Lava Djulaka Ku Nyonxisa Yehovha Va Teka Swiboho Swa Wutlhazri

Dondzra Genesis 25:29-34 akuva u dondzra leswaku Esawu na Yakobe va teke swiboho swa wutlhazri kumbe im-him.

Handzrisisa swinene hi mhaka leyi. Ku yentxeke yini mahlweni? (Gen. 25:20-28) Ku yentxeke yini ntsrhaku?—Gen. 27:1-46.

Handzrisisa wutsrhokotsrhoko. A masikwini lawo, xana a mativula a a fanela ku yentxa yini nakone a ku li yini mfanelo yake?—Gen. 18:18, 19; Xihondzo xo Rindza 01/05/2010 p. 13.

• Xana mativula a a fanela kuva wa xinuna akuva a va kokwana wa Mesiya?(Xihondzo xo Rindza 12/2017 pp. 14-15)

Zama ku vona leswi u nga swi dondzraka u va u swi tizrisa. Ha yini ku va mativula a swi li swa lisima ka Yakobe ku tlula Esawu? (Heb. 12:16, 17;Xihondzo xo Rindza 15/10/2003 pp. 28-29) Xana Yehovha a titwise kuyini hi vamakwavu lavabidzri nakone ha yini? (Mal. 1:2, 3) I yini leswi Esawu inhaka a swi yentxile akuva a teka swiboho leswinene?

• Tivutisi leswi: ‘Xana ni nga kombisa leswaku ku gandzrela Yehovha i swa lisima kwanga hi ku va ni teka swiboho leswinene mayelanu ni ndlela leyi ni taka wu tizrisa ha yone nkama wanga ni kuva ni tibekela nkama lowu yaneliki wa ku va ni wugandzreli bya ndangu hi ndlela yini?’