Zaburi

7 Ewe Yehova Mana yanje+, muri wewe ni ho nahungiye+.

Nkiza abampama bose, undokore+,

 2 Kugira ntihagire uwuntabagura nka kurya intambwe igira+,

Akanshikura igihe ata murokozi ariho+.

 3 Ewe Yehova Mana yanje, nimba ibi narabikoze+,

Nimba hariho akarenganyo na gakeyi mu biganza vyanje+,

 4 Nimba narishuye ikibi uwunyihora+,

Canke nimba naranyaze uwo wese anyanka mugabo ntaroranirwe+,

 5 Umwansi nankurikire+,

Nahamvye ubuzima bwanje abukandagire,

Atume ubuninahazwa bwanje buba mu mukungugu. Sela.

 6 Haguruka, Yehova we, mw’ishavu ryawe+;

Vira hasi ugupfunduka kw’uburake bw’abanyanka+,

Wikangure ku bwanje+, kuko watanze itegeko ku bw’urubanza+.

 7 Kandi ikoraniro ry’imiryango y’amahanga nirigukikuze,

Nawe wisubirire iyo hejuru urirwanye.

 8 Yehova ubwiwe azosomera urubanza ibisata vy’abantu+.

Ncira urubanza, Yehova we, nk’uko ubugororotsi bwanje buri+,

Nk’uko kandi ugutungana* kwanje kwo muri jewe kuri+.

 9 Ndakwinginze, ububi bw’ababisha burangire+,

Ushimangire umugororotsi+;

Imana, yo igororotse+, isuzuma umutima+ n’amafyigo+.

11 Imana ni Umucamanza agororotse+,

Kandi Imana irungika imisibo imisi yose.

12 Nimba umuntu atigaruye+, inkota yayo izoyikarisha+,

Umuheto wayo ntizobura kuwugonda, iwutegurire kurasa+.

13 Kandi izotegura ibikoresho vyayo vy’urupfu+;

Imyampi yayo izoyigira iyirurumba imbeya+.

14 Raba! Hari umuntu yibungenze ibintu bibabaza+,

Yasamye inda y’ivyago, kandi nta kabuza azokwibaruka ikinyoma+.

15 Yimvye icobo, aracimburura+;

Ariko azogwa mu kinogo yimvye+.

16 Ivyago vyiwe bizomusubira ku mutwe+,

Kandi ubukazi bwiwe buzomanuka ku rutwariro rwiwe+.

17 Nzohaya Yehova nk’uko ubugororotsi bwiwe buri+,

Mpibongoreze izina+ rya Yehova Musumbavyose+.