Ezekiyeli

2 Araheza ambwira ati: “Mwana w’umuntu+, haguruka uhagarare ku birenge vyawe kugira ngo mvugane nawe+.” 2 Akimara kumvugisha+, impwemu itangura kunzamwo, amaherezo impagarika ku birenge vyanje kugira ngo numve Uwo yariko avugana nanje+.

3 Hanyuma ambwira ati: “Mwana w’umuntu, ndagutumye kuri bene Isirayeli+, ku mahanga y’amagarariji yangararije+. Bo ubwabo be na ba sekuruza babo barangabitanijeko gushika n’uyu musi nyene+. 4 Abo bana b’amaso atisonera+ kandi b’umutima ukomantaye+, ni bo ngutumyeko, kandi uze ubabwire uti: ‘Ibi ni vyo Umukama Segaba Yehova avuze.’ 5 Nayo bobo, bumva+ canke batumva+—nakare ni inzu y’ingarariji+—ntibazobura kumenya rero ko umuhanuzi yabaye hagati muri bo+.

6 “Kandi wewe ga mwana w’umuntu, ntubatinye+; kandi ntutinye amajambo yabo, kuko hariho abantu b’intabarirwa+ be n’ibintu bikuzibura+, kandi hagati mu tumina+ akaba ari ho uba. Ntutinye amajambo yabo+, kandi mu maso habo ntihaguce ivutu+, kuko ari inzu y’ingarariji+. 7 Kandi uze ubabwire amajambo yanje, bumva canke batumva, kuko ari abagarariji+.

8 “Kandi wewe ga mwana w’umuntu, niwumve ivyo ndiko ndakubwira. Ntube umugarariji nk’iyo nzu y’ingarariji+. Asamika akanwa kawe, urye ico ngira nguhe+.”

9 Nuko ntangura kubona, maze ngize ntya, mbona ukuboko kuramvuye kuza iyo ndi+, kandi ngize ntya, mbona muri kwo hari umuzingo w’igitabu+. 10 Maze awuzingururira imbere yanje, kandi wari wanditseko imbere n’inyuma+; kandi muri wo hari handitsemwo uturirimbo tw’intimba, n’iminihagiro, n’amaborogo+.