingi na a tsrhike ntiyiso. Kambe, a ha ku gama ku khongota a kombela Yehovha leswaku a mu pfuna kuva a tlhelela kwake. Kutani makwezru a mu nyike Bibele, va va va bekisa siku ledzri a va ta sungula xidondzro ha dzrone.a

Na hine, hi nga mu yetisela Yehovha hi ku kombisa ntwela wusiwa ka hinkwavu, ku patsra ni maxaka yezru ni vamakwezru bandleni. Nakone hi nga djuletela mikhandlu ya ku kombisa ntwela wusiwana hi ku bula ni vhanu hi Yehovha.