Zaburi

9 Nzoguhaya, Yehova we, n’umutima wanje wose+;

Nzomenyesha ibikorwa vy’agatangaza vyawe vyose+.

 2 Nzonezerwa nongere nigine muri wewe+,

Nzohibongoreza izina ryawe, ewe Musumbavyose+!

 3 Abansi banje nibasubira inyuma+,

Bazotsitara, bayogere bave imbere yawe+.

 4 Kuko washikije urubanza rwanje n’imburano zanje+;

Wicaye ku ntebe y’ubwami, uca imanza mu bugororotsi+.

 5 Wahambariye amahanga+, waranduye umubisha+.

Izina ryabo warihanaguye gushika igihe kitagira urugero, mbere ibihe bidahera+.

 6 Wa mwansi we, ukugirwa umusaka kwawe kwarangutse rwose+,

Mbere n’ibisagara waranduye+.

No kuvugwa ntibazokwongera kuvugwa+.

 7 Nayo Yehova, azovyagira gushika igihe kitagira urugero+,

Ashimangire intebe yiwe y’ubwami ku bw’urubanza+.

 8 Kandi ubwiwe azocira urubanza ubutaka bwimbuka, mu bugororotsi+;

Azosomera urubanza imiryango y’amahanga mu kugororoka+.

 9 Yehova azocika ahantu hakirurutse hatagira inkomanzi kuri uwo wese ajanjaguwe+,

Ahantu hakirurutse hatagira inkomanzi mu bihe vy’amarushwa+.

10 Abazi izina ryawe bazokwizigira+,

Kuko utazogenda uhevye abakurondera, Yehova we+!

11 Nimuhibongoreze Yehova, umwe aba i Siyoni+;

Nimuyage mu bisata vy’abantu ibikorwa vyiwe+.

12 Kuko, niyarondera amaraso yasheshwe+ abo ntazobura kubibuka+;

Ntashobora kwibagira amaborogo y’abarushwa+.

13 Ngirira ubutoni, Yehova we; raba amarushwa yanje ntezwa n’abanyanka+,

Wewe unduza ukankura mu marembo y’urupfu+,

14 Kugira ngo menyeshe ibikorwa vyawe vyose bibereye gushemezwa+

Mu marembo+ y’umukobwa wa Siyoni+,

Kugira nezererwe ubukiriro bwawe+.

15 Amahanga yarokeye mu cobo yimvye+;

Urusenga+ yanyegeje, ni rwo ikirenge cayo cafatiwemwo+.

16 Yehova amenyekanira ku rubanza yashikije+.

Umubisha afashwe n’igikorwa c’amaboko yiwe+.

Higayoni*. Sela.

17 Ababisha+ bazosubira mu kuzimu+,

Mbere n’amahanga yose yibagira Imana+.

18 Kuko umworo atazokwama yibagirwa+,

Eka n’icizigiro c’abatekereza ntikizokwigera gihona+.

19 Haguruka, Yehova we! Umuntu buntu ntabe ari we yiganza mu nkomezi+.

Amahanga nacirwe urubanza mu maso yawe+.

20 Nubashiremwo ubwoba, Yehova we+,

Kugira amahanga amenye ko ata kindi ari atari abantu buntu+. Sela.